ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||   

» ព័ត៌មានជាតិ » សមត្ថកិច្ច​ខេត្តរតនគិរី​ចាប់បាន​រថយន្ត​ឡង់​គ្រី​ ដឹកឈើ​ប្រណីត​បម្រុង​ឆ្លងដែន​ ​

សមត្ថកិច្ច​ខេត្តរតនគិរី​ចាប់បាន​រថយន្ត​ឡង់​គ្រី​ ដឹកឈើ​ប្រណីត​បម្រុង​ឆ្លងដែន​ ​

រតនគិរី ៖ សមត្ថកិច្ច​ខេត្តរតនគិរី រួមមាន​ប៉ូលិស​សេដ្ឋកិច្ច សហការ​ជាមួយ​មន្ត្រី​កងរាជអាវុធហត្ថ ព័ទ្ធ​ចាប់បាន​រថយន្ត​ឡង់​គ្រី​ស័​រ​មួយគ្រឿង​ដែល​ដឹក​ពេញ​ដោយ​ឈើប្រណិត ប្រភេទ​ធ្នង់ បម្រុង​ឆ្លងដែន​ចូលទៅ​កាន់​ប្រទេស​វៀតណាម​។
​ការឃាត់​ចាប់​រថយន្ត​ដឹកឈើ​ប្រណីត​នេះ បានធ្វើ​ឡើង​នៅ​ចំណុច​ភូមិ​អ៊ុន ឃុំ​លំ​ជ័រ ស្រុក​អូរ​យ៉ា​ដាវ ខេត្តរតនគិរី ខណៈ​រថយន្ត​ដឹកឈើ​ប្រភេទ​ឡង់​គ្រី​ស័​រ ពាក់​ស្លាក​លេខ ភ្នំពេញ 2C-3244 នេះ កំពុងតែ​បើកបរ​នៅលើ​កំណាត់​ផ្លូវជាតិ​លេខ​៧៨A ឆ្ពោះទៅកាន់​ច្រកព្រំដែន​អូ​រយ៉ា​ដាវ​។​
​ភ្លាមៗ​បន្ទាប់ពី​ឃាត់​ចាប់​រថយន្ត​នេះ​បាន ម្ចាស់​រថយន្ត​បាន​រត់គេចខ្លួន​។ ប៉ុន្តែ​ទោះជា​យ៉ាងណាក៏ដោយ គេ​បាន​ស្គាល់​ម្ចាស់​ឈើ​ប្រណីត​នេះហើយ​ថា មានឈ្មោះ ខាំ ហ៊ុ​ង​ភីង ហៅ រ៉ូ​ទី ចំណែក​ម្ចាស់​រថយន្ត​ឈ្មោះ ខុម ប៊ុន​សៅ ជា​អ្នករកស៊ី​ឈើ​ជាមួយគ្នា​។​
​បើតាម​សមត្ថកិច្ច ឈើ​ប្រណីត​ដែល​ក្រុម​ឈ្មួញ​ដឹក​តាម​រថយន្ត​ឡង់​គ្រី​ស័​រ​នោះ គឺជា​ឈើ​ប្រភេទ​ធ្នង់ មាន​ចំនួន​៥២​ដុំ ស្មើរ​នឹង​ជាង​១​ម៉ែត្រគូប​។ សមត្ថកិច្ច​បានប្រគល់​ឲ្យ​ខាង​រដ្ឋបាល​ព្រៃឈើ ដើម្បី​ចាត់ការ​បន្ត​តាម​នីតិវិធី​៕

Copyright © 2010-2021 · អរិយធម៌ · All Rights Reserved.
Develop by Sek Sathya