ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» Breaking News, ព័ត៌មានជាតិ » លោក​ប្រធាន​មន្ទីរ ស៊ីដាច់​លុយ​ជាតិ​៣៥០​លាន​រៀល​ ​

លោក​ប្រធាន​មន្ទីរ ស៊ីដាច់​លុយ​ជាតិ​៣៥០​លាន​រៀល​ ​

ភ្នំពេញ​៖ ប្រភពព័ត៌មាន​ចេញពី​មន្ទីរ​អភិវឌ្ឍន៍ជនបទ​ខេត្តកំពង់ធំ​បាន​បង្ហើរ​យ៉ាង​កងរំពង​ពេញ​ព្រៃ​ប្រឹក្សា​ល​តាវ​ល្លិ៍​ដោយ​រអ៊ូរទាំ​ពី​លោក​ប្រធាន​មន្ទីរ​អភិវឌ្ឍន៍ជនបទ ខេត្តកំពង់ធំ​ឈួ​រ សុធា​ស៊ីដាច់​លុយ​(​ថវិកា​)​សម្រាប់​ថែទាំ​និង​ជួសជុល​ផ្លូវ​ឆ្នាំ​២០១៣​ព្រមទាំង​លុយ​របប​របស់​មន្ត្រីរាជកា​រ​ក្រោម​ឱវាទ​ក្នុង​រង្វង់​ទឹកប្រាក់​ជិត​៣៥០​លាន​រៀល​។
​ប្រភពព័ត៌មាន​ពី​មាត់ចាប មាត់​ព្រាប ទាំង​នោះបាន​បន្ត​ថ្ងួចថ្ងូរ​អាណិត​មន្ត្រីក្រោមឱវាទ​ថា​មិនគួរ​ធ្វើការ​ប៉ះចំ​លោក​មេ​ចេះ​ស៊ីដាច់​បែបនេះ​ទេ កុំ​ថា​លុយ​ធ្វើ​ផ្លូវ​និង​ថែទាំ​ផ្លូវ​សូម្បីតែ​ប្រាក់​របប​របស់​មន្ត្រី​ថ្នាក់ក្រោម​ទាំង​៨​ស្រុក​ក៏​អស់រលីង​ដែរ​។ ទោះជា​យ៉ាងណា​ប្រយ័ត្ន​បែក​ពោះ​លោក​ប្រធាន​!​។ ស្តាប់ទៅ​ដូចជា​លោក​ប្រធាន​មន្ទីរ​ពូកែ​ធ្វើឯកសារ
​ណាស់​! ពិតជា​ស៊ីដាច់​តាម​ជំនាញ​មែន​!
​គេ​បានឮ​ការ​តម្អូញតម្អែរ​ពី​មន្ត្រី​ល្អិតល្អោច​ដ៏​គួរឱ្យ​អាណិត​ទាំងនោះ​គឺថា​រឿងនេះ​មិនមែន​ទើបតែ​កើតមាន​ទេ​គឺ​កើតជា​យូរ​មកហើយៗ​លោក​ប្រធាន​មន្ទីរ ដ៏​មហិមា​ក៏​ធ្លាប់​ត្រូវបាន​ថ្នាក់លើ ហៅ​មក​កោសខ្យល់​ធ្វើ​សរសៃ​ម្តង​ដែរ កាលពី​ឆ្នាំ​២០១១​។ គេ​និយាយថា ឆ្កែ​កន្ទុយ​ខ្វៀន​នៅតែ​ខ្វៀន​!​របៀបរបប​កិបកេង​របស់លោក​ឈួ​រ​សុធា​ពិតជា​មិនធម្មតា​មែន បើ​អ្នក​ល្មមៗ​មើល​មិនដឹង​ទេ​។ ប៉ុន្តែ​ចេះ​អ្វី​រមែង ហ្នឹង​របេះក្បាច់​។
​គេ​និយាយថា គាត់​យកលុយ​ថែទាំ​និង​ជួសជុល​ផ្លូវ​នោះ​ទៅធ្វើ​ដែរ គឺ​ធ្វើ​ផ្លូវ​បេតុង​ក្នុង​ឃុំ​អាចារ្យ​លាក់ តាមពិត​បេតុង​ដើម្បី​បិទបាំង​ទង្វើ​ទុច្ចរិត​របស់គាត់​សោះ​។​
​មាត់ចាបមាត់ព្រាប​បាន​ទទូច​សូម​អង្វរក​ដល់​ថ្នាក់ដឹកនាំ​ក្រសួង​អភិវឌ្ឍន៍ជនបទ​សូមជួយ​មើល​និង​ចាត់វិធានការ​ផង បើ​ដូច​ពាក្យ​តម្អូញតម្អែរ របស់​មាត់ចាបមាត់ព្រាប​មែន​មិនគួរ​ទុក​ឱ្យនៅ​កាន់តំណែង​នេះ​ទៀត ឬ​យ៉ាងម៉េច​។
​ប្រមុខ​រាជរដ្ឋាភិបាល​អាណត្តិ​ទី​៥​នៃ​រដ្ឋសភា​នីតិកាល​ទី​៥​សម្តេច​អគ្គមហាសេនាបតី​តេ​ជោ​ហ៊ុនសែន​បានប្រកាស​រួចហើយ​ពី​កំណែទម្រង់​ស៊ីជម្រៅ​ដោយ​មិន​ទុកឱ្យ​មន្ត្រី​ខិលខូច​២-៣​ធ្វើ​ព្យុះ​ធ្វើ​ភ្លៀង​ទៀត​ទេ​កុំថាឡើយ​ដល់​ក្រសួង​គ្រួសារ សូម្បី​ការិយាល័យ​បក្ខពួក​ក៏​មិនឱ្យ​មាន​ដែរ​។ ​ទោះជា​យ៉ាងណាក៏ដោយ​រឿងរ៉ាវ​ស៊ីដាច់​លុយ​នេះ សូម​ទុក​ភារកិច្ច​នេះ​ឱ្យ​អង្គភាព​ប្រឆាំង​អំពើពុករលួយ ជួយ​អង្កេត ពីក្រោយ​ទៅ​ចុះ រីឯ​កាសែត​អរិយធម៌​មិនដឹង​ការពិត​យ៉ាងណា​នោះទេ ព្រោះ​មិនអាច​ទាក់ទង​លោក​ប្រធាន​មន្ទីរ​បាន
ប៉ុន្តែ​បើ​លោក​ប្រសិន​បាន​អាន​ហើយ​សូម​ប្រាប់​មកវិញ​ផង យើងខ្ញុំ​ស្វាគមន៍ ជានិច្ច​ក្នុងការ​បកស្រាយ​៕ ដោយ​៖ លី​ហ៊ាង

Copyright © 2010-2021 · អរិយធម៌ · All Rights Reserved.
Develop by Sek Sathya