ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» ព័ត៌មានជាតិ » ចោរប្លន់​ទូ​រ​ស័ព្ទ​បានសម្រេច តែ​ចាប់បាន​បក្ខពួក​ម្នាក់​

ចោរប្លន់​ទូ​រ​ស័ព្ទ​បានសម្រេច តែ​ចាប់បាន​បក្ខពួក​ម្នាក់​

​ភ្នំពេញ ៖ យុវជន​ម្នាក់​ត្រូវ​ក្រុមចោរ​ធ្វើ​សកម្មភាព​វាយយក​ទូរស័ព្ទដៃ​បានសម្រេច ហើយ​ព្យាយាម​បើក​ម៉ូតូ​រត់គេច​ត្រូវ​ប្រជាពលរដ្ឋ​និង​អ្នករត់​ម៉ូតូ​ស្ទាក់​ឃាត់​បាន​ជនសង្ស័យ​ម្នាក់ ក្នុងចំណោម​បក្ខពួក​២​នាក់ ម្នាក់ទៀត​បាន​រត់គេច​បាត់ស្រមោល​។ ហេតុការណ៍​ឃាត់ខ្លួន​ជនសង្ស័យ​លើ​ខាងលើ កាលពី​វេលា​ម៉ោង​៤​និង​៣០​នាទី ទៀបភ្លឺ ថ្ងៃទី​១៣ ខែវិច្ឆិកា ឆ្នាំ​២០១៣ នៅតាម​បណ្ដោយ​ផ្លូវ​លេខ​២៧១ មុខផ្ទះ​លេខ​៦៤ ក្នុងភូមិ​ត្រញំងឈូក សង្កាត់​ទឹកថ្លា ខណ្ឌ​សែន​សុខ ។​
​តាម​ប្រភពពី​សមត្ថកិច្ច​បានឱ្យដឹង​ថា ជនរងគ្រោះ​មានឈ្មោះ ថូ ពេជ្រ​សុ​វ័​ន្ដ អាយុ​១៦​ឆ្នាំ ជា​សិស្ស​វិទ្យាល័យ ជា ស៊ីម សាមគ្គី ស្នាក់នៅ​ផ្ទះកើតហេតុ​ខាងលើ​។ ទូរស័ព្ទដៃ​ដែល​ជនសង្ស័យ​យកទៅ​បាត់​ម៉ាក សាម​ស៊ុ​ង កាឡាក់ស៊ី​ណូ​ត ពណ៌​ស ។ ចំណែក​ជនសង្ស័យ​ដែល​ប្រជាពលរដ្ឋ​ឃាត់ខ្លួន​បានប្រគល់​ឱ្យ​នគរបាល​មាន ឈ្មោះ ប៊ូ លី​ណា អាយុ​៣០​ឆ្នាំ មុខរបរ​មិន​ពិតប្រាកដ ស្នាក់នៅ​សង្កាត់​ទឹកល្អក់​ទី​៣ ខណ្ឌទួលគោក រួម​នឹង​ម៉ូតូ​មួយគ្រឿង​ម៉ាក​ឃ្លី​ក ពាក់​ស្លាក​លេខ​ភ្នំពេញ 1U-7485 ។​
​តាម​សម្ដី​ជន​រង គ្រោះ​ឱ្យដឹងថា នៅ​មុនពេល​កើតហេតុ រូបគេ​ត្រូវបាន​ម្ដាយ​ឪពុក​ស្ដីបន្ទោស ។ ដោយ​ខឹង​ក៏បាន​ដើរលេង​រហូតដល់​ម៉ោង​១០​និង​៣០​នាទី​យប់​ទើប​ត្រឡប់មក ផ្ទះ​វិញ​គ្មាន​អ្នកបើក​ទ្វារ​ឱ្យ ក៏​ដេក​នៅមុខ​ផ្ទះ​រហូតដល់​ម៉ោង​៤​និង​៣០​នាទី ស្រាប់​តែមាន​ជនសង្ស័យ​២​នាក់ ជិះ​ម៉ូតូ​១​គ្រឿង មក​សួរថា មានបាន​ឃើញ​ស្រី​ដើរកាត់​ទីនេះ​ទេ ។ រួប​គេ​បាន​ឆ្លើយថា មិនឃើញ​ទេ​។ ពេល​ឆ្លើយ​មិនទាន់​ចប់​ផង ជនសង្ស័យ​និយាយថា ទូរស័ព្ទ​ឯង​មាន​លុយ​ទេ​ខ្ចី​សិន ។ រូបគេ​និយាយថា ទូរស័ព្ទ​អស់​ថ្ម​ហើយ ។ ពេលនោះ​ជនសង្ស័យ​បាន​កញ្ឆក់​ទូរស័ព្ទ​ពី​ខ្លួន​ឡើង​ជិះ​ម៉ូតូ​បម្រុង គេចខ្លួន ហើយ​ខ្លួន​បាន​ស្រែកថា​ចោរ​ក៏ ភ្ញាក់ផ្អើល​ដល់​ប្រជាពលរដ្ឋ​ស្ទាក់​ចាប់បាន​ម្នាក់ រួម​នឹង​ម៉ូតូ​១​គ្រឿង​ភ្លាមៗ ចំណែក​បក្ខពួក​ម្នាក់ទៀត​បាន​យក​ទូរស័ព្ទ រត់គេច​បាត់ ។
​បន្ទាប់ពី​ឃាត់ ខ្លួន​ប្រគល់់់ឱ្យ​នគរបាល​ប៉ុស្ដិ៍​សង្កាត់​ទឹកថ្លា ដើម្បី​កសាង​សំណុំរឿង​បញ្ជូនទៅ អធិការដ្ឋាន​នគរបាល​ខណ្ឌ​សែន​សុខ ៕


Copyright © 2010-2021 · អរិយធម៌ · All Rights Reserved.
Develop by Sek Sathya