ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» Breaking News, ព័ត៌មានជាតិ » រោងចក្រ SL នៅតែ​បន្តធ្វើ​បាតុកម្ម​ដដែល ​

រោងចក្រ SL នៅតែ​បន្តធ្វើ​បាតុកម្ម​ដដែល ​

ភ្នំពេញ​៖ នៅ​ថ្ងៃទី​២៩ ខែវិច្ឆិកា ឆ្នាំ​២០១៣​នេះ រោងចក្រ SL នៅតែ​បន្តធ្វើ​បាតុកម្ម​ដដែល និង​គណៈ​កម្មការ​សម្រាប់​ដោះស្រាយ​ប​ណ្ហា​កូដកម្ម បាតុកម្ម​នៅតាម​គ្រប់​មុខសញ្ញា បានប្រកាសថា អគ្គនាយក​ក្រុមហ៊ុន SL បាន​ព្រម​ទទួលយក​តំណាង​កម្មករ​ទាំង ១៩​នាក់ ឲ្យ​ចូលធ្វើការ​វិញ​ហើយ តាម​អនុសាសន៍​របស់​សម្តេច​តេ​ជោ ហ៊ុន សែន នាយករដ្ឋមន្ត្រី នៃ​រាជរដ្ឋាភិបាល​កម្ពុជា​។​
​ក្រុមអ្នកតាមដាន​សក​ម្ម​ភាព​បាតុភាព​រវាង​ក្រុមកម្មករ និង​ភាគី​រោងចក្រ SL ស្ថិតនៅ​ក្នុងភូមិ​ប្ញ​ស្សី សង្កាត់​ស្ទឹង មានជ័យ ខណ្ឌមានជ័យ​នោះ បាន​សម្តែង​ការ​ត្រេកអរ និង​សាទរ ចំពោះ​ដំណោះស្រាយ​ដ៏​ប្រសើរ​នេះ  ហើយក៏ សូម​អរគុណ​ដល់​ភាគី​រោងចក្រ ដែល​ព្រម​ទទួល​យកតាម​លក្ខខណ្ឌ​របស់​ក្រុមកម្មករ​។​
​ក្រុមអ្នកតាមដាន​ក៏​រំពឹង​ផងដែរ​ថា សហព័ន្ធ​សហជីព​ប្រជាធិបតេយ្យ​កម្មករ​កាត់​ដេរ​កម្ពុជា ដែល​គេ​ដឹង​ច្បាស់​ថា ជា​អ្នក​នៅ​ពីក្រោយ​នៃ​បាតុភាព​នាពេល​កន្លងមកនេះ នឹង​ពិចារណា​បាន​ល្អិតល្អន់​ជាទីបំផុត​មុន​ឈានដល់​អូសទាញ​កម្មករ​ធ្វើ​ការតវ៉ា​បែបនេះ ព្រោះ​អ្នក​ប៉ះពាល់​ធ្ងន់ធ្ងរ​ជាងគេ​មិនមែន​លោក អាត់ ធន់ ជា​ប្រធាន​នោះទេ តែ​ក្រុម កម្មករ​ទេ ដែល​ត្រូវ​អត់លុយ​បង់​ផ្ទះជួល និង​ថ្លៃ​ចាយវាយ​ផ្សេងៗ​ទៀត​។ សហជីព​មិនអាច​គិតតែ​ពី​ប្រយោជន៍ ផ្ទាល់ខ្លួន ដោយ​មិន​គិតពី​ប្រយោជន៍​ជាតិ និង​កម្មករ​ជា​ពលរដ្ឋ​ខ្មែរ​ទាំងមូល​នោះទេ​។​
​ក្រោយ​ប៉ះទង្គិច​រាជរដ្ឋាភិបាល​កម្ពុជា នៅ​ថ្ងៃទី​១៥ ខែវិច្ឆិកា បានចេញ ស​.​ជ​.​ណ ឲ្យ​រដ្ឋមន្ត្រីក្រសួង​ការងារ និង បណ្តុះបណ្តាល​វិជ្ជាជីវៈ ជាមួយ​ថ្នាក់ដឹកនាំ​រោងចក្រ SL បង្កើន​ការដោះស្រាយ​ជូន​កម្មករ ហើយ​បើ​ភាគី​រោងចក្រ រឹងរូស​មិន​ព្រម​ដោះស្រាយ​ទេនោះ នឹងត្រូវ​ចាត់វិធានការ​តាម​នីតិវិធីតុលាការ​។​
​ជាមួយនឹង​ការចេញ ស​.​ជ​.​ណ ក្រសួង​ការងារ និង​បណ្ដុះបណ្ដាល​វិជ្ជាជីវៈ និង​គណៈកម្មការ សម្រាប់​ដោះស្រាយ វិវាទ និង​ភាគី​សហជីព រួម​នឹង​និយោជក នៃ​រោងចក្រ​SL ក៏បាន​ពិភាក្សា​រក​ដំណោះស្រាយ ជាមួយគ្នា ព្រមទាំង ឈានដល់​ការឯកភាព​លើ​លក្ខខណ្ឌ ៦​ចំណុច​រួចមកហើយ​ផងដែរ តាម​ការទាមទារ​រប​ស់កម្មករ​។​
​លក្ខខណ្ឌ​៦​ចំណុច​នោះ​រួមមានៈ​
១- ករណី​លោក មាស សុត្ថា ភាគី​ទាំងពីរ​ទុក​ឲ្យ​ក្រសួង​ការងារ​ធ្វើការ​ជាមួយ លោក មាស សុត្ថា ដោយផ្ទាល់ ដើម្បី​ស្នើសុំ​ឲ្យ​គាត់​ធ្វើលិខិត​ជា​លាយលក្ខណ៍អក្សរ​បញ្ជា​ក់ថា គាត់​នឹង​ដកខ្លួន និង​មិន​ពាក់ព័ន្ធ​ការងារ​ចាត់ចែង នៅ​ក្រុមហ៊ុន SL តទៅទៀត​ឡើយ​។​
២- ករណី​កម្លាំង​សមត្ថកិច្ច​ការពារ​សណ្ដា​ប់​ធ្នាប់ រោងចក្រ​សព្វថ្ងៃ​ភាគី​ទាំងពីរ ឯកភាព រក្សាទុក​សម្រាប់ ប្រចាំការ នៅក្នុង​រោងចក្រ​ដដែល​រហូតដល់​មានការ​ដោះស្រាយ​ចប់សព្វគ្រប់​។​
៣- ចំពោះ​បញ្ហា​វេន​ធ្វើការ ភាគី​ក្រុមហ៊ុន​ឯកភាព​ថា នឹង​រៀបចំ​វេន​ធ្វើការ​ជា​៣​វេន​តាម​ការ ស្ម័គ្រចិត្ត​របស់​បងប្អូន កម្មករនិយោជិត​។ ប្រសិនបើ​មានការ​ផ្លាស់ប្ដូរ​វេន​ធ្វើការ ភាគី​ក្រុមហ៊ុន និង​សហជីព កម្មករ​និយោជក នឹងធ្វើ​ការ ពិភាក្សាគ្នា ដោយ​ស្របទៅតាម​នីតិវិធី​ច្បាប់​ស្ដីពី​ការងារ​។​
៤- ការដក​ពាក្យបណ្ដឹង​ពី​តុលាការ​គឺ​ក្រសួង​ការងារ​ស្នើសុំ​ភាគី​ទាំងពីរ​ផ្អាក​ការប្ដឹង​ផ្តល់​គ្នា ហើយ​ភាគី​ទាំងពីរ ក៏យល់ព្រម​ចំពោះ​ការស្នើសុំ​នេះ ព្រមទាំង​បាន​ឯកភាពគ្នា​ថា​នឹងមិន​បង្ក​ឲ្យ​មាន​អំពើហិង្សា ជាមួយគ្នា​តទៅទៀត ឡើយ​។ ក្នុងករណី​ដែល​សហជីព​កម្មករនិយោជិត នៅ​បន្តធ្វើ​កូដកម្ម បាតុកម្ម​ខុសពី​នី​តី​វិធី​ច្បាប់​នោះ ភាគី​និ​យោ
ជក នឹង​បន្ត​ឡើងវិញ​នូវ​បណ្ដឹង ចាស់​នាពេល​កន្លងមក​។ ភាគី​ក្រុមហ៊ុន បាន​បញ្ជាក់ថា មិនមាន​ការ​គុំ​គួ​ន កម្មករ និយោជិត ដែល​ធ្វើ កូដកម្ម បាតុកម្ម​កន្លងមក​នោះទេ ជាពិសេស​ថ្នាក់ដឹកនាំ​សហជីព​និង​សកម្មជន​រោងចក្រ​SL​។​
៥-​ចំពោះ​កម្មករនិយោជិត​ដែល​មិនទាន់ បាន​ប្រាក់​ឈ្នួល​សម្រាប់​ខែសីហា និង​ខែកញ្ញា​ឆ្នាំ ២០១៣​អាច​ទៅ​បើក ប្រាក់​ឈ្នួល​នៅតាម​ក្រុម​គ្រប់ពេល​។​
៦- ភាគី​កម្មករនិយោជិត​សុខចិត្ត​ទទួល ប្រាក់​៥០​ភាគរយ​នាំ​ប្រាក់​ឈ្នួល និង​ប្រាក់​បន្ទាប់បន្សំ​ក្នុងអំឡុង ពេលធ្វើ កូដកម្ម បាតុកម្ម​សរុប ប្រមាណ​ជិត​១​លាន​ដុល្លារ​។ រោងចក្រ​មិនមាន​លទ្ធភាព​ផ្ដល់ជូន​ទេ​តែ​ក្រសួង​ការងារ​បាន សហការ​ជាមួយ​មជ្ឈមណ្ឌល អាម៉េរិកាំង​សម្រាប់​សាមគ្គីភាព​ការងារ​អន្តរជាតិ គម្រោង​រោង ចក្រ​កាន់តែ​ប្រសើរ នៅ​កម្ពុជា​មូលនិធិ​ក្រុមប្រឹក្សា​អាជ្ញាកណ្ដាល​សម្របសម្រួល ជាមួយ​អ្នកបញ្ជា​ទិញ ឲ្យ​ជួយ​ចេញ​ថវិកា​៕

Copyright © 2010-2021 · អរិយធម៌ · All Rights Reserved.
Develop by Sek Sathya