ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||     ប្រជាពលរដ្ឋជាង៣០គ្រួសារ មានការព្រួយបារម្ភ ខណៈដែលមន្ត្រីបរិស្ថានដែនជម្រកសត្វព្រៃភ្នំឱរ៉ាល់ ប្រុងលើកគ្នាទៅដកបង្គោលរបងដីស្រែចំការរបស់ពួកគាត់ទាំងបំពាន​  ||   

» Breaking News, ព័ត៌មានជាតិ » សង្វៀន​បញ្ជល់មាន់ នៅ​ជ្រៃ​ធំ បើក​លេង​យ៉ាង​អនាធិបតេយ្យ ​

សង្វៀន​បញ្ជល់មាន់ នៅ​ជ្រៃ​ធំ បើក​លេង​យ៉ាង​អនាធិបតេយ្យ ​

កណ្តាលៈ សង្វៀន​បញ្ជល់មាន់ ក្នុង​កាស៊ីណូ​ជ្រៃ​ធំ ដែល​បាន​ដំណើរការ ជា​យូរ​ឆ្នាំ​មកហើយ​នោះ គេ​ឃើញ​ប្រជាពលរដ្ឋ​ខ្មែរ ចូល​លេង​យ៉ាង គគ្រឹកគគ្រេង និង​ប្រជាពលរដ្ឋ​វៀតណាម ឆ្លងដែន​មកលេង​យ៉ាងច្រើន​កុះករ ដែល​ម្ចាស់​សង្វៀន តម្រូវ​ឲ្យ​អ្នក​មកលេង ត្រូវតែមាន​លុយ​ចាប់ពី ២០០​ដុល្លារ ដល់ ១០០០​ដុល្លារ ហើយ​ម្ចាស់​សង្វៀន ដក​តុង​ក្នុង​១០០​ដុល្លារ  ១០​ដុល្លារ គឺ​ស្រួល​កើប​លុយ​ណាស់ បញ្ជល់មាន់​ក្នុង​១​ថ្ងៃ​មិន​ក្រោម​ពី​៥០​គូ
​នោះទេ ហើយ​ម្ចាស់​សង្វៀន ឈ្មោះ  ឡេង ជា​យោធា​ស័ក្តិ​៥ ក្នុង អង្គភាព​ភូមិភាគ​ពិសេស និង​លោក ឈឿន ឆន ហើយ​ភាពអនាធិបតេយ្យ​នេះ ពុំ​ឃើញ​មាន​សមត្ថកិច្ច ពាក់ព័ន្ធ ណា​ម្នាក់ ចេញមុខ​ទៅ​បង្ក្រាប​នោះទេ ទំនងជា​សង្វៀន​បញ្ជល់​មាន់​នោះ មាន​ខ្នង​ក្រាស​ហើយ​មើលទៅ ។​
​កាលពីពេល​ថ្មីៗ​នេះ មាន​ក្រុម​អ្នកញៀន​ល្បែង​បញ្ជល់មាន់​ភ្នាល់​គ្នា ចាញ់​អស់​លុយ​ច្រើនពេក ក៏​កើតមាន​ជម្លោះ រហូត​កាប់​ចាក់​គ្នា​នៅក្នុង​សង្វៀន​នោះ រវាង​ជនជាតិ​វៀតណាម បណ្តាល​ឲ្យ​រងរបួស​ធ្ងន់ធ្ងរ ត្រង់​ភ្លៅ​ទាំង​សង ខាង លិច​ដល់​ឆ្អឹង ថែមទាំង​ជាប់​កាំបិត​នៅ​នឹង​ភ្លៅ​ទៀតផង គូ​ជម្លោះ គឺជា​ជនជាតិ​វៀតណាម និង​ជនជាតិ​វៀតណាម
គ្រាន់តែ​មក បញ្ជល់មាន់​នៅក្នុង​ទឹកដី​កម្ពុជា ។​
​គោលការណ៍​ណែនាំ របស់​រាជរដ្ឋាភិបាល ប្រកាស​ឲ្យ​អនុវត្តន៍ កាលពី​ឆ្នាំ​២០០៨ ល្បែង​ស៊ី​ង​សង​គ្រប់​ប្រភេទ ត្រូវ​លុបបំបាត់ ប៉ុន្តែ​កាស៊ីណូ ជ្រៃ​ធំ ហាក់បីដូចជា​ផ្ទុយ​នឹង​គោលការណ៍​ណែនាំ ជាពិសេស គេ​ឃើញ​ជនជាតិខ្មែរ ចូល​លេង​ជាច្រើន​ក្នុង​មួយថ្ងៃៗ ដែល​បង្ក​ឲ្យ​មាន​ភាព អសកម្ម​នៅតាម​តំបន់​ព្រំដែន ចោរលួច ចោរប្លន់ ចោរឆក់ ទិញ​លក់
​គ្រឿងញៀន ធ្វើ​ឲ្យ​ប្រជាពលរដ្ឋ ខ្លាចរអា​យ៉ាងខ្លាំង ម្យ៉ាងវិញទៀត វា​ផ្ទុយ​ពី​គោលនយោបាយ របស់​រាជរដ្ឋាភិបាល​គឺ ភូមិ ឃុំ មាន​សុវត្ថិភាព​ទាំង​៩​ចំណុច ដែល​បានដាក់ ដល់​អាជ្ញាធរ​ភូមិ​ឃុំ មន្ត្រីរាជការ​ទាំងអស់ ត្រូវតែ​អនុវត្តន៍​ឲ្យ​បាន
គឺ​ល្បែងស៊ីសង​គ្រប់​ប្រភេទ បៀ អាប៉ោង បញ្ជល់មាន់ គ្រឿងញៀន ។​ល​។​និង​។​ល​។​
​ប្រជាពលរដ្ឋ នៅ​ទូទាំង​ខេត្តកណ្តាល បាន​និយាយថា ដោយសារ​តែមាន​ល្បែង​បញ្ជល់មាន់​នេះហើយ ទើប​បង្ក​ឲ្យ​កើតមានឡើង នូវ​អំពើហិង្សា ផ្សេងៗ ជាក់ស្តែង​រឿងរ៉ាវ ផ្ទុះ​អំពើហិង្សា​នៅក្នុង​កាស៊ីណូ​ជ្រៃ​ធំ កន្លែង​បញ្ជល់មាន់ បណ្តាល​ឲ្យ​ជនជាតិ វៀតណាម​ម្នាក់​រងរបួស​ភ្លៅ​ទាំងសងខាង រហូត​ជាប់​កាំបិត​នៅ​នឹង​ភ្លៅ​ផង ហើយ​ពាក់ព័ន្ធ​នឹង
​ករណី​នេះដែរ លោក ម៉ុ​យ ចាន់​ពេជ្រ អធិការនគរបាល ស្រុក​កោះធំ បាន​ប្រាប់​អ្នកយកព័ត៌មាន​ថា រឿងរ៉ាវ​នោះ​ត្រូវបាន​កម្លាំង​សន្តិសុខ គេ​ចាប់​ឃាត់ និង​ដោះស្រាយ រួចរាល់​អស់ហើយ ចំណែក​ជនបង្ក និង​ជនរងគ្រោះ​ត្រូវបាន​បញ្ជូន ឲ្យ​ទៅខាង​ប្រទេស​វៀតណាម ។​
​អ្នកញៀន​ល្បែង​បញ្ជល់មាន់ បាន​ឲ្យ​ដឹងថា ម្ចាស់​សង្វៀន​នេះ មានឈ្មោះ ឈឿន ឆន និង ឡេង ដែល​បាន​ជួល​ទីតាំង​ខាងលើ ពី​ម្ចាស់​កាស៊ីណូ ហើយ​បាន​បើក​ដំណើរការ ជា​យូរ​ឆ្នាំ​មកហើយ ដោយ​ពុំ​ខ្លាចញញើត​សមត្ថកិច្ច​ឡើយ ដោយសារ​តែមាន​អ្នក មានអំណាច​នៅ​ពីក្រោយ​ខ្នង​ចាំ​ការពារ​។​
​ប្រជាពលរដ្ឋ​សំណូមពរ ដល់​លោក​អភិបាលខេត្ត​កណ្តាល មេត្តា​ចុះ​ពិនិត្យ និង​ចាត់វិធានការ​បង្ក្រាប​ជាបន្ទាន់​ផង ដើម្បី​ឲ្យ​ប្រជាពលរដ្ឋ ទទួលបាន ភាពកក់ក្តៅ ៕ ដោយ​៖ ដាំ ជា​

Copyright © 2010-2021 · អរិយធម៌ · All Rights Reserved.
Develop by Sek Sathya