ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » កូន​តិរច្ឆាន​ទើប​ចេញពី​គុក​មិន​កែខ្លួន ថែមទាំង​គម្រាម​សម្លាប់​ម្តាយបង្កើត​

កូន​តិរច្ឆាន​ទើប​ចេញពី​គុក​មិន​កែខ្លួន ថែមទាំង​គម្រាម​សម្លាប់​ម្តាយបង្កើត​

​កណ្តាល ៖ កូន​តិរច្ឆាន​ម្នាក់​បាន​គំរាម​សម្លាប់​ម្តាយបង្កើត និង​បានធ្វើ​សកម្មភាព​វាយ​បំផ្លិចបំផ្លាញ​ទ្រព្យសម្បត្តិ​នៅក្នុង​ផ្ទះ ប្រសិនបើ​ម្តាយ​មិន​ទិញ​ទូរស័ព្ទ​និង​ម៉ូតូ​ឲ្យ​ប្រើ​ទេនោះ​។ ហេតុការណ៍​ខាងលើនេះ​បាន​កើតឡើង​កាលពី​វេលា​ម៉ោង​១៦​និង​៣០​នាទី ថ្ងៃទី​២៧ ខែវិច្ឆិកា ឆ្នាំ​២០១៣ ស្ថិត​ក្នុងភូមិ​តាខ្មៅ​សង្កាត់​/​ក្រុង​តាខ្មៅ ខេត្តកណ្តាល ។​
​ក្រោយពី​មាន​ហេតុការណ៍​កើតឡើង ម្តាយ​ជនសង្ស័យ​បាន​ប្តឹង នគរបាល​ក្រុង​តាខ្មៅ​ឲ្យ​ជួយ​អន្តរាគមន៍​ឃាត់ខ្លួន​កូនប្រុស​ចិត្ត​តិរច្ឆាន​រូបនេះ ដើម្បី​ចាត់ការ​តាមច្បាប់ ។

​មន្ត្រីនគរបាល​ក្រុង​តាខ្មៅ​បាន​ឲ្យ​ដឹងថា ជនសង្ស័យ​ដែល​ត្រូវបាន​ឃាត់ខ្លួន​នោះ​មានឈ្មោះ លុយ ដា​រី អាយុ​២៦​ឆ្នាំ ទើប​ចេញពី​គុក​បាន​រយៈពេល​២៦​ថ្ងៃ​ប៉ុណ្ណោះ​។ ម្តាយ​ឈ្មោះ លុយ ផល​លាង អាយុ​៥៣​ឆ្នាំ មុខរបរ​លក់ដូរ បច្ចុប្បន្ន​ស្នាក់​នៅផ្ទះ​ជាមួយគ្នា ក្នុង​កើតហេតុ​ខាងលើ​។​
​ប្រភព​ដដែល​បាន​បន្តថា ជនសង្ស័យ​ជា​កូន​នេះ កាលពី​អំឡុង​ឆ្នាំ​២០០៨ ត្រូវបាន​សាលាដំបូង​ខេត្ត កណ្តាល​សម្រេច​ឃុំខ្លួន​នៅក្នុង​ពន្ធនាគារ​ខេត្តកណ្តាល​រយៈពេល ៦​ឆ្នាំ ពីបទ​ប្លន់ ដែល​បាន​ប្រ​ព្រឹ​ត​កាលពី​ថ្ងៃទី​៣០ ខែតុលា ឆ្នាំ​២០០៨ នៅ​ក្រុង​តាខ្មៅ ។ រហូតមកដល់​ថ្ងៃទី​១ ខែវិច្ឆិកា ឆ្នាំ​២០១៣ ជនសង្ស័យ​ត្រូវបាន​សាលាដំបូង​ខេត្តកណ្តាល ចេញ​ដីកា​សម្រេច​ដោះលែង​ឲ្យ​មាន​សេរីភាព ។​
​ប្រភព​ខាងលើ​បាន​បញ្ជាក់ថា ក្រោយពី​ចេញពី​ពន្ធនាគារ​រួចមក​ជនសង្ស័យ​ខាងលើនេះ​ពុំបាន​កែប្រែ​ចិត្តគំនិត​នោះទេ ហើយ​បាន​ប្រ​ព្រឹ​ត​អំពើ​មិន​គប្បី​ផ្សេងៗ​ដូចជា​ប្រើប្រាស់​គ្រឿងញៀន ជាដើម ។ លុះ​មកដល់​ថ្ងៃទី​២៧ ខែវិច្ឆិកា ឆ្នាំ​២០១៣ ជនសង្ស័យ​បាន​ត្រឡប់​មកពី​ផឹកស៊ី​វិញ ក៏​រករឿង​ម្តាយ ហើយ​បាន​បោក​ចាន​ឆ្នាំ និង​ទ្រព្យសម្បត្តិ​នៅក្នុង​ផ្ទះ​ចោល​បែក​រាយប៉ាយ​ពេញ​ផ្ទះ ។ មិនតែប៉ុណ្ណោះ​ជនសង្ស័យ​ខាងលើនេះ​បាន​និយាយ​គំរាម​សម្លាប់​ម្តាយ​ចោល បើ​មិន​ព្រម​ទិញ​ម៉ូតូ និង​ទូរស័ព្ទ​ឲ្យ​គេ​(​ជនសង្ស័យ​) ប្រើប្រាស់​។​
​បច្ចុប្បន្ន​ជនសង្ស័យ​កំពុង​ស្ថិតនៅ​បន្ទប់​ឃុំឃាំង​របស់​អធិការដ្ឋាន​នករបាល ក្រុង​តាខ្មៅ ដើម្បី​រង់ចាំ​ចាត់ការ​តាម​នីតិវិធី ៕

Copyright © 2010-2021 · អរិយធម៌ · All Rights Reserved.
Develop by Sek Sathya