ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 វិធានការ​ទប់ស្កាត់​ការទន្ទ្រាន​និង​ឈូសឆាយ​ដីព្រៃ​លិច​ទឹក​របស់ លោក ឈួ​រ ច័ន្ទ​ឌឿ​ន ជា​ប្រធាន​គណៈបញ្ជាការ​ឯកភាព​រដ្ឋបាលខេត្ត​ពុំមាន​ប្រសិទ្ធិភាព​សោះ សម្រាប់​មន្ត្រីក្រោមឱវាទ​ក្នុងស្រុក​កំពង់លែង​  ||     ឯកឧត្តម ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង​កំពង់ បណ្តោយ​ឲ្យ លោក ផាន់ ផល្លា ប្រធាន​សហគមន៍ ភូមិ កោះ​តា​ម៉ូ​វ ឃុបឃិត​គ្នា​លក់​ដែន​ឡូត៍​អភិរក្ស​ត្រី​មេ​ពូជ​  ||     អាង​មាន​ខ្នងបង្អែក​រឹងមាំ ទើប​លោក ណុប សំអាន មេ​គយ​ច្រក​ទំនប់រលក ប្រព្រឹត្ត​អំពើពុករលួយ​គ្មាន​ញញើត ?​  ||     ចង់បាន​តំណែង​ប៉ុស្ដិ៍​គយ កន្លែង​ខ្លាញ់ ធ្វើ​ដូច​លោក ទុំ ណូ ជះ​លុយ​រាប់សែន​ដុល្លារ​ជូន​មេ ពេល​ស្រង់​វិញ បាន​ប្រាក់​វាល់​លាន​ហ្មង?​  ||     ប្រតិកម្ម​ខ្លាំង! ប៉ូលិស​គ្រឿងញៀន​ក្រសួងមហាផ្ទៃ ចាប់ជំរិត​ទារប្រាក់​ចំនួន១,០០០ដុល្លា​បានសម្រេច ជា​ថ្នូរ​ដោះលែង​ជនសង្ស័យ នៅ​ភ្នំពេញ​  ||   

» ព័ត៌មានជាតិ » ប្តី​នាំ​ស្រី​ចូល​ផ្ទះ ប្រធាន​មន្ទីរពេទ្យ​វិសាល​សុខ ប្ដឹង​ភរិយា​និង​បងថ្លៃ ពីបទ​ហិង្សា

ប្តី​នាំ​ស្រី​ចូល​ផ្ទះ ប្រធាន​មន្ទីរពេទ្យ​វិសាល​សុខ ប្ដឹង​ភរិយា​និង​បងថ្លៃ ពីបទ​ហិង្សា

ភ្នំពេញ៖  នៅ​ថ្ងៃទី១៣ ខែកុម្ភៈ ឆ្នាំ២០១៨ ពាក់ព័ន្ធ​ករណី​ហិង្សា​ដោយ​ចេតនា មាន​ស្ថាន​ទម្ងន់ទោស ដោយ​យក​កាទឹក​វាយ​ក្បាល​លោក​ប្រធាន​មន្ទី​ពេទ្យ បណ្ដាលឱ្យ​បែក​ឈាម។

ជនសង្ស័យ​ឈ្មោះ ទូច រស្មី ហៅ​អា​ម៉ី ភេទ​ស្រី អាយុ៣៣ឆ្នាំ ជា​ភរិយា​លោក​ជា សំអាន ប្រធាន​មន្ទីរពេទ្យ​វិសាល​សុខ បច្ចុប្បន្ន​ស្នាក់​នៅផ្ទះ​លេខ១០៣៥ បុរី​សេ​វិ​ន​វិឡា ស្ថិតក្នុង​សង្កាត់​ទឹកថ្លា ខណ្ឌ​សែន​សុខ និង​ឈ្មោះ ទូច សុធា ហៅ​តុង ភេទ​ប្រុស អាយុ៣៥ឆ្នាំ ជា​បងប្រុស​របស់​ឈ្មោះ​ទូច រស្មី ។

ករណី​ហិង្សា​ក្នុង​គ្រួសារ ដែល​ឈានដល់​ប្ដី​ដាច់ចិត្ត​ប្ដឹង​ប្រពន្ធ​និង​បងថ្លៃ ឱ្យ​សមត្ថកិច្ច​ឃាត់ខ្លួន បញ្ជូនមក​តុលាការ​នេះ បើ​យោងតាម​របាយ​ការ​របស់​សមត្ថកិច្ច បញ្ជាក់ថា កាលពី​វេលា​ម៉ោង១៧ល្ងាច​ថ្ងៃទី០៩ ខែកុម្ភៈ ឆ្នាំ២០១៨ ឈ្មោះ​ទូច រស្មី បានមក​ដល់ផ្ទះ​របស់​ខ្លួន លេខ១០៣៥ បុរី​សេ​វិ​ន​វីឡា ស្រាប់តែ​ឃើញ​ប្ដី​របស់ខ្លួន​ឈ្មោះ ជា សំអាន នៅក្នុង​បន្ទប់​ជាមួយ​ស្រីក្មេង​ម្នាក់ ដែល​មិន​ស្គាល់ឈ្មោះ ។

ប្រពន្ធ​ក៏​សួរនាំ​ប្ដី ដែល​ថ្លើមធំ​ហ៊ាន​នាំ​ស្រីក្មេង មក​ស្នេហា​គ្នា​ដល់​ក្នុងផ្ទះ មិនចេះ​អៀនខ្មាស ។ ការជជែក​គ្នា​នោះ បាន​ឈានដល់​មានការ ប្រតាយប្រតប់​គ្នា​ស្រែក​ឡូឡា ឮ​ពេញ​ផ្ទះ​ក៏​ឮ​ដល់​ឈ្មោះ ទូច សុធា ដែល​នៅក្នុង​បន្ទប់​ផ្សេង ។ ពេលឮ​សូរសំឡេង​ឈ្លោះ​គ្នា របស់​ប្ដី​ប្រពន្ធ​នេះ ឈ្មោះ​ទូច សុធា បាន​ស្ទុះ​មក​ចាប់ដៃ កុំឱ្យ​លោក ជា សំអាន វាយ​ប្រពន្ធ ដោយសារតែ​ប្រពន្ធ​សួរនាំ រឿង​យក​ស្រីក្មេង​មក​ដេក​ដល់​ក្នុងផ្ទះ ។

បងប្រុស​ចាប់ដៃ​ប្ដី​ជាប់ ឈ្មោះ ទូច រស្មី បាន​ស្ទុះ​ទៅយក​កាទឹក​ជ័រ មក​វាយ​ក្បាល​ប្ដី​ឈ្មោះ​ជា សំអាន ពីរ​បី​ប៉ូ​ក បណ្ដាលឱ្យ​បែក​ឈាម​ហូររឹមៗ ។ ក្រោយ​បែកក្បាល​ហូរឈាម​ដូច្នេះ ឈ្មោះ​ជា សំអាន ក៏បាន​ប្ដឹង​មក​សមត្ថកិច្ច​អាវុធហត្ថ ឱ្យ​ចុះមក​ឃាត់ខ្លួន​ប្រពន្ធ​និង​បងថ្លៃ កសាង​សំណុំរឿង​បញ្ជូន មក​តុលាការ​តែម្ដង ។

មន្ត្រី​តុលាការ​ឱ្យដឹងថា ក្រោយពី​សមត្ថកិច្ច បញ្ជូន​ជនសង្ស័យ​ទាំងពីរ​នាក់ មកដល់​អយ្យការ អម​សាលាដំបូង​រាជធានី​ភ្នំពេញ លោក​ខាំ សុ​ផា​រី ព្រះរាជអាជ្ញារង នៃ​អម​សាលាដំបូង​រាជធានី​ភ្នំពេញ បានធ្វើ​ការសាកសួរ ហើយ​សម្រេច​ចោទប្រកាន់ ឈ្មោះ ទូច រស្មី និង​ឈ្មោះ  ទូច សុធា ពីបទ​ហិង្សា​ដោយ​ចេតនា​មាន​ស្ថាន​ទម្ងន់ទោស តាម​មាត្រា២១៨ នៃ​ក្រមព្រហ្មទណ្ឌ ហើយ​ករណីនេះ នឹង​បញ្ជូន​ឱ្យ​ចៅក្រម បើក​ការ​ស៊ើបសួរ​តាម​នីតិវិធី ៕

 

Copyright © 2010-2018 · អរិយធម៌ · All Rights Reserved.
Develop by Sek Sathya