ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » កម្មករ​ភ័យ ព្រោះ​អគារ​ជាន់​ទី​២ រោងចក្រ​កាត់ដេរ​ស៊ា​វ​គិញ​រង្គើ​ប្រេះស្រាំ​ ​

កម្មករ​ភ័យ ព្រោះ​អគារ​ជាន់​ទី​២ រោងចក្រ​កាត់ដេរ​ស៊ា​វ​គិញ​រង្គើ​ប្រេះស្រាំ​ ​

ភ្នំពេញ ៖ កាលពី​ថ្ងៃទី​២៦ ខែវិច្ឆិកា ឆ្នាំ​២០១៣ ក្រុមកម្មករ​កម្មការិនី​ទាំងអស់​មិន ទាន់​ហ៊ាន​ចូលធ្វើការ​វិញ​នៅឡើយ​ទេ បើ ទោះបីជា​មានការ​ធានា​ពី​មន្ដ្រី​ជំនាញ របស់​មជ្ឈមណ្ឌល​វិស្វកម្ម​និង​បច្ចេក ទេស​ក៏ដោយ ។​
​រោងចក្រ កាត់ដេរ​ស៊ា​វ​គិញ​មាន​ទីតាំង ស្ថិតនៅ​ផ្លូវ​ច្រកចូល​សាកលវិទ្យាល័យ ភូមិន្ទ​កសិកម្ម​ចំការ​ដូង​ក្នុងភូមិ​ខ្វា សង្កាត់​-​ខណ្ឌដង្កោ រាជធានី​ភ្នំពេញ ។​
កម្មការិនី​ម្នាក់​បាន​ប្រាប់ឱ្យដឹង​កាលពី​ម្សិលមិញ​នេះ​ថា​កម្មករ​អត់ ចូលធ្វើការ ៣-៤​ថ្ងៃ​មកហើយ​ពីព្រោះ​ភ័យខ្លាច​បាក់ ស្រុត​អគារ​រោងចក្រ​ហើយ​អគារ​រោង ចក្រ​នេះ​បាន​ប្រេះស្រាំ​រង្គើ​នៅ​ជា​ន់ទី​២​តាំង ពីថ្ងៃ​សុក្រ​សបា្ដហ៍​មុន​ម្លេះ​ពេលនោះ​កម្មករ ទាំងអស់​នាំគ្នា​រត់​ចុះ​ប្រសេចប្រសាច ស្ទើរ​លស់​ព្រលឹង​គ្រប់ៗ​គ្នា ។ កម្មការិនី ដដែល​បន្ដ​ឱ្យដឹងទៀតថា អគារ​ជាន់​ទី ៣​មាន​តុ​កាត់​ក្រណាត់​និង​ម៉ាស៊ីនដេរ​ជាច្រើន​គ្រឿង​ហើយ​ពេល​កម្មករ​យើង ដំណើរការ​ម៉ាស៊ីនដេរ​អគារ​ជាន់​ទី​២ ចាប់ផ្ដើម​ញ័រ​រង្គើ​តែម្ដង​គួរឱ្យ​បារម្ភ​បំផុត ហើយ​នៅតាម​ជញ្ជាំង​រោងចក្រ​វិញ ឃើញ​មាន​ស្នាម​ប្រេះស្រាំ​ដែលជា​ហេតុនាំឱ្យ​កម្មករ​មិន​ហ៊ាន​ឡើង​ទៅលើ ជាន់​ទី​២​នោះ​ទៀត​បានទេ ។​
​ក្រុម កម្មករ​-​កម្មការិនី​បានមក​ជួប ប្រជុំគ្នា​កាលពី​រសៀល​ម្សិលមិញ​ខ្លះ​ឈរ នៅ​ខាងក្រៅ​រោងចក្រ​និង​ខ្លះទៀត​ឈរ​នៅ​ខាងក្នុង​រោងចក្រ​តាម​ការណែនាំ របស់​មន្ដ្រី​វិស្វកម្ម​ជំនាញ​ប្រាប់​និង​ពន្យល់​ឱ្យ ចូលធ្វើការ​នៅ​ព្រឹក​ថ្ងៃទី​២៧​វិច្ឆិកា​នេះ​។ ប៉ុន្ដែ​កម្មករ​កម្មការិនី​រោងចក្រ​ស៊ា​វ​គិញ នៅតែ​បដិសេធ​មិន​ព្រម​ចូលធ្វើការ​វិញ​ឡើយ​ពីព្រោះ​កម្មករ​នៅតែមាន អារម្មណ៍ ភិតភ័យ​ខ្លាចក្រែង​អគារ​នេះ​បាក់ស្រុត ជាយថាហេតុ​ទោះបីជា​មានការ​ធានា​ពី​អាជ្ញាធរ​ក៏ដោយ ។​
​ខណៈនោះ ដែរ​កម្មការិនី​ម្នាក់​ក៏​ប្រាប់ឱ្យដឹង​ដែរ​ថា ថៅកែ​រោងចក្រ​ស៊ា​វ​គិញ បង្ខំ​ឱ្យ​កម្មករ​ចូលធ្វើការ​វិញ​នៅ​ព្រឹក​ថ្ងៃទី​២៧ ខែវិច្ឆិកា​នេះ បើ​មិន​ដូច្នោះ​ទេ​ថៅ កែ​រោងចក្រ​នឹង​កាត់លុយ​និង​លុយ​ព្រីម ទាំងអស់​នៅក្នុង​ខែ​នេះ ។​
​នៅក្នុង កិច្ចព្រមព្រៀង​នោះ​ក៏បាន​សុំឱ្យ​កម្មករនិយោជិត​ចូលធ្វើការ​វិញ​តាម ផ្នែក​រៀងៗ​ខ្លួន​នៅ​ថ្ងៃទី​២៧ ខែវិច្ឆិកា ឆ្នាំ ២០១៣​ព្រឹក​នេះ តាម​ពេលវេលា និង បទបញ្ជាផ្ទៃក្នុង​របស់​ក្រុមហ៊ុន​ហើយ ប្រសិនបើជា​ថ្ងៃក្រោយ​បងប្អូន​កម្មករ និយោជិត​ទាំងអស់​មាន​គ្រោះថ្នាក់​ដោយសារ​បាក់ស្រុត​ដំបូល​អគារ​នោះ​ក្រុម ហ៊ុន​នឹង​ទទួលខុសត្រូវ​ទាំងស្រុង
​ចំពោះ ហេតុការណ៍​នេះ ៕

Copyright © 2010-2021 · អរិយធម៌ · All Rights Reserved.
Develop by Sek Sathya