ភ្នំពេញ​:  ព្រឹត្តិការណ៍​នៃ​តន្ត្រី​សិល្បៈ​លាយ​បញ្ចូល​គ្នា​ទូទាំង​ពិភពលោក​ប្រចាំឆ្នាំ “Hennessy Artistry 2013” នេះ​ត្រូវបាន​ធ្វើឡើង​នៅ​ថ្ងៃទី 30 ខែវិច្ឆិកា​ឆ្នាំ 2013 នៅ​សណ្ឋាគារ​សូ​ហ្វី​តែ​ល ភូ​គី​ត្រា​ភ្នំពេញ ហើយ​មាន វត្តមាន​ពី​សិល្បករ តារាចម្រៀង និង​ឌី​ជេ​(DJ)​ល្បីៗ​ជាតិ​និង​អន្តរជាតិ​មាន​រួមមានៈ Katreeya Engkish/​ថៃ​. Mong Manith
and Vanilla/​កម្ពុជា​. Andy Murphy/​អូស្ត្រាលី​. Dennis Lau and Koujee/​ម៉ាឡេស៊ី The Angels Percussion and ZORA/​ឥណ្ឌូនេស៊ី​. រួមជាមួយ​តារាចម្រៀង​ល្បីៗ​ជាច្រើន​ទៀត ដើម្បី​ឆ្លុះបញ្ចាំង​ពី​សិល្បៈ នៃ​ការ​លាយ​បញ្ចូល​គ្នា​ជាស​កល​ដ៏     អស្ចារ្យ​ដែលមាន​សិល្បៈ​ប្លែកៗ​ជាមួយនឹង​គំនិត​ឆ្នៃប្រឌិត​នៃ​តន្ត្រី បទ​ភ្លេង ភាព​រំជួល​អារម្មណ៍ ស្ទីល វប្បធម៌ និង​ស្រា Hennessy ។
Hennessy Artistry Cambodia 2013 នឹង​ផ្តល់ឱ្យ​អតិថិជន​ស្គាល់​ប្រភេទ​ស្រា ដែល​ត្រូវបាន​នាំយក​មកពី​ចំការ​ទំពាំងបាយជូរ​ឈានមុខ​គេ​នៅ​តំបន់​កូ​ញ៉ាក់ នោះ​គឺ​ភាព​នៃ​ការ​លាយ​បញ្ចូល​គ្នា​នូវ​ប្រភេទ​ស្រា Hennessy V.S.O.P ។ ព្រឹត្តិការណ៍​នេះ​ត្រូវបាន​គេ​ប៉ាន់ប្រមាណ​ថា​មាន​អ្នកចូលរួម​ទស្សនា​ប្រមាណ​ពី​១,៨០០​ទៅ​២,០០០​នាក់ ។​
​សូមបញ្ជាក់ថា​នេះ​គឺជា​ឆ្នាំ​ទី​បួន​នៃ​ការ​ត្រឡប់មកវិញ​របស់ Hennessy Artistry Cambodia 2013 ហើយ​ក្រុមហ៊ុន​ក៏បាន​រៀបចំ​កម្មវិធី Hennessy Artistry Club Series ២០១៣ ចាប់ពី​ថ្ងៃទី​៦ ខែកញ្ញា ដល់​ថ្ងៃទី​២៩ ខែវិច្ឆិកា ឆ្នាំ​២០១៣ ដើម្បី​ឲ្យ​អតិថិជន​ចូលរួម​ប្រកួតប្រជែង​ថត​យក​នូវ​រូបភាព​មាន​សញ្ញា​សម្គាល់​(Logo) Hennessy Artistry
ដែលមាន​នៅក្នុង​ក្លិប​ចំនួន​៥​ក្នុង​រាជធានី​ភ្នំពេញ​គឺ DarlinDarlin, Jet’s Studio, Nova, River house Lounge, The Majesty Lounge៕ ព្រហ្ម ពៅ​
​