ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » បើ​ម៉ូតូ​លឿន​ជ្រុល​ទៅបុក​បុរស​ម្នាក់​បាក់ជើង​

បើ​ម៉ូតូ​លឿន​ជ្រុល​ទៅបុក​បុរស​ម្នាក់​បាក់ជើង​

​ភ្នំពេញ : យុវជន​ម្នាក់​បើក​ម៉ូតូ​ក្នុង​ល្បឿន​មិន​ប្រយ័ត្ន​បណ្តាលអោយ​បុក បុរស​វ័យ​ចំណាស់​ម្នាក់ រងគ្រោះ​បាក់ជើង​ឆ្វេង ដោយសារ​គ្រោះថ្នាក់​ចរាចរ រវាង​ម៉ូតូ​និង​ម៉ូតូ កាលពី​វេលា ម៉ោង ៨​និង​៥០​នាទី ព្រឹក​ថ្ងៃទី​២០ ខែ​វិច្ចិកា ឆ្នាំ​២០១៣ ស្ថិតនៅតាម បណ្តោយ ផ្លូវ​លេខ​២៧១ មុខ​មន្ទីរពេទ្យ​មិត្តភាព ខ្មែរ​សូ​វៀត ក្នុង​សង្កាត់​ទំនប់ទឹក ខណ្ឌចំការមន ។​
​យោងតាម​សាក្សី​នៅ​កន្លែង កើតហេតុ​បាន​ឲ្យ​ដឹងថា បុរស​វ័យ​ចំណាស់​ដែល​របួស​បាក់ជើង​ខាងឆ្វេង​នេះ ឈ្មោះ សេង ធឹ​ម ភេទ​ប្រុស អាយុ​៥៧​ឆ្នាំ មុខរបរ រត់​ម៉ូតូឌុប ស្នាក់​នៅផ្ទះ​លេខ ១៧ ភូមិ​ភ្នា​ត សង្កាត់ ស្ទឹងមានជ័យ ខណ្ឌមានជ័យ បាន​ជិះ​ម៉ូតូ​សេ​១២៥ ស៊េរី​២០០៦ ពណ៌​ខ្មៅ ពាក់​ស្លាក​លេខ ភ្នំពេញ 1Q-1446 ធ្វើដំណើរ​ចេញពី ក្នុង​មន្ទីរ​មិត្តភាព​ខ្មែរ​សូ​វៀត ឆ្លងកាត់​ផ្លូវ​លេខ ២៧១ ខណ​:​នោះ​ស្រាប់ តែមាន យុវជន​ម្នាក់​ឈ្មោះ ដួង ចាន់​ដា​រិ​ទ្ធ ភេទ​ប្រុស អាយុ ១៩ ឆ្នាំ បាន​ជិះ​ម៉ូតូ​ស្តេ​ប ពណ៌​ឈាមជ្រូក ពាក់​ស្លាក លេខ ភ្នំពេញ 1Q-8530 ក្នុង​លឿន​យ៉ាង លឿន តាមផ្លូវ​លេខ​២៧១ ទិសដៅ​ពី​ត្បូង​ទៅ​ជើង បាន​ជ្រុល បុក​ចំពាក់​កណ្តាល​ម៉ូតូ​សេ​១២៥ ដែល​កំពុង​ជិះ​ឆ្លងផ្លូវ ពេញទំហឹង​តែម្តង បណ្តាល​ឲ្យ​ម៉ូតូ​ទាំង ២​គឿង ដួល​គរ​គ្នា​នៅនឹងកន្លែង​កើតហេតុរ​ង​ការខូចខាត ហើយ​បុរស​វ័យ​ចំណាស់ ឈ្មោះ សេង ធឹ​ម ជា​ម្ចាស់ ម៉ូតូ​សេ​១២៥ ត្រូវ​រងរបួស​បាក់ជើង​ខាងឆ្វេង ចំណែក យុវជន​ជិះ​ម៉ូតូ​ស្តេ​ប​មិនមាន​របួស​អ្វី​ទេ​។​
​ក្រោយ​កើតហេតុ​នគរបាល មូលដ្ឋាន បាន​សហការ ជាមួយ​នគរបាល ចរាចរណ៍​ខណ្ឌចំការមន ចុះ​ធ្វើការ វាស់វែង អូស​យក​ម៉ូតូ​ទាំង​២​គឿង ទៅ​រក្សាទុក​នៅ​អធិការដ្ឋាន នគរបាល​ខណ្ឌចំការមន រងចាំ​ដោះស្រាយ នាពេល​ក្រោយ ៕

Copyright © 2010-2021 · អរិយធម៌ · All Rights Reserved.
Develop by Sek Sathya