ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» Breaking News, ព័ត៌មានជាតិ » ចត​រថយន្ត​ឡើង​ផ្សារចោរ​វាយ​កញ្ចក់​យកលុយ​ជិត​៤០​លាន​រៀល​

ចត​រថយន្ត​ឡើង​ផ្សារចោរ​វាយ​កញ្ចក់​យកលុយ​ជិត​៤០​លាន​រៀល​

ភ្នំពេញ ៖ បុរស​អ្នកជា​អ្នកម៉ៅការ​សំណង់​ម្នាក់​ជិះ​រថយន្ត​ទៅ​ចត​នៅមុខ​ផ្សារ​ឡាក់​គី រួច​ចូលទៅក្នុង​ផ្សារ ត្រូវ​ជន​មិន​ស្គាល់មុខ​វាយ​បំបែក​កញ្ចក់ រថយន្ត​លួច​យកប្រាក់​ប្រមាណ​ជិត​៤០​លាន​រៀល​ទៅបាន​ដោយ​សុវត្ថិភាព ខណៈ​ជនរងគ្រោះ​ទើប​បើក​ចេញពី​ធនាគារ​កាណាឌីយ៉ា​។​

​ហេតុការណ៍​ភ្ញាក់ផ្អើល​ខាងលើនេះ បាន​កើតឡើង​ដោយសារ​មាន​ក្រុម​ជនសង្ស័យ​មិន​ស្គាល់មុខ​២​នាក់ ជិះ​ម៉ូតូ​មួយគ្រឿង មក​ឈប់​ធ្វើ​សកម្មភាព​វាយ​បំបែក​កញ្ចក់​រថយន្ត​កា​ម​រី​បា​ឡែ​ន ពណ៌​ស្ករ ពាក់​ស្លាក​លេខ ភ្នំពេញ 2W-0778 កាលពី​វេលា​ម៉ោង​៣​និង​៣០​នាទី​រសៀល​ថ្ងៃទី​២៧ ខែវិច្ឆិកា ឆ្នាំ​២០១៣ នៅ​ចំណុច​មុខ​ផ្សា​រឡាក់​គី ផ្លូវ​ព្រះសីហនុ ភូមិ​៤ សង្កាត់​បឹង​កេងកង​ទី​១ ខណ្ឌចំការមន ។​
​នគរបាល​មូលដ្ឋាន​បាន​ឲ្យ​ដឹងថា ម្ចាស់​រថយន្ត​ដែល​ចោរលួច​យកលុយ​នេះ​មានឈ្មោះ ញឹ​វ ប៊ុនធឿន ភេទ​ប្រុស អាយុ​៣២​ឆ្នាំ មុខរបរ​ជា​អ្នកម៉ៅការ​សំណង់ ស្នាក់នៅ ភូមិ​កណ្តាល សង្កាត់​ព្រែក​ព្នៅ ខណ្ឌ​សែន​សុខ តាម​បណ្តោយ​ផ្លូវជាតិ​លេខ​៥ ។​
​តាម​ការរៀប​រាប់រប​ស់​បុរស​ម្ចាស់​លុយ បាន​ឲ្យ​ដឹងថា គាត់​បាន​ចេញពីផ្ទះ ដើម្បី​ទៅ​បើក​លុយ​ក្នុង​ធនាគារ​កាណាឌីយ៉ា ក្នុង​សង្កាត់​ស្រះចក ខណ្ឌដូនពេញ ហើយ​បើករថយន្ត មក​ចត​នៅមុខ​ផ្សារ​ឡាក់​គី​កន្លែងកើតហេតុ​ខាងលើ ដោយ​ទុក​លុយ​ក្នុង​រថយន្ត​និង​ចាក់សោ​ត្រឹមត្រូវ រួច​ក៏​ដើរចូល​ទៅក្នុង​ផ្សារ​ឡាក់​គី ដើម្បី​រក​ទិញ​ទំនិញ​បន្តិចបន្តួច ។ ខណៈ​ចូល​បាន​ប្រមាណ​កន្លះ​ម៉ោង ពេលចេញ​មកវិញ​មកដល់​រថយន្ត ស្រាប់តែ​ឃើញ​រថយន្ត​របស់គាត់ បែក​កញ្ចក់ទ្វារ​ខាងមុខ ផ្នែក​ខាងឆ្វេង ។ ភ្លាមៗ​នោះ​គាត់​បាន​ស្ទុះ​ទៅរក​មើល​ថង់​លុយ ដែល​ទុក​ក្នុង​រថយន្ត​មិនឃើញ ទើប​ស្រែក​ឆោ​រ​ឡោ​ដឹង​ដល់​សមត្ថកិច្ច​មូលដ្ឋាន ចុះទៅ​អន្តរាគមន៍​ដល់​កន្លែងកើតហេតុ និង​បាន​ឲ្យ​ម្ចាស់​រថយន្ត​ទៅ​ដាក់​ពាក្យបណ្តឹង​នៅ​ទីស្នាក់ការ​នគរបាល ប៉ុស្តិ៍​បឹង​កេងកង​ទី​១ ដើម្បី​ងាយស្រួល​ដល់​សមត្ថកិច្ច បើក​ការស្រាវជ្រាវ​កំណត់​មុខសញ្ញា តាម​ចាប់ខ្លួន​ជនសង្ស័យ យកមក​ផ្តន្ទាទោស​តាមផ្លូវ​ច្បាប់​៕

Copyright © 2010-2021 · អរិយធម៌ · All Rights Reserved.
Develop by Sek Sathya