ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» Breaking News, ព័ត៌មានជាតិ » លែងប្រពន្ធ​មិនទាន់​រួចរាល់​ផង ចង់​ឆី​មាន់​ថ្មី​១៦​ឆ្នាំ ផ្អើល​ពេញ រោងការ​

លែងប្រពន្ធ​មិនទាន់​រួចរាល់​ផង ចង់​ឆី​មាន់​ថ្មី​១៦​ឆ្នាំ ផ្អើល​ពេញ រោងការ​

​បាត់ដំបង ៖ វេជ្ជបណ្ឌិត​ឯកជន​ម្នាក់​លែងលះ​ជាមួយ​ប្រពន្ធដើម មិនទាន់​ចប់សព្វគ្រប់​ផង​នោះ បែរជា​ទៅ​រៀបការ​ជាមួយ​ប្រពន្ធ​ថ្មី អាយុ​១៦ ឆ្នាំ​ខ្ចី​ញិញ នៅឯ​ខេត្ដ​បាត់ដំបង​វិញ មិនទាន់​ទាំង​បាន​ភ្លក់​ម្ហូប​ថ្មី​ផង ស្រាប់តែ​កំពុង​រៀបការ ដោយមាន​បងប្អូន និង​ភ្ញៀវ​កិ​ត្ដិ យស​ចូលរួម​យ៉ាង​សប្បាយ​នោះ បែរជា​ក្លាយ​មាន​រឿងរ៉ាវ​ចម្រូងចម្រាស កើតឡើង​ភ្លាម ខណៈដែល​ប្រពន្ធដើម​មក​អុកឡុក​ពេញ​រោងការ​ក៏បង្ក​អោយមាន​ភាព​ភ្ញាក់ផ្អើល ។​
​តាម​ការ​ឲ្យ​ដឹង​ពី​ស្ដ្រី​ជា​ប្រពន្ធដើម ឈ្មោះ គិត សិរី​ផល្លី​កា អាយុ ២៧​ឆ្នាំ ជា​បុគ្គលិក​ក្រុមហ៊ុន​ឯកជន មួយ​រស់នៅ​ភូមិ​ព្រែក តា​ឡុង សង្កាត់​ចាក់ អង្រែ​ក្រោម ខណ្ឌមានជ័យ បាន​រៀបរាប់​ពី​ដំណើររឿង​ឱ្យដឹងថា រូបនាង​បាន​រៀបការ ជាមួយ​ប្ដី​ឈ្មោះ ប៉ាង ថ្លៃថ្លា អាយុ ៣៣​ឆ្នាំ ដែលមាន​ស្រុកកំណើត​នៅ​ខេត្ដ​ស្វាយរៀង ហើយ​បច្ចុប្បន្ន រស់ នៅផ្ទះ​លេខ ៨៩​បេ ផ្លូវ ជាតិ​លេខ ២ ភូមិ​ព្រែក​តា​គង់ សង្កាត់​ចាក់ អង្រែ​ក្រោម ខណ្ឌមានជ័យ ដោយ​ទទួលបាន​ចំណងដៃ​កូនស្រី​ម្នាក់ រហូតមកដល់ ពេលនេះ​មាន​អាយុ​៤​ឆ្នាំ ។ ប៉ុន្ដែ ដោយសារតែ​ល្មោ​ម ស្រី បែកគំនិត​ចង់​លែងលះ ប្រពន្ធ ប្ដី​របស់​នាង​បានដាក់​ពាក្យបណ្ដឹង ទៅកាន់​សាលាដំបូង​រាជធានី​ភ្នំពេញ សុំ​លែងលះ​ជាមួយ​រូបនាង ។ ជាការ​សម្រេច ចៅក្រម​សាលាដំបូង រាជធានី​ភ្នំពេញ​បាន កាត់​ឱ្យ​បុរស​ជា​ប្ដី​បង់ ថ្លៃ​អាហារកិច្ច​ដល់​កូន ស្រី​ដោយ​គិត​ចាប់ពី​តូច រហូតដល់​អាយុ ៦ ឆ្នាំ ត្រូវ​បង់ ៥០​ដុល្លារ​ក្នុង​មួយខែ លុះ ដល់ អាយុ​ពី ៦​ឆ្នាំ ដល់ ១៨​ឆ្នាំ ត្រូវ​បង់ ១០០ ដុល្លារ​ក្នុង​មួយខែ ។ ចំពោះ​ការសម្រេច យ៉ាង​ដូច្នេះ​របស់ តុលាការ​នាង គិត សិរី​ផល្លី កា បាន​បដិសេធ ហើយ​ប្ដឹង​ជំទាស់ ។​
​សំណុំរឿង​លែងលះគ្នា នៅ​ដៃ​តុលាការ មិនទាន់បាន​បញ្ចប់​ផង ស្រាប់តែ​បុរស​ជា​ប្ដី លួច​ទៅ​រៀបការ​ជា មួយ នារី​វ័យក្មេង​ម្នាក់ អាយុ​ទើបតែ ១៦​ឆ្នាំ ស្ថិតនៅ​ភូមិ​បឹង​អំពិល ឃុំ​ស្ដៅ ស្រុក​រតនមណ្ឌល ខេត្ដ​បាត់ ដំបង ប៉ុន្ដែ ដោយសារតែ​ដឹង​ពី​ផែនការ​របស់​ប្ដី នាង​ជា​ប្រពន្ធដើម បានដាក់​ពាក្យបណ្ដឹង ចាប់តាំងពី​ថ្នាក់ឃុំ រហូតដល់​ស្នងការ ។​
​ពីដំបូង​ឡើយ មេឃុំ​ស្ដៅ បាន​ឯកភាព ឱ្យ​បុរស​ជា​ប្ដី​នេះ រៀបការ​ដោយ​ស្របច្បាប់ ជាមួយ​នារី​វ័យក្មេង ប៉ុន្ដែ ក្រោយពី​ទទួល បាន​ពាក្យបណ្ដឹង ពី​ប្រពន្ធដើម​មេឃុំ​បាន ចេញ​លិខិត​បដិសេធ និង​មិន​ទទួលស្គាល់​ការ រៀបការ​របស់​ពួកគេ​ទាំងពីរ ដែល​ធ្វើឡើង នៅ​ថ្ងៃទី​២៦ ខែវិច្ឆិកា ឆ្នាំ​២០១៣ នេះ ។​
​នៅពេលដែល​ប្រពន្ធដើម ទៅ​សួរនាំ និង​រករឿង ដល់​កន្លែង​រៀបការ​ស្ដ្រី​ប្រពន្ធ ដើម​រូបនេះ ក៏បាន​សុំ​អន្ដរាគមន៍ ពី​លោ​កមេ ឃុំ ជួយ​បញ្ជូន​កម្លាំង​នគរបាល​មក​ការពារ សន្ដិសុខ និង​ដោះស្រាយ​ខ្លាចក្រែង​មាន អំពើហិង្សា​ណាមួយ​កើតឡើង ៕

Copyright © 2010-2021 · អរិយធម៌ · All Rights Reserved.
Develop by Sek Sathya