ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» សេដ្ឋកិច្ច » ផ្កាចំប៉ី​ក្រៀម​កំពុងមាន​ទីផ្សារនៅកម្ពុជា ១​គីឡូក្រាម​តម្លៃ​១០ ដុល្លារ​

ផ្កាចំប៉ី​ក្រៀម​កំពុងមាន​ទីផ្សារនៅកម្ពុជា ១​គីឡូក្រាម​តម្លៃ​១០ ដុល្លារ​

​ភ្នំពេញ​: ដំ​ដាំ​ដើម​ចំប៉ី​កំពុងមាន​ទីផ្សា និង​ជួយ​ផ្លាស់​ប្តី​ជីវភាព​រស់នៅ​របស់​ប្រជាពលរដ្ឋ​នៅតាម​បណ្តា​ខេត្តកំពង់ចាម ក្រចេះ តំបន់​ដីក្រហម​មួយចំនួន​អោយមាន​ជីវភាព​កាន់តែ​ប្រសើ​ឡើង បន្ទាប់ពី​មាន​ក្រុមហ៊ុន​បរទេសមួយ​បានធ្វើ​សកម្មភាព​ប្រមូល ទិញ​ផលិតផល​ផ្កាចំប៉ី​។ ផ្ទៃ​រាប់សិប​ហិកតា​បានប្រែក្លាយ​ទៅជា​សួន​នៃ​ដើម ផ្កាចំប៉ី​។​
បច្ចុប្បន្ន មាន​ក្រុមហ៊ុន​ចិន​បានមក​សាងសង់​ឃ្លាំង​សម្រាប់​ស្តុក​ផ្កាចំប៉ី​ដែល​គេ ប្រមូល​ទិញ​បាន​រាប់រយ​តោន​ក្នុង​មួយឆ្នាំៗ​នៅក្នុង​ខេត្តកំពង់ចាម​។ ផ្កាចំប៉ី​ក្រៅពី​ពណ៌​ស មាន​ទម្ងន់​ធ្ងន់​ដោយសារ​ស្រទាបផ្កា​របស់​វា​ក្រាស់​។​
​កសិករ​ម្នាក់ នៅក្នុង​ឃុំ​ទួល​ទ្រា ស្រុក​ត្បូងឃ្មុំ ខេត្តកំពង់ចាម កាលពីពេល​ថ្មីៗ​នេះ កសិករ​នោះបាន​បញ្ជាក់ថា ខេត្តកំពង់ចាម​ជា​ខេត្ត​ដែលមាន​ដាំ​ដើម​ចំប៉ី​ច្រើន​ជា​យូរ​មកហើយ​។ ប៉ុន្តែ ពីមុន​នេះ​ដើម​ចំប៉ី​នេះ​គេ​គ្រាន់តែ​ដាំ​សម្រាប់​លម្អ​តាម​ផ្ទះ​និង​លក់ ដើម​តែប៉ុណ្ណោះ​។​កសិករ​នោះ​បន្តថា​ប៉ុន្តែ​ឥឡូវ​ប្រែប្រួល​ហើយ​។ ដើម​ចំប៉ី ត្រូវបាន​គេ​នាំគ្នា​ដើម្បី​លក់ដូរ​ពិសេស​គឺ​ផ្កា​របស់​វា​។​បច្ចុប្បន្ន ផ្កាចំប៉ី​ក្រៀម​មួយ​គីឡូក្រាម​អាច​លក់បាន​តម្លៃ​១០​ដុល្លារ​អាមេរិក​។ ការប្រមូលទិញ​ផ្កាចំប៉ី​លក្ខណៈ​ទ្រង់ទ្រាយ​ធំ​ទើប​តែមាន​ប៉ុន្មាន​ឆ្នាំ ចុងក្រោយ​នេះ ទេ​។ ផលិតផល​នេះ​ត្រូវបាន​គេ​អះអាងថា សម្រាប់​នាំយកទៅ​លក់​បន្តទៅ​បរទេស​។​
​តាម​ការបញ្ជាក់​របស់​អ្នក​ដាំ​ដើម​ចំប៉ី​បាន​ឲ្យ​ដឹងថា​ផ្កាចំប៉ី​ក្រៀម នៅក្នុង​រដូវវស្សា​មិនសូវមាន​ច្រើន​ទេ​។ ដូចនេះ សកម្មភាព​ទិញ​ក៏​តិចតួច​ដែរ​។​បើ​មាន​វិញ​ក៏​មានតែ​ឈ្មួញ​ក្នុង​មូលដ្ឋាន ប្រមូល​ទិញ​ស្តុក​ទុក​តែប៉ុណ្ណោះ​ដោយ​មួយ​គីឡូក្រាម​តែ​៥​ដុល្លារ​ទេ​។ ប៉ុន្តែ​នៅ​រដូវប្រាំង​ដែលមាន​ផ្កាចំប៉ី​ច្រើន​នៅ​គ្រប់​ទីកន្លែង តម្លៃ​របស់​វា​ឡើងដល់​១០​ដុល្លារ​វិញ​។​
នៅឯ​ស្រុក​ស្នួល​ខេត្តក្រចេះ​វិញ​នាពេលនេះ​ក៏មាន​ចលនា​ដាំ​ដើម​ចំប៉ី​ជា ចម្ការ​ធំៗ​ដោយ​ចម្ការ​នីមួយៗ​មាន​ផ្ទៃដី​ពី​ពីរ​រយ​ទៅ​បី​រយ​ហិកតា​សម្រាប់ យក​ផ្កា​លក់​បន្ទាប់ពី​មានការ​ធានា​ប្រមូល​ទិញ​ពី​ក្រុមហ៊ុន​ចិន​រួចមក​។​
លោក គឹម សាវឿន ប្រធាន​មន្ទីរ​កសិកម្ម​ខេត្តកំពង់ចាម​បាន​និយាយ​ឲ្យ​ដឹងថា ដំណាំ​ផ្កាចំប៉ី​មាន​ដាំ​ច្រើន​ដល់​រាប់រយ ហិកតា​នៅក្នុង​ខេត្ត​គំ​ពង់​ចាម​។ ក្រៅពី​សម្រាប់​លម្អ​តាម​ផ្ទះ​គេ​ដាំ សម្រាប់​យក​ផ្កា​លក់​។​ពេលនេះ​មន្ទីរ​កំពុងតែ​ធ្វើ​បច្ចុប្បន្នភាព​លើ​ដំណាំ នេះ​ដើម្បី​ឲ្យ​ដឹង​ចំនួន​ជាក់លាក់​ពីព្រោះ​កន្លងមក​មិនដែល​បានធ្វើ​សម្រង់ ស្ថិតិ​ទេ​៕


Copyright © 2010-2021 · អរិយធម៌ · All Rights Reserved.
Develop by Sek Sathya