ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» ព័ត៌មានជាតិ » មេចោរ​ឆ្លងដែន​ចំនួន​ពីរ​នាក់ និង​ជនដៃដល់​ប្រ​ព្រិ​ត្ត​អំពើ​ហឹ​ង្សា​ម្នាក់ ត្រូវ​កម្លាំង​រាជ​អាវុធហត្ថ​ក្រុង​ប៉ោយប៉ែត​ចាប់ខ្លួន​ ​

មេចោរ​ឆ្លងដែន​ចំនួន​ពីរ​នាក់ និង​ជនដៃដល់​ប្រ​ព្រិ​ត្ត​អំពើ​ហឹ​ង្សា​ម្នាក់ ត្រូវ​កម្លាំង​រាជ​អាវុធហត្ថ​ក្រុង​ប៉ោយប៉ែត​ចាប់ខ្លួន​ ​

បន្ទាយមានជ័យ៖ ​ក្រុមចោរ​ឆ្លងដែន​លួច​ទ្រព្យសម្បត្តិ​ប្រជាពលរដ្ឋ​ចំនួន​ពីរ​នាក់ ត្រូវ​កម្លាំង អាវុធហត្ថ​ក្រុង ប៉ោយប៉ែត ចាប់ខ្លួនបាន​ភ្លាមៗ​កាលពី​ល្ងាច ថ្ងៃទី​១៨ ខែ វិឆ្ឆិកា ឆ្នាំ​២០១៣​នៅ​ចំនុច ផ្សារ​រ៉ា ក្នុងភូមិ​ក្បាលកោះ សង្កាត់ និង​ក្រុង​ប៉ោយប៉ែត​បន្ទាប់ពី​ពួកគេ ឆ្លងដែន កម្ពុជា ថៃ ចូលទៅ​លួច​ខោអាវ​កីឡា ពី​តូប​អាជីវករ​ខ្មែរ​ម្នាក់ អស់​ចំនួន​៦០០​កំ​ប្លេ សរុប​ជា​ទឹកប្រាក់ ចំនួន​៦០០០០​បាត ប្រាក់​ថៃ ប្រហែល ពីរពាន់​ដុល្លា​អាមេរិក ។​
មុន​និង​ឈានដល់​ការចាប់ ជនសង្ស័យ ទាំងពីរ​នាក់​ខាងលើ គឺ​យោងតាម​ពាក្យបណ្តឹង​របស់​ជនរ​ង​គ្រោះ ម្នាក់​ឈ្មោះ មិត្ត សុភាព ភេទ​ប្រុស អាយុ ៣៦ ឆ្នាំ រស់នៅ​ភូមិបាល​លិ​លេ​យ្យ​២ សង្កាត់ និង​ក្រុង​ប៉ោយប៉ែត មុខរបរ​លក់ដូរ នៅ​ផ្សារ​រ៉ុង​ក្លឿ ប្រទេស​ថៃ ។​ជនសង្ស័យ ជា​ចោរ​ទីមួយ​មានឈ្មោះ អៀម អូន ហៅថា ភេទ​ប្រុស​អាយុ​៣៤ ឆ្នាំ​និង​ទី​ពីរ ឈ្មោះ ធឿន ង៉េ​វ ភេទ​ប្រុស អាយុ ១៩​ឆ្នាំ​អ្នក​ទាំងពីរ រស់នៅ​ក្រុង​ប៉ោយប៉ែត​។​
​ដោយ​ករណី​មួយទៀត ជា​អំពើ​ហឹ​ង្សា​សាហាវយង់ខ្នង ដែល​ប្រ​ព្រិ​ត្ត​ដោយ​ជន ប្រមឹក ទំនើង​មួយក្រុម ខ​ណះ​ដែល​លែបខាយ​ពាក្យសម្តី លើ​ប្រព​ន្ឋ​គេ​មិនបាន​សម្រេច ក៏​ប្រើ​អំពើហឹ​ង្សា យ៉ាង​កំរោល​ទៅលើ​ជនរងគ្រោះ​ម្នាក់ យ៉ាង​ព្រៃផ្សៃ​កាលពី​ថ្ងៃទី​១៧ ខែ​វិឆ្ឆិកា ឆ្នាំ​២០១៣​។​
​    ​ជនរងគ្រោះ​មានឈ្មោះ មឿ​ន វ៉ា​ន់ទី ភេទ​ប្រុស អាយុ​៣១​ឆ្នាំ មុខរបរ​កម្មករ រស់នៅ​ភូមិ​ប្រជា​ធម្ម សង្កាត់​និង​ក្រុង​ប៉ោយប៉ែត ចំណែក​ជនដៃដល់ ប្រ​ព្រិ​ត្ត​បទល្មើស មានឈ្មោះ សែ សុភា​វង្ស ភេទ​ប្រុស អាយុ​២៧​ឆ្នាំ​មុខរបរ មិន​ពិតប្រាកដ រស់នៅ​ភូមិ​ប៉ោយប៉ែត ក្រុង​ប៉ោ​ប៉ែត ។​
​    ​មុនពេល​កើតហេតុ​គឺ​នៅ​យប់​ថ្ងៃទី​១៧ វិឆ្ឆិកា  ជនរងគ្រោះ បា​នទី​ទទួល​ប្រព​ន្ឋ ចេញមក ពី​ធ្ចើ​ការ​លុះ ធ្វើដំណើ​មកដល់ ចំនុច​ផ្ទះសំណាក់ ផ្កាយ​បី ស្រាប់តែ​ជួប​និង ក្រុម​ជនដៃដល់ កំពុង​នាំគ្នា​ផឹកស្រា គ្រានោះ ជនដៃដល់​បាន​លែបខាយ​ពាក្យសម្តី ទៅ​ប្រព​ន្ឋ​ជនរងគ្រោះ ព្រមទាំង​ហៅ​ជនរងគ្រោះ​អោយ​ផឹកស្រា​ទៀតផង ។
​ដោយហេតុតែ​ជាម​នុស្ស ពុំដែល​ស្គាល់គ្នា ជនរងគ្រោះ​ពុំ​ហ៊ាន​ផឹក​ជា​ស្រា​ជាមួយ​ទេ និង​មិន​ហ៊ាន​ឆ្លើយតប​ទៀតផង ធ្វើអោយ​ក្រុម​ជនដៃដល់ ខឹងសម្បា​និង​ជនរងគ្រោះ​ថា ជា​មនុស្ស​ឌឺ ហើយក៏​នាំគ្នា​ជិះ​ម៉ូតូ កាន់​ដាវ​សាំ​ម៉ូ​រ៉ៃ និង​ដំបង​ទីប វាយ​និង​កាប់​ជនរងគ្រោះ​បែក លលា​ក្បាល​សន្លប់​នៅ​និង​កន្លែង​។​
​ឆ្លើយ​សារភាព​នៅ​ចំពោះមុខ​សមត្ថកិច្ច ជនសង្ស័យ​ទាំងបី​នាក់ បាន​សារភាពថា ពួកគេ​ពិតជា​បាន​ប្រ​ព្រិ​ត្ត ដូចជា​ការរៀបរាប់​ខាងលើ​ពិតប្រាកដ​មែន ពីរ​នាក់​ជា​ចោរ​ឆ្លងដែន លួច​គាស់​ទ្រព្យសម្បត្តិ​គេ និង​ម្នាក់ទៀត គឺជា​ជន​ទំនើង​ប្រើ​ហឹ​ង្សា ។ យោង​លើ​ចម្លើយសារភាព ក្រុមចោរ​ទាំងពីរ​និង​ជន​ទំនើង​ខាងលើ​ត្រូវ សមត្ថកិច្ច ចោទប្រកាន់​ពីបទ
(​លួច​មាន​ស្ថាន​ទំងន់ទោស​) និង​ម្នាក់ទៀត​ត្រូវ ពីបទ​(​ប្រ​ព្រិ​ត្ត​អំពើ​ហឹ​ង្សា​ដោយ​ចេតនា មាន​ស្ថាន​ទំងន់ទោស​)​រួចហើយ​កសាង​សំណុំរឿង​បញ្ជូន​ទៅកាន់​ទីបញ្ជាការ កង​រាជ​អាវុធ ហត្ថ​ខេត្តបន្ទាយមានជ័យ ដើម្បី​ចាត់ការ​បន្ត​តាមផ្លូវ​ច្បាប់​៕ ដោយ៖​ខៀវ បូរី

Copyright © 2010-2021 · អរិយធម៌ · All Rights Reserved.
Develop by Sek Sathya