ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » អាវុធហត្ថ ស្រុក​សំពៅ​លូន ឃាត់ខ្លួន ជនសង្ស័យ​ម្នាក់ និង​ថ្នាំញៀន ចំនួន​៤០០​គ្រាប់​

អាវុធហត្ថ ស្រុក​សំពៅ​លូន ឃាត់ខ្លួន ជនសង្ស័យ​ម្នាក់ និង​ថ្នាំញៀន ចំនួន​៤០០​គ្រាប់​

បាត់ដំបង​៖ កម្លាំង​អាវុធហត្ថ ស្រុក​សំពៅ​លូន សហការ​ជាមួយ កម្លាំង​ជំនាញ អាវុធហត្ថ​ខេត្ត​បាន ធ្វើការ​ឃាត់ខ្លួន ជនសង្ស័យ​ម្នាក់ និង​រឹបអូស ថ្នាំញៀន យ៉ាម៉ា ចំនួន​៤០០​គ្រាប់​កាលពី វេលា​ម៉ោង​១២​និង​០៥​នាទី រំលង​អា​ធ្រា​ត្រ ថ្ងៃទី​៣០ ខែមិថុនា ឆ្នាំ​២០១៣​នៅ​ចំណុច ផ្ទះសំណាក់​បាយ័ន ភូមិ​គីឡូរ​ម៉ែត្រ​១៣ ឃុំ​សន្តិភាព ស្រុក​សំពៅ​លូន ខេត្តបាត់ដំបង ខណៈ​ជនសង្ស័យ កំពុង​រាប់​ថ្នាំញៀន ក្នុង​បន្ទប់​ផ្ទះសំណាក់ នាំយកមក​សាកសួរ រួច​កសាង សំណុំរឿង​បញ្ជូន​ខ្លួន ជនសង្ស័យ និង​វត្ថុតាង​ទៅ​តុលាកា​ខេត្ត​ដើម្បី​ចាត់​ការបន្ត​តាមច្បាប់ ។​
​លោក អា​ញ់ កា​ម៉ា​ល់ មេបញ្ជាការរង អាវុធហត្ថ ស្រុក​សំពៅ​លូន បាន​ឲ្យ​ដឹងថា ជនសង្ស័យ ដែល​សមត្ថកិច្ច​ឃាត់ខ្លួន ខាងលើនេះ មានឈ្មោះ ឆ្លាម ម៉ាប់ ភេទ​ប្រុស អាយុ ២៧​ឆ្នាំ មុខរបរ កម្មករ មាន​ទីលំនៅ​ភូមិ​បឹងបេង ឃុំ​អូរ​ល្វា ស្រុក​ម៉ាឡៃ ខេត្តបន្ទាយមានជ័យ និង​រឹបអូស​បាន​ថ្នាំញៀន ចំនួន​៤០០​គ្រាប់ នៅក្នុង​បន្ទប់​ផ្ទះសំណាក់​បាយ័ន ស្ថិតក្នុង​ភូមិ​គីឡូ​១៣ ឃុំ​សន្តិភាព ស្រុក​សំពៅ​លូន ខណៈពេល​ជនសង្ស័យ​យក​ថ្នាំញៀន មក​លក់​ឲ្យ​ម៉ូយ​។​

​ក្រោយពី​ការឃាត់ខ្លួន ហើយ កម្លាំង​ការិយាល័យ ជំនាញ​អាវុធហត្ថ​ខេត្ត បាន​ចាប់​បញ្ជូនមក​ទីបញ្ជាការ អាវុធហត្ថ​ខេត្ត​ភ្លាមៗ ដើម្បី​សួរចម្លើយ​។ ជនសង្ស័យ​បាន​ឆ្លើយ​សារភាពថា ខ្លួន​បាន​ទិញ​ថ្នាំ​ញៀ​នេះ ពី​គេ​នៅ​ស្រុក​ម៉ាឡៃ ក្នុងតម្លៃ​១​គ្រាប់​៨២​បាត ប្រាក់​ថៃ និង​លក់​ចេញ​វិញ ក្នុងតម្លៃ​៨៥​បាត ដោយ​ខ្លួន​បានក​ក់លុយ មុន​ចំនួន ២៨.០០០​បាត នៅ​ខ្វះ​៤.៨០០​បាត​ទៀត ដល់ពេល​លក់បាន​ទើប​សង​គេ​វិញ តែ​មិនបាន​លក់​ផង​ក៏ ត្រូវ​សមត្ថកិច្ច​ចាប់បាន​តែម្តង​។​

​លោក ហេង សេងហុង នាយការិយាល័យ ប្រឆាំង​គ្រឿងញៀន នៃ​កងរាជអាវុធហត្ថ​ខេត្ត បាន​បញ្ជាក់ថា យោងតាម​បទល្មើស​ជាក់ស្តែង ដែល​ជនសង្ស័យ​បាន​កាន់ និង​រក្សាទុក និង​ជួញដូរ​ខុសច្បាប់ លោក​មេបញ្ជាការ​អាវុធ​ហត្ថ​ខេត្ត បាន​បញ្ជារ​ឲ្យ​ការិយាល័យ​ជំនាញ កសាង​សំណុំរឿង​បញ្ជូន​ខ្លួន ជនសង្ស័យ និង​វត្ថុតាង​ទៅ​តុលាកា​ខេត្ត ដើម្បី​ចាត់ការ​បន្ត​តាមផ្លូវ​ច្បាប់​៕​ ដោយ សហការី

Copyright © 2010-2021 · អរិយធម៌ · All Rights Reserved.
Develop by Sek Sathya