ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» Breaking News, ព័ត៌មានជាតិ » ប្លន់​ម៉ូតូ​FZ តារាចម្រៀង​ផលិតកម្ម​រ៉ុ​ក នឹង​បាញ់សម្លាប់​យុវជន​ម្នា​ក់រួច​គេចខ្លួនបាត់​

ប្លន់​ម៉ូតូ​FZ តារាចម្រៀង​ផលិតកម្ម​រ៉ុ​ក នឹង​បាញ់សម្លាប់​យុវជន​ម្នា​ក់រួច​គេចខ្លួនបាត់​

​ភ្នំពេញ ៖​ករណី​ចោរប្លន់​តារាចម្រៀង​នៅ​ផលិតកម្ម រ៉ុ​ក​ឈ្មោះ ហឿន សុខ​លីម ត្រូវបាន​រួចផុតជីវិត នឹង​យុវជន​ម្នា​ក់បាន​ស្លាប់បាត់​បង់ជីវិត​យ៉ាង​អាណោចអាធ័ម​នៅក្នុង​ថ្លុកឈាម ដោយសារ​ក្រុមចោរប្លន់​ប្រដាប់អាវុធ​មាន​គ្នា ២​នាក់ ជិះ​ម៉ូតូ​មួយគ្រឿង មក​ធ្វើ​សកម្មភាព​ភ្ជង់​ប្លន់​យក​ម៉ូតូ FZ  បានសម្រេច​រួច​ក្រុមចោរ​ជិះ​ម៉ូតូ​រត់គេចខ្លួន​បាត់ស្រមោល​ភ្លាមៗ​។ ហេតុការណ៍ ខាងលើនេះ​កើតឡើង កាលពី​វេលា​ម៉ោង ១​នឹង ៣០ នាទី​រំលងអធ្រាត្រ ចូល​ថ្ងៃទី ០៦ ខែធ្នូ ឆ្នាំ ២០១៣ ស្ថិតនៅ​ចំណុច​មុខផ្ទះ​លេខ ១០៧ តាម​បណ្តោយ​ផ្លូវ​លេខ ២៤៧ សង្កាត់​បឹង​សាឡាង ខណ្ឌទួលគោក​។​
​សមត្ថកិច្ច មូលដ្ឋាន​បាន​ឲ្យ​ដឹងថា តារាចម្រៀង​ខាងលើ ឈ្មោះ ហឿន សុខ​លីម ភេទ​ប្រុស អាយុ ២៩ ឆ្នាំ​ជា​តារាចម្រៀង​នៅ​ផលិតកម្ម រ៉ុ​ក ស្នាក់នៅ​ផ្ទះជួល ក្នុង​សង្កាត់​បឹង​សាឡាង ខណ្ឌទួលគោក​។ ចំណែក​យុវជន​ដែល​ក្រុមចោរប្លន់​បាញ់​ស្លាប់​ខាងលើ​មិនទាន់​ស្គាល់ អត្តសញ្ញាណ​ឡើយ​។​
​យោងតាម​ការរៀបរាប់​របស់​ជនរងគ្រោះ បាន​ឲ្យ​ដឹងថា មុនពេល​កើតហេតុ រូបគេ​បាន​ជិះ​ម៉ូតូ​មួយគ្រឿង​ម៉ាក FZ ពណ៌ ខ្មៅ​គ្មាន​ស្លាក​លេខ មួយគ្រឿង​មកពី​ដើរលេង ហើយ​បាន​ជិះ​ម៉ូតូ​ត្រឡប់​ចូលទៅ​ផ្ទះ​វិញ លុះ​ជិះ​ជិត​ដល់ផ្ទះ​ស្រាប់​តែមាន​ក្រុមចោរប្លន់​ប្រដាប់អាវុធ​មាន​គ្នា ២​នាក់ ជិះ​ម៉ូតូ​ម៉ាក អ៊ិ​ច តេ មួយគ្រឿង​មក​ឈប់​ក្បែរ​រូបគេ នឹង​បាន​ដក​កាំភ្លើង​វាយ​ក្បាល​នឹង​ភ្ជង់​រូបគេ រួច​ប្លន់​យក​ម៉ូតូ FZ បានសម្រេច​។​
​ប្រភព​ដដែល​បន្តថា ក្រោយពេល​ប្លន់​បានសម្រេច​ក្រុមចោរប្លន់​បាន​ឡើង​ជិះ​ម៉ូតូ​បំណង​គេច ខ្លួន ស្រាប់តែ​លេចមុខ​យុវជន​ម្នាក់​ដើរ​ចេញពី​កន្លែង​ងងឹត​ឆ្ពោះ​ទីតាំង​កើតហេតុ ក៏ត្រូវ​ក្រុមចោរប្លន់​ដក​ភ្លើង បាញ់​ទៅលើ​យុវជន​រូបនោះ​មួយ​គ្រាប់​ចំ​ខាងក្រោយ​ខ្នង​ធ្លាយ​ទៅ​បេះដូង បណ្ដាល​ឲ្យ​ដួល​ហូរឈាម ស្រោច​ខ្លួន​ស្លាប់​យ៉ាង​អាណោចអាធ័ម​នៅនឹងកន្លែង​កើតហេតុ​តែ​ម្តង​។
​ទាក់ទិន​នឹង​ករណី​បាញ់សម្លាប់​ប្លន់​យក​ម៉ូតូ FZ ពី តារាចម្រៀង​ផលិតកម្ម រ៉ុ​ក ខាងលើនេះ​សមត្ថកិច្ច មូលដ្ឋាន​នឹង​កងរាជអាវុធហត្ថ​ខណ្ឌទួលគោក​បាន​ចុះ​មកដល់​កន្លែងកើតហេតុ ភ្លាមៗ​ដែរ ប៉ុន្តែ​បាន​ត្រឹម ឈរ​មើល​សាកសព​តែប៉ុណ្ណោះ ព្រោះ​ក្រុមចោរប្លន់​រត់គេចខ្លួន​បាត់​ជាង ៣០​នាទី​ហើយ​ទើប​មានមុខ​សមត្ថកិច្ច​៕

Copyright © 2010-2021 · អរិយធម៌ · All Rights Reserved.
Develop by Sek Sathya