ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» Breaking News, ព័ត៌មានជាតិ » ភ្ញៀវ​អាប់យស ​បង្កជម្លោះ​ក្នុង​មង្គលការ​បង្ហូរឈាម​គ្នា

ភ្ញៀវ​អាប់យស ​បង្កជម្លោះ​ក្នុង​មង្គលការ​បង្ហូរឈាម​គ្នា

ភ្នំពេញ​៖ ហេតុការណ៍​ភ្ញាក់ផ្អើល​មួយ​បាន​កើតឡើង ក្នុង​ពិធី​រៀប​អាពាហ៍ពិពាហ៍ មួយកន្លែង​ស្ថិត នៅក្នុង​បុរី​ពិភពថ្មី ភូមិ​ម័​រ សង្កាត់​ដង្កោ ខណ្ឌដង្កោ រាជធានី​ភ្នំពេញ ដោយសារ​ក្រុម​ភ្ញៀវ​ទាំង ខាង​កូនកំលោះ និង​កូនក្រមុំ កំពុង​ច្រៀង និង​រាំលេង​កំសាន្ត យ៉ាង​សប្បាយ​នោះ ស្រាប់​តែមាន​ភ្ញៀវ មួយក្រុម បាន​បង្កទំនាស់​ពាក្យសម្តី រហូតដល់​វាយ​គ្នា និង​បោក​កែវ បោក​ចាន បណ្តាល​ឲ្យ​ភ្ញៀវ​ផ្សេងទៀត រត់​ជាន់ជើងគ្នា​និង​មាន​ភ្ញៀវ​២​ទៅ​៣​នាក់ ត្រូវ​រងរបួស​ធ្ងន់​ស្រាល និង​៣​នាក់​ត្រូវ​មន្ត្រី​កងរាជអាវុធហត្ថ​ខណ្ឌដង្កោ​ចាប់​ឃាត់ខ្លួន កាលពី​វេលា​ម៉ោង ៩​និង​៤០​នាទី​យប់ ថ្ងៃទី​៨ ខែធ្នូ ឆ្នាំ​២០១៣  ។
​សាក្សី​នៅ​កន្លែងកើតហេតុ​បាន​ឲ្យ​ដឹងថា នៅមុន​ពេល​កើត​រឿងរ៉ាវ​នេះ  គឺមាន​មនុស្ស​ប្រុស​ស្រី ក្មេង​ចាស់ ជាច្រើន​នាក់ ទាំង​ខាង​កូនកំលោះ និង​ខាង​កូនក្រមុំ អញ្ជើញ មក​ចូលរួម​ក្នុង​ពិធី​រៀប​អាពាហ៍ពិពាហ៍ លុះ​ភ្ញៀវ​ទាំងអស់​បាន​ផឹកស្រា​រហូត​ស្រវឹង ស្រែក​ឡូឡា ច្រៀង​រាំ​ឌឺដង​ដាក់គ្នា​បង្ក​ជា​ទំនាស់​ពាក្យសម្តី ផ្ទុះ​ហឹ​ង្សា​ក្រុមបងធំ ២​ក្រុម​មាន​គ្នា
៧ ទៅ​៩ នាក់​បាន​ដេញ​វាយ​គ្នា​យ៉ាង​អនាធិបតេយ្យ និង​ទាញ​ដប​ស្រា កែវស្រា ដេញ​គប់​គ្នា​បណ្តាល​ឲ្យ​ភាគី​ម្ខាង រងរបួស​ធ្ងន់​ស្រាល និង​ភាគី​ម្ខាង​ទៀត​ត្រូវ​សមត្ថកិច្ច​ចាប់វាយ​ខ្នោះ​យកទៅ​ធ្វើការ​សាកសួរ ។
​សាក្សី​នៅ​កន្លែងកើតហេតុ​បានបញ្ជាក់​ទៀតថា​ក្រោយ​កើតហេតុ​មាន​សមត្ថកិច្ច មូលដ្ឋាន និង​ប៉េអឹម​ខណ្ឌ ដង្កោ​បាន​ចុះ​អន្តរាគមន៍​ភ្លាមៗ ដោយ​ខណៈនោះ​បុរស​ម្នាក់​ដែល​រងរបួស​បែក​ភ្នែក​ម្ខាង ក្នុង​ហេតុការណ៍​វាយតប់​គ្នា បាន​ស្ទុះ​ទៅ​ចង្អុល​ប្រាប់​មុខ​ជនបង្ក​ដើម្បី​ឲ្យ​ប៉េអឹម​ឃាត់ខ្លួន ប៉ុន្តែ​ក្រុម​ប៉េអឹម​បែរជា​ស្ទុះ​មក​ចង់វាយ​ជនរងគ្រោះ និង​ស្រែក
គំរាម​ជនរងគ្រោះ​កុំ​ឲ្យ​មាត់ក​អ្វី​ថែមទៀត ។ បន្ទាប់ពី​កើតហេតុ​មន្ត្រី​កងរាជអាវុធហត្ថ​បាន​នាំខ្លួន​ជនបង្ក​៣​នាក់​យកទៅ​កាន់​ទីបញ្ជាការដ្ឋាន កងរាជអាវុធហត្ថ​ខណ្ឌដង្កោ ដើម្បី​ធ្វើការ​សាកសួរ​រឿងហេតុ​ពាក់ព័ន្ធ​នឹង​ករណីនេះ ។
​ទាក់ទិន​នឹង​ហេតុការណ៍​នេះ​ក្រោយ​កងកម្លាំង​ប៉េអឹម​ឃាត់ខ្លួន​ជនសង្ស័យ​ទៅដល់​ទីស្នាក់ការ​រួច​នោះ ក្រុមអ្នកកាសែត​បាននាំគ្នា​សុំ​ថត​យក រូបភាព​ជនបង្ក​យក​ចុះផ្សាយ រួមជាមួយ​គេហទំព័រ​មួយចំនួនទៀត ស្រាប់តែ​ត្រូវ​មន្ត្រី​អាវុធហត្ថ​នៅ​ទីនោះ បាន​និយាយ​ពាក្យ​មិន​សមរម្យ និង​ដៀល​ប្រមាថ រួមទាំង​ចង់វាយ​ក្រុមអ្នកកាសែត​ទៀត ។ ទង្វើ​របស់​អស់លោក​មន្ត្រី​កងរាជអាវុធហត្ថ​ខណ្ឌដង្កោ​នាពេលនោះ ហាក់ បីដូច​ជា គ្មាន​សីលធម៌ សម្រាប់​មនុស្ស​មិនដែល​រៀនសូត្រ​យកមកប្រើ​ប្រាស់ ។ ជាពិសេស​អ្វីដែល​សង្ស័យ​គឺ​ទំនងជា ជនបង្ក​ភាពអនាធិបតេយ្យ​អុកឡុក​ក្នុង​ពិធី​រៀប​អាពាហ៍ពិពាហ៍​ខាងលើ សុទ្ធតែជា​បក្ខពួក​រប​ស់​ប៉េអឹម​ខណ្ឌដង្កោ ហើយ​មើលទៅ​បានជា​ក្រុម​ប៉េអឹម
​ព្យាយាម​ហាមឃាត់​អ្នកកាសែត​និង​ទូរទស្សន៍ មិន​ឲ្យ​ថតរូប​ភាព​នៅ​ទីបញ្ជាការ​កងរាជអាវុធហត្ថ​ខណ្ឌដង្កោ ។ ដូច្នេះ​សូម​លោក​ឧ​ត្ត​ម​សេនីយ៍​ទោ រ័ត្ន ស្រ៊ាង ជួយ​ពិនិត្យមើល​ករណីនេះ​ផង ក្រុមអ្នកកាសែត​មិន​ទៅ​រំខាន ការងារ​របស់​អស់លោក​ទេ គឺ​គ្រាន់តែ​ចង់ដឹង​ពី​ព័ត៌មាន នៃ​ការ​វាយតប់​គ្នា តែប៉ុណ្ណោះ ដើម្បី​យកទៅ​ចុះផ្សាយ​។
​ហេតុការណ៍​នេះ​ប្រជាពលរដ្ឋ​ក៏ដូចជា​ភ្ញៀវ​ដែល​ចូលរួម​ក្នុង​ពិធី​រៀប អាពាហ៍ពិពាហ៍ ខាងលើ បាន​សំណូមពរ​ទៅ​មេបញ្ជាការ​កងរាជអាវុធហត្ថ​រាជធានី​ភ្នំពេញ និង​មេបញ្ជាការ​ខណ្ឌដង្កោ​មេត្តា​ធ្វើយ៉ាងណា​សួររក​ហេតុផល ឲ្យ​បាន​ច្បាស់​ដើម្បី​វែកមុខ​ជនបង្ក​យកទៅ​ផ្តន្ទាទោស​តាមផ្លូវ​ច្បាប់ ព្រោះ​ពួកគេ​បាន​បំផ្លាញ​ក្តី​សុខ និង​ថ្ងៃ ដែល​រីករាយ​បំផុត​សម្រាប់​កូនក្រមុំ​កំលោះ ដែល​ទើបនឹង​ផ្សំផ្គុំ​គ្នា​ថ្មីថ្មោង ។ ពុំទាន់​មាន​ប្រភពព័ត៌មាន​ណា បញ្ជាក់​នូវ​រឿងរ៉ាវ​ទាំងនេះ ឲ្យ​បាន​ច្បាស់​នៅឡើយ​ទេ​ថា ក្រុម​ភ្ញៀវ​ឈ្លោះ​គ្នា​ដោយសារតែ​មូលហេតុ​អ្វី​ឲ្យ​ពិតប្រាកដ​នោះ ៕
​ដោយ​៖ ព្រហ្ម វិ​លៀម

Copyright © 2010-2021 · អរិយធម៌ · All Rights Reserved.
Develop by Sek Sathya