ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» ព័ត៌មានជាតិ » ព្រះសង្ឃ​លង់​ស្នេហ៍ ចាប់​ឱបថើប​ស្រី​លើ​កុដិ ​

ព្រះសង្ឃ​លង់​ស្នេហ៍ ចាប់​ឱបថើប​ស្រី​លើ​កុដិ ​

បាត់ដំបង​៖ ព្រះសង្ឃ​មួយអង្គ​ត្រូវ​សមត្ថកិច្ច និង​អាជ្ញាធរ​មូលដ្ឋាន ចាប់​ផ្សឹក​ដើម្បីឱ្យ​ទទួលខុស​ត្រូវចំ​ពោះ​មុខ​ច្បាប់ ក្រោយពី​សង្ស័យថា​បាន​ណាត់​ក្មេងស្រី​អាយុ​១៣​ឆ្នាំ​ម្នាក់ ឱ្យមក​លេង​នៅ​កុដិ​រួច​ប្រលោម​ស្នេហ៍​ឱប​នាង​យ៉ាង​ស្អិតរ​មួ​ត​ក្នុង​អារម្មណ៍​ពុះកញ្ជ្រោល​ដោយ​កាមគុណ  នៅក្នុង​វត្ត​ប្រាសាទ​ហៅ​វត្ត​បា​សែត ក្នុងភូមិ​បា​សែត ឃុំ​តា​ប៉ុន ស្រុក
​សង្កែ ។​
​មន្ត្រី​ការិយាល័យ​ប្រឆាំង​ការជួញដូរ​មនុស្ស​និង​ការពារ​អនីតិជន​ឱ្យដឹងថា ព្រះសង្ឃ​ដែល​បំពាន​ធម៌​វិន័យ​នោះ  មាន​ព្រះនាម វណ្ណា ដា​វីត ព្រះជន្ម​២៧​ឆ្នាំ បួស​នៅ​វត្ត​ខាងលើ​រីឯ​ដើមបណ្តឹង​ជា​ក្មេងស្រី​អាយុ​១៣​ឆ្នាំ ។ ព្រះសង្ឃ​អង្គ​នេះ​ត្រូវ​សមត្ថកិច្ច និង​អាជ្ញាធរ​ឃាត់​ព្រះកាយ​ភ្លាមៗ​ក្រោយពី​មាន​បណ្តឹង​ចោទប្រកាន់ថា​បាន​ចាប់​ឱបថើប​ក្មេងស្រី​នោះ
​នៅក្នុង​កុដិ​ហើយ​ក៏បាន​ផ្សឹក​ភ្លាមៗ​ដែរ ដើម្បី​ចាត់ការ​តាមផ្លូវ​ច្បាប់ ។​តាម​ការ​ស្រង់​សម្តី​ក្មេងស្រី​រងគ្រោះ​និយាយថា ព្រះសង្ឃ ដា​វីត​បាន​ទូរស័ព្ទ​ហៅ​នាង​ទៅលេង​នៅ​កុដិ​ទាំង​ព្រលឹម​ក្រោយពី​ស្គាល់គ្នា​បាន​ប៉ុន្មាន​ថ្ងៃ​ប៉ុណ្ណោះ ។ លុះ​ពេល​នាង​ទៅដល់​ចូលក្នុង​កុដិ ស្រាប់តែ​សង្ឃ​កំហូច​ល្បួង​សុំ​ស្នេហ៍​នាង​និង​ចាប់​ឱបថើប​ច្របាច់​ដើមទ្រូង​នាង​គ្មាន
​ប្រណី​ដៃ​តែម្តង​បើទោះបីជា​នាង​ប្រឹង​រើបម្រះ ក៏​មិន​រួច​ដែរ ទើប​នាង​ប្តឹង​តែម្តង​។ ជុំវិញ​ការចោទប្រកាន់​នេះ ព្រះសង្ឃ វណ្ណា ដា​វីត សារភាពថា​អាត្មា​ពិតជា​បាន​ប្រព្រឹត្ត​ដូច​ការចោទប្រកាន់​រប​ស់​នាង​មែន​តែ​នាង​ក៏​ព្រមព្រៀង​ជាមួយ​អាត្មា​តាំងពី​ទាក់ទង​គ្នា​តាម​ទូរស័ព្ទ​មុនពេល​កើតហេតុ​មកម្ល៉េះ ។​
​ព្រះសង្ឃ​ជើងល្អ​បាន​មាន​សង្ឃដីកា​ថា​នាង​បាន​ប្រាប់​អាត្មា​ពេល​សាសង​ស្នេហា​តាម​ទូរស័ព្ទ​ថា​នាង​មាន​អាយុ​១៥​ឆ្នាំ​ហើយ អាត្មា​ប្រាប់​នាង​វិញ​ថា «​មិន​អី​ទេ​បងអាច​ដណ្តឹង​អូន​ទុក​សិន លុះ​បង​បួស​បាន​បំពេញ​ភិក្ខុ​បង​នឹង​សឹក​រៀបការ ជាមួយ​អូន​» ។ តាមរយៈ​ការ​សាសង​តាម​ទូរស័ព្ទ នាង​ក៏​អះអាងថា​នាង​ស្រឡាញ់​អាត្មា​ដែរ លុះ​ព្រឹក​ឡើង
ពេល​នាង​មកជួប​ដល់​ក្នុង​កុដិ​អាត្មា​ក៏បាន​ឱបថើប​នាង​ប្រហែល​កន្លះ​ម៉ោង ទើប​នាង​ត្រឡប់ទៅផ្ទះ​វិញ​តែ​នាង​មិនបាន​ប្រកែក​ទេ ។ ប៉ុន្តែ បន្តិចក្រោយមក​ស្រាប់តែ​សមត្ថកិច្ច​មក​ចាប់​អាត្មា​តែម្តង ពេលនោះ​ទើប​ដឹងថា​ចាញ់បោក​នាង ។ ជុំវិញ​ករណីនេះ​មិនមាន​សាក្សី​ណា​បាន​ចូលរួម​បំភ្លឺ​ទេ​ប៉ុន្តែ​អ្នកភូមិ​ភាគច្រើន​បាន​ស្តីបន្ទោស​ថា បញ្ហា​នេះ​គឺ
​ភាគី​ទាំង​២​មាន​កំហុស​ដូចគ្នា «​បើ​គ្មាន​ភ្លើង ក៏​គ្មាន​ផ្សែង​ដែរ​» ប៉ុន្តែ​ព្រះសង្ឃ​ធ្វើឱ្យប៉ះពាល់​យ៉ាងខ្លាំង​ដល់​ព្រះពុទ្ធសាសនា  ក្នុងនាម​ជា​អ្នកបួស មិនត្រូវ​ទៅ​ប្រព្រឹត្ត​អំពើ​ថោកទាប​យ៉ាង​ដូច្នេះ​ទេ​។​
​ទោះបីជា​បែបណា​មន្ត្រី​ការិយាល័យ​ប្រឆាំង​ការជួញដូរ​មនុស្ស និង​ការពារ​
​អនីតិជន​បញ្ជាក់ថា ព្រះសង្ឃ​ប្រព្រឹត្ត​ខាងលើនេះ អាច​នឹងត្រូវ​ជាប់ចោទ​ពីបទ «​ប្រទូស្ត​កេរ​ខ្មាស​» ក្រោយពី​ចាប់​ផ្សឹក​៕ ខៀវ បុរី​

Copyright © 2010-2021 · អរិយធម៌ · All Rights Reserved.
Develop by Sek Sathya