ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ធ្លាយ​អំពើពុករលួយ​អគ្គនាយក​ប្រៃសណីយ៍​កម្ពុជា អោក បូរ៉ា ស៊ី​ខ្លាំងពូកែ​ឆ្ពិន​ភ្នែក ?​  ||     លោក ញឹក ប៊ុន​លេខ មេ​គយ​ច្រក​បឹង​ត្រកួន ប្រមូល​លុយ​តាមរយៈ​ការឃុបឃិត​បើកដៃ​ឲ្យ​ឈ្មួញ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់​  ||     ឧកញ៉ា គង់ ក្រឹ​ង បន្តសកម្មភាព​ដឹកជញ្ជូន​ឈើ​ចេញទៅ​ស្រុក​យួន?​  ||     តើ​ហេតុអ្វី​បានជា​អាជ្ញាធរ​ក្នុង​ខណ្ឌចំការមន​មានការ​បិទបាំង រឿង​បុរស​សន្តិសុខ​ម្នាក់​ចងក​សម្លាប់ខ្លួន​នៅក្នុង​សាកលវិទ្យាល័យ​ប៊េ​ល​ធី អន្តរជាតិ?​  ||     មន្ត្រី​ជំនាញ​ក្នុង​ខេត្តកំពង់ធំ​ពិតជា​សកម្ម​ណាស់​ក្នុងការ​បង្កើត​បទល្មើស​នេសាទ​គឺ​ដូច​ភ្លៀងរលឹម​តែម្តង​ពី​ថ្នាក់​សង្កាត់​រហូតដល់​ម​ន្ទីរ​កសិកម្ម​ខេត្ត ម្យ៉ាងដែរ​  ||   

» ព័ត៌មានជាតិ » ជន​ដែល​ត្រូវធ្វើ​ការអប់រំ​កែប្រែ​នៅក្នុង​មណ្ឌល​សំចត​សង្គមកិច្ច​រាជធានី​ភ្នំពេញ (ព្រៃ​ស្ពឺ) ប្រមាណ២៤នាក់ បាន​លួច​ហែក​បន្ទប់​រត់ចេញ​ពី​មណ្ឌល

ជន​ដែល​ត្រូវធ្វើ​ការអប់រំ​កែប្រែ​នៅក្នុង​មណ្ឌល​សំចត​សង្គមកិច្ច​រាជធានី​ភ្នំពេញ (ព្រៃ​ស្ពឺ) ប្រមាណ២៤នាក់ បាន​លួច​ហែក​បន្ទប់​រត់ចេញ​ពី​មណ្ឌល

ភ្នំពេញៈ ហេតុការណ៍​នេះ បាន​បង្ក​ការភ្ញាក់ផ្អើល​តាំងពី​ម៉ោង៨យប់ ថ្ងៃទី១២ ខែកុម្ភៈ ឆ្នាំ២០១៨ម្សិលមិញ ដល់​អ្នកភូមិ​នៅក្បែរ​មណ្ឌល​សង្គមកិច្ច ដែលមាន​ទីតាំង​នៅតាម​បណ្ដោយ​ផ្លូវលំ​ចូល​វត្ត​ព្រៃ​ស្ពឺ ស្ថិតក្នុង​ភូមិ​ស្រែ​ជុំរៅ សង្កាត់​ចោមចៅ២ ខ​ណ្ខ​ពោធិ៍​សែន​ជ័យ រាជធានី​ភ្នំពេញ។

នៅមាន​ជន​ញៀន​ថ្នាំ និង​ជន​អានា​ថា២១នាក់​ទៀត កំពុង​រត់គេច​ទៅសម្ងំ​លាក់ខ្លួន​នៅ​ភូមិ​ក្បែរ​មណ្ឌល​សំចត​ព្រៃ​ស្ពឺ ដែល​រហូតមកទល់​ហ្នឹង​ព្រឹក​ថ្ងៃ​អង្គារ​នេះ នៅតែ​គ្មាន​ដំណឹង​ពី​ការរកឃើញ​ពួកគេ។

បើតាម​សេចក្ដីរាយការណ៍​បឋម មាន​ជន​ដែល​ត្រូវធ្វើ​ការអប់រំ កែប្រែ​នៅក្នុង​មណ្ឌល​សំចត​សង្គមកិច្ច​រាជធានី​ភ្នំពេញ (ព្រៃ​ស្ពឺ) ប្រមាណ២៤នាក់ បាន​លួច​ហែក​បន្ទប់​រត់ចេញ​ពី​មណ្ឌល ហើយ​ត្រូវ​ចាប់បាន​មកវិញ តែ៣នាក់​ប៉ុណ្ណោះ កាលពី​យប់មិញ ខណៈ​នៅមាន២១នាក់​ផ្សេងទៀត កំពុង​រត់គេចខ្លួន​ចូលទៅ​ភូមិ​ក្បែរ​នោះ។

រហូតមកទល់​ព្រឹក​នេះ ក្រុម​សន្តិសុខ​មណ្ឌល និង​ប្រជា​ការពារ​សង្កាត់​ចោមចៅ២ កំពុង​សហការគ្នាជាមួយ​សមត្ថកិច្ច​នគរបាល​មូលដ្ឋាន តាម​ស្វែងរក​ចាប់ខ្លួន​ជន​ទាំង២១នាក់​នោះមក​វិញ។ យ៉ាងណា មិនមាន​សេចក្ដីរាយការណ៍​ណាមួយ​បញ្ជាក់​ពី​មូលហេតុ នៃ​ហេតុការណ៍​ហែក​បន្ទប់​រត់ចេញ​ពី​មណ្ឌល​កែប្រែ​ព្រៃ​ស្ពឺ​នេះឡើយ ប៉ុន្តែ​នេះ ហាក់​បង្ហាញ​ពី​ភាពកំសោយក្នុង​ការគ្រប់គ្រង និង​ថែរក្សា​សន្តិសុខ​នៅក្នុង​មណ្ឌល។

មណ្ឌល​សង្គមកិច្ច​រាជ​ធានី​ភ្នំពេញ ឬ​ហៅថា មណ្ឌល​អប់រំ​វិជ្ជាជីវៈ​ព្រៃ​ស្ពឺ ស្ថិតនៅ​សង្កាត់​ចោមចៅ២ ខណ្ឌ​ពោធិ៍​សែន​ជ័យ គឺជា​កន្លែង​ដែល​អាជ្ញាធរ​បាន​ចាប់​មនុស្ស​ចាស់ និង​កុមារ​នៅតាម​ចិញ្ចើមផ្លូវ អ្នក​គ្មាន​ទីជម្រក អ្នកប្រើប្រាស់​គ្រឿងញៀន ស្ត្រី​រកស៊ី​ផ្លូវភេទ និង​ជន​វិកលចរិត ជាដើម យកទៅ​អប់រំ​កែប្រែ និង​បណ្ដុះបណ្ដាល​វិជ្ជាជីវៈ។

កាលពីដើម​ខែមិថុនា ឆ្នាំ២០១៦ នាឱកាស​ទិវា​កុមារ​អន្តរជាតិ សម្ដេចនាយក​រដ្ឋមន្ត្រី ហ៊ុន សែន បាន​រិះគន់ខ្លាំងៗ ចំពោះ​ការគ្រប់គ្រង​មជ្ឈមណ្ឌល​ព្រៃ​ស្ពឺ ដែល​ធ្វើ​ឲ្យ​ប៉ះពាល់​ដល់​មុខមាត់​រាជរដ្ឋាភិបាល ហើយ​លោក​បាន​ព្រមាន​ពី​លទ្ធភាព ដែល​អាច​ឈានទៅ​បិទ​មណ្ឌល​ព្រៃ​ស្ពឺ​នេះ​ទាំងស្រុង​ផងដែរ៕

 

Copyright © 2010-2019 · អរិយធម៌ · All Rights Reserved.
Develop by Sek Sathya