ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » ក្រសួង​ធនធានទឹក អន្តរាគមន៍ បូមទឹក​សង្គ្រោះ​ស្រូវ ប្រជាកសិករ​បាន​ជាង​៥០០​ហិកតា នៅ​ស្រុក​ព្រះស្តេច ​

ក្រសួង​ធនធានទឹក អន្តរាគមន៍ បូមទឹក​សង្គ្រោះ​ស្រូវ ប្រជាកសិករ​បាន​ជាង​៥០០​ហិកតា នៅ​ស្រុក​ព្រះស្តេច ​

ព្រៃវែង​៖​ក្នុង​រដូវ​លំហើយ ដែលជា​ដើមរដូវ​ប្រាំង​ចូលមក​ដល់​មិនទាន់បាន​មួយខែ​ផង​ធ្វើឱ្យ​ដីស្រែ​របស់ ប្រជាពលរដ្ឋ ស្ថិតនៅ​ឃុំ​ល្វា ស្រុក​ព្រះស្តេច ខេត្តព្រៃវែង​មួយចំនួន ខ្វះខាត​ទឹក​សម្រាប់​ប្រើប្រាស់ ក្នុងការ​បង្កបង្កើនផល ស្រូវ​មួយចំនួន​កំពុងតែ​ប្រឈម​នឹង​ការ​ស្វិត​ក្រៀម ក្រសួង​ធនធានទឹក តាមរយៈ​មន្ទីរ​ធនធាន​ទឹក របស់ខ្លួន នៅ​ខេត្តព្រៃវែង​បាន​អន្តរាគមន៍​បូមទឹក ដាក់​ស្រែ​ជូន​ពួកគាត់ តាមរយៈ​ការប្រើប្រាស់​គម្រោង​ស្រោចស្រព សណ្តរ​ទន្លេ​កំពង់ត្របែក គឺ​ស្ថានីយ​បូមទឹក​ប្រើ​ម៉ូ​ទ័​រ​ដោយ​ចរន្តអគ្គិសនី​ជួយ​បូមទឹក​សង្គ្រោះបាន​ទាន់ពេលវេលា​ធ្វើឱ្យ​ប្រជាកសិករ​មានការ​ត្រេកអរ​យ៉ាងខ្លាំង និង​ថ្លែងអំណរគុណ​ដល់​លោក លឹម គានហោ រដ្ឋមន្ត្រីក្រសួង​ធនធានទឹក​ផងដែរ​។​
​លោក ចាន់ យុ​ត្ថា នាយក​ខុទ្ទកាល័យ ក្រសួង​ធនធានទឹក បាន​ថ្លែង​ឲ្យ​ដឹងថា​ដោយមាន​ការណែនាំ ពី​សំណាក់ លោក​រដ្ឋមន្ត្រី លឹម គានហោ​ក្រុមការងារ​របស់​ក្រសួង​ធនធានទឹក បាន​ចុះទៅ​ជួយ អន្តរាគមន៍​បូមទឹក​ដាក់​ស្រែ​ជូន​ប្រជាកសិករ នៅ​ឃុំ​ល្វា ស្រុក​ព្រះស្តេច ខេត្តព្រៃវែង​បាន​ចំនួន​៥០០​ហិកតា ហើយ​។​
​លោក ចាន់ យុ​ត្ថា បាន​ថ្លែង​បន្តទៀតថា ការជួយ​អន្តរាគមន៍​បូមទឹក​ដាក់​ស្រែ​ដល់​ប្រជាពលរដ្ឋ ខាងលើនេះ គឺ​ខាង​ក្រសួង​បាន​ប្រើប្រាស់​ស្ថានីយ​បូមទឹក​មួយកន្លែង ដោយ​ប្រើ​ម៉ូ​ទ័​រ​ចំនួន​៤ ប្រើ​ដោយ​ចរន្តអគ្គិសនី ។​
​បើតាម​លោក ចាន់ យុ​ត្ថា ម៉ូ​ទ័​រ​ចំនួន​៤ ដែល​ប្រើ​ចរន្តអគ្គិសនី​នេះ​គឺ​ម៉ូ​ទ័​រ​ចំនួន​២ ប្រើ​សម្រាប់​បូមទឹក​ចេញ នៅពេល​មាន​ទឹកជំនន់​និង​ម៉ូ​ទ័​រ​ចំនួន​២​ផ្សេងទៀត​នោះ គឺ​ប្រើ​សម្រាប់​បូមទឹក​ដាក់​ស្រែ ជូន​ប្រជាពលរដ្ឋ ។​
​យ៉ាងណាក៏ដោយ មន្ត្រី​ក្រសួង​ធនធានទឹក​រូបនេះ បាន​បញ្ជាក់ថា ក្រុមការងារ​របស់​ក្រសួង​ធនធានទឹក​របស់ខ្លួន នឹង​បន្ត​ប្រតិបត្តិការ ជួយសង្គ្រោះ​ស្រូវ​របស់​ប្រជាពលរដ្ឋ​ជាប្រចាំ នៅពេល​មាន​បញ្ហា​ខ្វះខាត​ទឹក​សម្រាប់​បង្កបង្កើនផល​នា​ចុងរដូវ​វស្សា និង​ដើមរដូវ​ប្រាំង​នេះ​៕ ដោយ​៖ ព្រហ្ម ពៅ​

Copyright © 2010-2021 · អរិយធម៌ · All Rights Reserved.
Develop by Sek Sathya