ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អ្នកសារព័ត៌មាន​ក្នុងស្រុក​ជាច្រើន​បានចេញ​ផ្សាយ​ពី​លោក អ៊ុក អៀង លោក កឹ​ក​ហៃ លោក ឡុង គឹមហុង អាង​ខ្លួន​មាន​លុយ​មានអំណាច​ឈូសឆាយ ទន្ទ្រាន​យក​ដី​រដ្ឋ​ចែកគ្នា​ធ្វើជា​ដី​កម្មសិទ្ធិ​សមត្ថកិច្ច​ជំនាញ​ក្នុង​ខេត្តកំពង់ឆ្នាំង​ពុំទាន់​មាន​ចំណាត់ការ​ណាមួយ​ទៅលើ​ក្រុម​ជនល្មើស​នៅឡើយ​ទេ​  ||     ធ្លាយ​កាន់តែ​ធំឡើង! បន្ទាប់ពី​រដ្ឋបាល​ស្រុក​កំពង់លែង​បានចេញ​សេចក្តីបញ្ជាក់​ព័ត៌មាន​នេះ​ថា មាន​គណៈនី​យ​ហ្វេ​ស​ប៊ុ​កតា​មដង​ទន្លេសាប​និង​សារព័ត៌មាន​អរិយធម៌​ថា ចុះផ្សាយ​ព័ត៌មាន​មិន​ពិត​ក្នុងការ​ឈូសឆាយ​ទន្ទ្រាន​យក​ដីព្រៃ​លិច​ទឹក​  ||     ដីព្រៃ​លិច​ទឹក​ដែលជា​ជំ​រកត្រី​ពង​កូន​កំពង់​ទទួលរង​នូវ​ការបាត់បង់​យ៉ាងធ្ងន់ធ្ងរ​ពី​សំណាក់​មន្ត្រី​ខិលខូច​មួយចំនួន​ឆ្លៀតឱកាស​ទន្ទ្រាន​យក​មុនពេល​បោះឆ្នោត​  ||     ស្លាប់​ម្នាក់​នៅនឹងកន្លែង​កើតហេតុ​ចំណែក​ម្នាក់ទៀត​រងរបួស​ធ្ងន់ ករណី​គ្រោះថ្នាក់​ចរាចរណ៍​នៅ​ប៉ោយប៉ែត​  ||     មេ​ឈ្មួញ​ឈើធំៗ ជា​ឧកញ៉ា ៣នាក់ គឺ​ឧកញ៉ា សឹង សំអុល ឧកញ៉ា ប៉ោ សំអឿន និង ឧកញ៉ា តុ​ប វី​ដា នៅតែ​បន្តសកម្មភាព​កាប់បំផ្លាញ​ឈើ​ដឹកជញ្ជូន​ចេញពី​តំបន់​ដែនជម្រកសត្វព្រៃ​ភ្នំ​ព្រេច​  ||   

» ព័ត៌មានជាតិ » ក្មេងប្រុស​ម្នាក់ អាយុ២ឆ្នាំ ត្រូវ​រថយន្ត​កិន​បែកក្បាល​ស្លាប់ភ្លាមៗនៅនឹងកន្លែង​កើតហេតុ នៅ​ក​ណ្កា​ល

ក្មេងប្រុស​ម្នាក់ អាយុ២ឆ្នាំ ត្រូវ​រថយន្ត​កិន​បែកក្បាល​ស្លាប់ភ្លាមៗនៅនឹងកន្លែង​កើតហេតុ នៅ​ក​ណ្កា​ល

កណ្តាល ៖ នៅ​ចំណុច​ផ្លូវលំ​គ្រោះ​ក្រហម ក្នុងភូមិ​ទួល​ស្ពឺ ឃុំ​តា​លន់ ស្រុក​ស្អាង ខេត្តកណ្តាល មាន​ករណី​គ្រោះថ្នាក់​ចរាចរណ៍​មួយ​បានកើត​ឡើង​ដោយ​រថយន្ត​កិន​ក្មេងប្រុស​ម្នាក់​ស្លាប់ កាលពី​ថ្ងៃ​ពុធ ១៤រោជ ខែ​បឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវ​នឹង​ថ្ងៃទី ១១ ខែកក្កដា ឆ្នាំ២០១៨ វេលា​ម៉ោង៦ព្រឹក ។ រថយន្ត​ម៉ាក ហ៊ីយ៉ាន់ដាយ ពណ៌​ស ពាក់​ស្លាក​លេខ ភ្នំពេញ​2z – 6298 អ្នកបើកបរ​ឈ្មោះ គង់ ឡុង ភេទ​ប្រុស អាយុ៦២ឆ្នាំ មាន​ទី​លំ​បច្ចុប្បន្ន​ភូមិ​តា​លន់ ឃុំ​តា​លន់ ស្រុក​ស្អាង ខេត្តកណ្តាល បាន​បើកបរ​ពី​ទិស​ខាងជើង ទៅ​ទិស​ខាងត្បូង មាន​ដឹក​ដីខ្សាច់ លុះ​មកដល់​ចំណុចកើតហេតុ​ខាងលើ រថយន្ត​ក៏បាន​ឈប់​នៅមុខ​ផ្ទះ​ឈ្មោះ​ចាន់ សុផាត ភេទ​ស្រី អាយុ៣០ឆ្នាំ ជា​អ្នកលក់​ចាប់ហួយ ដើម្បី​ទិញ​ស្រា​បៀរ១កំប៉ុង។ ពេលនោះ​ឈ្មោះ​ចាន់​សុផាត ជា​អ្នកលក់ ក៏បាន​យក​ស្រា​បៀរ​ទៅ​ឲ្យ​ឈ្មោះ​គង់ ឡុង ដែល​អង្គុយ​នៅក្នុង​រថយន្ត ស្រាប់​ពេលនោះ​កុមារ​រងគ្រោះ​ឈ្មោះ​តុង ចាន់​មុន្នី​សត្យា ភេទ​ប្រុស អាយុ២ឆ្នាំ ត្រូវជា​កូន បាន​ដើរ​តាម​ពី​ក្រោយមក ចូល​អង្គុយ​ក្រោម​រថយន្ត ដោយ​ម្តាយ​និង​អ្នកបើកបរ មិនបាន​ដឹង​ឡើយ។ លុះ​ពេល​រថយន្ត​ចេញដំណើរ ក៏បាន​កិន​កុមារ​រងគ្រោះ​បែកក្បាល​ស្លាប់ភ្លាមៗនៅនឹងកន្លែង​កើតហេតុ តែម្តង ។ ក្រោយពេល​កើតហេតុ​អ្នកបើកបរ បាន​រត់​គេចខ្លួនបាត់  ៕

 

Copyright © 2010-2018 · អរិយធម៌ · All Rights Reserved.
Develop by Sek Sathya