ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ដីគម្របព្រៃឈើដែលជាតំបន់ប្រើ ប្រាស់ច្រើនយ៉ាងនៅក្នុងស្រុកកំពង់លែង កំពុងទទួលរងនូវការបាត់បង់ ជាបន្តបន្ទាប់ ពីសំណាក់អ្នកមាន លុយមានអំណាច កាប់ឆ្ការ ឈូស ឆាយទន្រ្ទានយកចែកគ្នាលក់ជារៀង រាល់ថ្ងៃ ដោយពុំមានការបង្ក្រាប​  ||     ល្បីមេឈ្មួញឈើ ម្នាក់ឈ្មោះ ហាក់ កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     លេចឮព័ត៌មាន! មន្ត្រី​យោធា​ និង​ជា​ថៅកែ​ភាស៊ី​ នៅ​រង្វង់​មូល​បឹង​ត្រកួនថា ជំរិត​ទារលុយ​គោយន្ត​ឆ្លងកាត់?​  ||     មេឈ្មួញជើងខ្លាំង ឈ្មោះចែស្រី កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     រោងសិប្បកម្មធំៗ កន្លែងស្ថិតនៅភូមិមេម៉ងឃុំមេម៉ងស្រុកកែវសីមា សង្ស័យមន្ត្រីជំនាញមើលរំលង​  ||   

» ព័ត៌មានជាតិ » ជិះ​ម៉ូតូ​បត់​មិន​មើល​ក្រោយ​បុក​គ្នា ស្លាប់​ម្នាក់ របួសធ្ងន់​៣​នាក់

ជិះ​ម៉ូតូ​បត់​មិន​មើល​ក្រោយ​បុក​គ្នា ស្លាប់​ម្នាក់ របួសធ្ងន់​៣​នាក់

​ភ្នំពេញ​: បើក​ម៉ូតូ​បុក​ម៉ូតូ​បណ្តាល​ឲ្យ​យុវជន​ម្នាក់​បាន​ស្លាប់​ភ្លាមៗ​នៅ​កន្លែងកើតហេតុ និង​៣​នាក់​ទៀត​រងរបួស​ធ្ងន់​ដោយសារ​បើក​ម៉ូតូ​បុក​គ្នា កាលពី​ម៉ោងជាង​៨​យប់ ថ្ងៃទី​៩ ខែធ្នូ ឆ្នាំ​២០១៣ នៅ​បណ្ដោយ​ផ្លូវជាតិ​លេខ​៥ ទល់មុខ​នឹង​ក្រុមហ៊ុន​ក្រឡុក​ស៊ីម៉ង់ត៍​ជិន​ធាន​នៅ​ភូមិ​ស្វាយប៉ាក សង្កាត់​ស្វាយប៉ាក ខណ្ឌឫស្សីកែវ​។​

​ជនរងគ្រោះ​ដែល​បាន​ស្លាប់ ភ្លាមៗ​នៅនឹងកន្លែង​កើតហេតុ​នោះ​ឈ្មោះ​ឯម ភាព អាយុ​១៨​ឆ្នាំ ជនជាតិ​វៀតណាម ស្នាក់​នៅផ្ទះ​លេខ​៤១៤ ផ្លូវជាតិ​លេខ​៥ សង្កាត់​ច្រាំង​ចំរេះ​២ ខណ្ឌឫស្សីកែវ និង​មិត្រ​ភក្តិ​ម្នាក់ទៀត ដែល​ជិះ​ជាមួយ​រងរបួស​បាក់ជើង​ខាងស្ដាំ ឈ្មោះ សុខ ខា អាយុ​២០​ឆ្នាំ ស្នាក់នៅ​ភូមិ​លូ សង្កាត់​ស្វាយប៉ាក ខណ្ឌឫស្សីកែវ​។ ជនរងគ្រោះ​ទាំង​២​នាក់ ជិះ​ម៉ូតូ សង់​កូរ៉េ ពណ៌​ក្រហម ពាក់​ស្លាក​លេខ រ​៩២៧៣ ភព​១​។ ចំណែក​ភាគី​ម្ខាង​ទៀត​រងរ​បូស​ធ្ងន់​ទាំង​២​នាក់ ឈ្មោះ​តាំង សុជាតិ អាយុ​៣៣​ឆ្នាំ ជា​កម្មករ​រោងចក្រ ស្នាក់នៅ​ភូមិ​ឡរ​កំបោរ​សង្កាត់​ស្វាយប៉ាក ខណ្ឌ​ឬ​ស្សី​កែវ និង ឈ្មោះ​សួង សា​វុ អាយុ​៤៧​ឆ្នាំ ជា​អ្នកលក់ដូរ ស្នាក់នៅ​ភូមិ​សង្កាត់​ជាមួយគ្នា​។ ពួកគេ​ធ្វើដំណើរ​ដោយ​ម៉ូតូ​ម៉ាក​ហុងដា​សេ​១២៥ ពណ៌​ខ្មៅ អត់​ស្លាក​លេខ​។​

ប្រភពព័ត៌មាន​បាន​ឲ្យ​ដឹងថា​មុនពេល​កើតហេតុ​គេ​ឃើញ​ភាគី​ដែល​ធ្វើដំណើរ​តាម ម៉ូតូ​សង់​កូរ៉េ​ពី​ជើង​មក​ត្បូង​តាមផ្លូវ​ជាតិ​លេខ​៥​ក្នុង​ល្បឿន​លឿន ខណៈ​មកដល់​ចំណុចកើតហេតុ​ស្រាប់តែ​ឃើញ​បត់​ត្រឡប់ក្រោយ​។ ដំណាលគ្នា​នោះ​ស្រាប់​ក៏មាន​ម៉ូតូ​ហុងដា​បើក​លឿន​ដូចគ្នា ក្នុងទិសដៅ​បញ្ច្រាសទិស ជាន់​ហ្វ្រាំង​មិន​ជាប់ ក៏​បុក​គ្នា​ពេញទំហឹង បណ្ដាលអោយ​ម៉ូតូ​សង់​កូ​រេ​បាក់​ដាច់​ករ​ម៉ូតូ​ជា​២​កំណាត់ ហើយ​អ្នកបើក​ម៉ូតូ​សង់​កូរ៉េ ស្លាប់​ភ្លាមៗ នៅ​កន្លែងកើតហេតុ ។ រីឯ​ភាគី​ម្ខាង​ទៀត​រងរបួស​ធ្ងន់​សន្ល​ប់​ស្តូកស្តឹង​ត្រូវបាន​រថយន្ដ សង្គ្រោះ​ដឹកយក​ទៅ​សង្គ្រោះ​៕

Copyright © 2010-2021 · អរិយធម៌ · All Rights Reserved.
Develop by Sek Sathya