ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក សាន្ត ប៊ុនថាន មេប៉េអឹមខេត្តក្រចេះ មើលរំលង លោក លន់ ប៊ុនថុល មេបញ្ជាការស្នាក់ការសន្តិសុខ៧០៩ ពង្រាយកូនចៅ ប្រមូលលុយ ពីក្រុមឈ្មួញដឹកជញ្ជូនឈើ ចេញទៅស្រុកយួន​  ||     ឈ្មួញ​ដឹកជញ្ជូន​ឈើ​ចេញទៅ​ស្រុក​យួន ​លាតត្រដាង​អំពើពុករលួយ​របស់​ស​ម​ត្ថ​កិច្ច​ ​ច្រក​ទ្វេភាគី​ឡា​ប៉ា​ខេ​  ||     ថាមែនៗ ! បែកធ្លាយព័ត៌មានត្រាក់ទ័រចំនួន (៣) គ្រឿង ដែលក្រុមចម្រុះស្រុកចាប់ បាន ឥឡូវត្រូវបានអ្នកធំអន្តរាគមន៍ឲ្យដោះលែងវិញហើយថា មែនៗ ហើយ​  ||     លោក គង់ ហ៊ាង ម្ចាស់ផ្ទះសំណាក់ល្បីជាងគេនៅស្រុកកែវសីមា ល្បីល្បាញយ៉ាងខ្លាំង ខាងជំនួញឈើ ទៅវៀតណាម​  ||     លោកឧត្តមសេនីយ៍ទោ យិនចំណាន ស្នងការនគរបាលខេត្តរតន:គិរី បេីកដៃអោយលោក​សាក់នគរបាលការពារព្រំដែននាំឈេីខុសច្បាប់យ៉ាងពេញបន្ទុក​  ||   

» ព័ត៌មានជាតិ » វាយ​ប្លន់​ម៉ូតូ​យុវជន​ម្នាក់ បានសម្រេច ខណ្ឌ​ពោធិ៍​សែន​ជ័យ នៅ​ភ្នំពេញ

វាយ​ប្លន់​ម៉ូតូ​យុវជន​ម្នាក់ បានសម្រេច ខណ្ឌ​ពោធិ៍​សែន​ជ័យ នៅ​ភ្នំពេញ

ភ្នំពេញ៖ នា​វេលា​ម៉ោង១១និង៣០នាទី​យប់ ថ្ងៃ​សៅរ៍ ១១កើត ខែ​បឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវ​នឹង​ថ្ងៃទី២៣ ខែមិថុនា ឆ្នាំ២០១៨ នៅត្រង់ចំណុច​ផ្លូវលំ​មួយកន្លែង ខាងក្រោយ​ផ្សា​រកា​ណា​សុធី ស្ថិតក្នុង​សង្កាត់​ចោមចៅ២ ខណ្ឌ​ពោធិ៍​សែន​ជ័យ រាជធានី​ភ្នំពេញ។

ជនសង្ស័យ​មួយក្រុម ជិះ​ម៉ូតូ៥គ្រឿង មាន​គ្នា​ជាង១០នាក់ បានធ្វើ​សកម្មភាព​វាយ និង​ដក​កាំភ្លើងខ្លី​ភ្ជង់​ប្លន់​ទៅលើ​យុវជន​ប្រុស​ស្រី៣នាក់ ជិះ​ម៉ូតូ២គ្រឿង យកបាន​ម៉ូតូ ឌ្រី​ម​សង់ ស៊េរី​ឆ្នាំ២០១៨ មួយ​គឿង បានសម្រេច ហើយ​ជិះ​គេ​ខ្លួន​ដោយ​សុវត្ថិភាព មិន​រំខាន​ដល់​សមត្ថកិច្ច​បន្តិច​ឡើយ។

យុវជន​រងគ្រោះ ត្រូវបាន​គេ​ស្គាល់ឈ្មោះ ថេត ប៊ុន​ថៃ អាយុ២០ឆ្នាំ មុខរបរ​នៅផ្ទះ ស្នាក់នៅ​ក្រោយ​ផ្សា​រកា​ណា​សុធី មាន​ស្រុកកំណើត​នៅ​ភូមិ​វិហារ​សួគ៌ ស្រុក​ខ្សាច់កណ្ដាល ខេត្តកណ្ដាល។

មុនពេល​កើតហេតុ រូបគេ​មាន​គ្នា៣នាក់ ជិះ​ម៉ូតូ​ពីរ​គ្រឿង ដោយ​មួយគ្រឿង​ម៉ាក ហុងដា​ប៊ីត ពណ៌​ស ពាក់​ស្លាក​លេខ ភ្នំពេញ 1GQ-0203 ជិះ​ដោយ​បុរស​ម្នាក់ និង​មួយគ្រឿង​ទៀត​ម៉ាក ហុងដា​ឌ្រី​ម​សង់ ធុន​សេ១២៥ ស៊េរី​ឆ្នាំ២០១៨ ពណ៌​ខ្មៅ ពាក់​ស្លាក​លេខ ភ្នំពេញ 1GR-5156 ជិះ​ដោយ​ជនរងគ្រោះ និង​ដឹក​សង្សារ​ចេញពី​ដើរលេង​កោះ​ពេជ្រ។

លុះ​ពួកគេ​ត្រឡប់មកផ្ទះ​វិញ នៅ​កា​ណា​សុធី ដោយ​ជិះ​ម៉ូតូ​ពីរ​គ្រឿង​ខាងលើ ទិសដៅ​កើត​ទៅ​លិច ខណៈ​ជិះ​ជិត​ដល់ផ្ទះ​ហើយ​នោះ ស្រាប់​តែមាន​ជនសង្ស័យ​មួយក្រុម​បាន​ជិះ​មកពី​ក្រោយ ហើយ​ជនសង្ស័យ២នាក់ ក្នុងចំណោម​ជាច្រើន​នាក់ បាន​ជិះ​ម៉ូតូ​មួយគ្រឿង មក​កាក់​ពីមុខ និង​ធ្វើ​សកម្មភាព​យក​មួកសុវត្ថិភាព​វាយ​ទៅលើ​គេ។ នៅពេលនោះ ខ្លួន(ជនរងគ្រោះ)បម្រុង​ស្រែកថា ចោរៗ ក៏​ត្រូវបាន​ជនសង្ស័យ​បាន​ដក​កាំភ្លើង​អា​មេ​បម្រុង​បាញ់​ធ្វើ​រូបគេ​ភ័យ​បាន​រត់ចោល​ម៉ូតូ​យករួចខ្លួន​សិន។ ចំណែក​មិត្ត​ភ័ក្តិ​របស់គេ​ម្នាក់ទៀត បាន​ដក​សោ​ម៉ូតូ​ទាន់ ហើយ​រត់ចោល​បាត់។ ដោយ​ឃើញ​ឱកាសល្អ ក្រុម​ជនសង្ស័យ​ទាំងនោះ បាន​លើ​ម៉ូតូ​ម៉ាក ប៊ីត បម្រុង​ជិះ​ចេញ តែ​មិនមាន​សោ ក៏​យក​បានតែ ឌ្រី​ម​សង់ ស៊េរី២០១៨ មួយគ្រឿង ជិះ​គេចខ្លួន​បាត់ស្រមោល ៕

Copyright © 2010-2019 · អរិយធម៌ · All Rights Reserved.
Develop by Sek Sathya