ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » ជនសង្ស័យ​២​នាក់​ឆក់​ទូរស័ព្ទ​បានសម្រេច ប៉ូលិស​ក្របួច​បាន​ ​

ជនសង្ស័យ​២​នាក់​ឆក់​ទូរស័ព្ទ​បានសម្រេច ប៉ូលិស​ក្របួច​បាន​ ​

ភ្នំពេញ  ៖​កាលពី​វេលា​ម៉ោង​២១​និង​២០​នាទី ថ្ងៃទី ២៥ ខែវិច្ឆិកា ឆ្នាំ ២០១៣ កម្លាំង​នគរបាល​ប៉ុស្តិ៍​រដ្ឋបាល​វាលវង់ បានចេញ​ប្រតិបត្តិ​បង្ក្រាប​និង​ចាប់ខ្លួន ជនសង្ស័យ​២​នាក់​ជាក់ស្តែង ខណៈ​ពួកគេ​ជិះ​ម៉ូតូ​ស្តូ​ពីមួយ​គ្រឿង​ឌុប​គ្នា​ធ្វើ​សកម្មភាព​ឆក់ ទូរស័ព្ទដៃ​ពី​បុរស​ម្នាក់​កំពុងកាន់​និយាយ នៅតាម​បណ្តោយ​ផ្លូវ​ព្រះ​មុនី​រ៉េត មុខ​ស្តា​ត​អូឡាំពិក សង្កាត់​វាលវង់ ខណ្ឌ​៧​មករា  ។
​នគរបាល មូលដ្ឋាន​បាន​ឲ្យ​ដឹងថា ជនសង្ស័យ​២​នាក់​ដែល​ឃាត់ខ្លួន​ខាងលើនេះ ទី​១-​ឈ្មោះ ចាន់ ដា​រ៉ា​រ័ត្ន ភេទ​ប្រុស អាយុ​១៨​ឆ្នាំ ស្នាក់នៅ​ផ្ទះជួល​សង្កាត់​អូឡាំពិក ខណ្ឌចំការមន​, ទី​២-​ឈ្មោះ សំ សិត ភេទ​ប្រុស អាយុ​២២​ឆ្នាំ ស្នាក់នៅ​ក្នុង​ស្តា​ត​អូឡាំពិក មុខរបរ​មិន​ពិតប្រាកដ ។ ចំណែក​ម្ចាស់​ទូរស័ព្ទ​មានឈ្មោះ បេង មួយ​ឡុង ភេទ​ប្រុស អាយុ​២៦​ឆ្នាំ ស្នាក់នៅ សង្កាត់​ផ្សារ​ដេប៉ូ​ទី​១ ខណ្ឌទួលគោក ។
​ដោយ យោងតាម​ពាក្យបណ្តឹង​របស់​បុរស​ម្ចាស់​ទូរស័ព្ទ នឹង​ចម្លើយសារភាពរ​បស់ជនស​ង្ស័​យ​ទាំង ២​នាក់
​ខាងលើនេះ សមត្ថកិច្ច​បានសម្រេច​កសាង​សំណុំរឿង​បញ្ជូនទៅ​ឃុំខ្លួន​បណ្តោះ អាសន្ន​នៅ​អធិការដ្ឋាន​នគរបាល​ខណ្ឌ ៧​មករា រង់ចាំ​បញ្ជូន​បន្តទៅ​សាលាដំបូង​រាជធានី​ភ្នំពេញ​ដើម្បី​បន្ត​នីតិ វិធី ៕

Copyright © 2010-2021 · អរិយធម៌ · All Rights Reserved.
Develop by Sek Sathya