ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » កាត់​ទោស​និស្សិត​ពេទ្យ​បុក​រះ​ស្លាប់​ក្មេង​បី​នាក់ ដាក់​ពន្ធនាគារ​៣​ឆ្នាំ​តែ​​​ព្យួរ

កាត់​ទោស​និស្សិត​ពេទ្យ​បុក​រះ​ស្លាប់​ក្មេង​បី​នាក់ ដាក់​ពន្ធនាគារ​៣​ឆ្នាំ​តែ​​​ព្យួរ

ភ្នំពេញៈ សាលា​ដំបូង​រាជ​ធានី​ភ្នំពេញ​នៅ​រសៀល​ថ្ងៃ​ពុធ​នេះ បាន​ប្រកាស​សាល​ក្រម​​ និង​ផ្ដន្ទា​ទោស​និស្សិត​ពេទ្យ​ឆ្នាំ​ទី​៦​ម្នាក់​នៃ​សាកល​វិទ្យា​ល័យ​វេជ្ជ​សាស្រ្ត និង​សុខា​ភិបាល​ឲ្យ​ជាប់​ពន្ធនាគារ​រយៈ​ពេល​បី​ឆ្នាំ​ប៉ុន្តែ​ការ​អនុ​វត្ត​ទោស​ត្រូវ​បាន​អនុ​វត្ត​តែ​​រយៈ​ពេល​បី​ខែ​ និង​១៥ថ្ងៃ​ប៉ុណ្ណោះ​ និង​ពិន័យ​ជា​ប្រាក់​ចំនួន​៦​លាន​រៀល​ពាក់​ព័ន្ធ​នឹង​ការ​បើក​រថ​យន្ត​បុក​បណ្ដាល​ឲ្យ​ក្មេង​បី​នាក់​ស្លាប់​ និង​១១​នាក់​ទៀត​បាន​រង​របួស​ធ្ងន់​កាល​ពី​ដើម​ខែ​មីនា​ឆ្នាំ​២០១៣​នៅ​ក្នុង​សង្កាត់​ទន្លេ​បាសាក់​ខណ្ឌ​ចំការ​មន​។

លោក កោ វណ្ឌី ​ដែល​ជា​អនុ​ប្រធាន​ និង​ចៅ​ក្រមជំនុំ​ជម្រះ​នៅ​​តុលាការ​ក្រុង​ភ្នំពេញ​បានអាន​សាល​ក្រម​​​​ថា៖«​ផ្អែក​តាម​សវនាការ​ និង​ចម្លើយ​សារ​ភាពរបស់ជន​ជាប់​​ចោទ​ តុលាការ​បាន​រក​ឃើញ​ថា ឈ្មោះ គាម ពិសិដ្ឋ ​ណារីតា ​ពិត​ជា​បាន​ប្រព្រឹត្ត​បទ​ល្មើស​ដូច​ជា​ការ​ចោទ​ប្រកាន់​មែន​។ ប៉ុន្តែ​ដោយ​សារ​តែ​នាង​មនុស្ស​មានជំងឺ​ស្កន់​និង​ស្ពឹក​ដោយ​មាន​​វេជ្ជ​បញ្ជា​ផ្លូវការ​ពី​ក្រុម​គ្រូ​ពេទ្យ​ តុលាការ​​សម្រេច​ផ្ដន្ទា​ទោស​នាង​ឲ្យ​ជាប់​ពន្ធ​នាគារ​បី​ឆ្នាំ​តែ​ការ​អនុ​វត្ត​ទោស​ជាក់​ស្ដែង​គឺ​​រយៈ​ពេល​បី​ខែ​និង​១៥​ថ្ងៃ​ប៉ុណ្ណោះ​ ហើយទោស​នៅ​សល់​​ត្រូវ​ព្យួរ​ ទាំង​អស់​និង​​ពិន័យ​ជា​ប្រាក់​ចំនួន​៦​លាន​រៀល​ដាក់​ចូល​ក្នុង​ថវិការដ្ឋ​»។​

​លោក​បាន​បន្ថែម​ថា៖«​តុលាការ​បាន​ហាម​ឃាត់​មិន​ឲ្យ​ឈ្មោះ គាម ​ពិសិដ្ឋ​ណារីតា បើ​ក​បរ​រថ​យន្ត​គ្រប់​ប្រភេទ​ចាប់​ពី​ពេល​នេះ​តទៅ»៕

Copyright © 2010-2021 · អរិយធម៌ · All Rights Reserved.
Develop by Sek Sathya