ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » សមត្ថកិច្ច​នៅ​ច្រកព្រំដែន​ប្រទេស​វៀតណាម ជំរិត​យកលុយ​ពី​កសិករ​ ​

សមត្ថកិច្ច​នៅ​ច្រកព្រំដែន​ប្រទេស​វៀតណាម ជំរិត​យកលុយ​ពី​កសិករ​ ​

កំពង់ចាម​៖ ក្នុង​រដូវ​ប្រមូល​ផល កសិផល និង កសិឧស្សាហកម្ម  គេ​សង្កេតឃើញ​ប្រជាកសិករ​មកពី​គ្រប់ទិសទី បាន​ដឹក​ដំឡូង​មី​តាម​រថយន្ត​តូចធំ ព្រមទាំង​ជ័រកៅស៊ូ​ស្អុយ តាម​ម៉ូតូ​និង​រថយន្ត​តូចៗ​រាប់រយ​គ្រឿងក្នុង​១​ថ្ងៃៗ ដើម្បី​យកទៅលក់​នៅ​ព្រំដែន​ប្រទេស​វៀតណាម  នៅ​ច្រក​ចាន់​មូល ច្រក​ដូនរ័ត្ន និង​ច្រក​ដារ ហៅ​ដូង​៧​ដើម ស្ថិតនៅ​ស្រុក
​មេមត់ ។ ប្រជាពលរដ្ឋ​រអ៊ូរទាំ​ថា សមត្ថកិច្ច​នៅតាម​ច្រក បាន​យកលុយ​ពី​រថយន្ត​ដឹក​ដំឡូង​១​គ្រឿងក្នុង​តម្លៃ​៨​ម៉ឺន​រៀល  និង​ម៉ូតូ​ដឹក​ជ័រកៅស៊ូ ក្នុង​ម៉ូតូ​១​គ្រឿង ២៥.០០០ រៀល​ឯណោះ​។ បុរស​ម្នាក់​ឈ្មោះ ឡុង ឆាយ រស់នៅ​ភូមិ​ស្លា ឃុំ​ទ​ន្លូ​ង ស្រុក​មេមត់ បាន​ប្រាប់​ឲ្យ​ដឹង​នៅ​រសៀល​ថ្ងៃទី ៩ វិច្ឆិកា​២០១៣ ថាៈ   រូបគាត់​បាន​ប្រមូល​ជ័រកៅស៊ូ​ស្អុយ
រហូតដល់​ទៅ​ស្រុក​ស្នួល ខេត្តក្រចេះ ដោយ​ក្នុង​១​គីឡូក្រាម តម្លៃ​៣.៧០០ រៀល  ហើយ​ដឹក​តាម​ម៉ូតូ​យកមក​លក់​នៅ​ខ្ទុំ  ដី​វៀតណាម ចូល​តាម​ច្រក​ចាន់​មូល ឃុំ​ចាន់​មូល  ដោយ​លក់បាន​១​គីឡូក្រាម អាច​កើន​ដល់​ទៅ​ជាង​៤.០០០​រៀល  ។​
លោក ឡុង ឆាយ បាន​ប្រាប់​បន្តថា ក្នុង​១​ជើងៗ គាត់​អាច​ដឹក​បាន​ជាង​២០០ គីឡូក្រាម ដែល​ត្រូវបាន​ប្រមូល​ទិញ​ពី​តាម​ចំការកៅស៊ូ​របស់​ប្រជាពលរដ្ឋ​ជាច្រើន​កន្លែង ចំពោះ​មូលហេតុ​ដែល​ធ្វើ​ឲ្យ​រូបគាត់​សម្រេច​ដឹក​មក​លក់​នៅ​ព្រំដែន​នេះ ដោយសារ​តែមាន​ក្រុមហ៊ុន​ក្នុងស្រុក​ទិញ​ក្នុងតម្លៃ​ប្រហែល​នឹង​គាត់​ទិញ​ដែរ ។​គាត់​ទើបតែ​រក​ទិញ​ជ័រ​នេះ
​បាន​ប្រហែល​១​ខែ​ប៉ុណ្ណោះ ជា​មធ្យម​អាច​ចំណេញ​បាន​៣​ម៉ឺន​រៀល​ទៅ​៥​ម៉ឺន​រៀល​ក្នុង​១​ជើង សំរាប់​យកទៅ​ដោះស្រាយ​ជីវភាព​គ្រួសារ ។ បុរស​បើកបរ​រថយន្ត​ដឹក​ដំឡូង​មី​១​គ្រឿង​ចំណុះ​៨​តោន ចេញពី​ជី​ពឹ​ម ឃុំ​ទ​ន្លូ​ង ស្រុក​មេមត់ ក៏បាន​ប្រាប់​ឲ្យ​ដឹង​ដែរ​ថា ដោយសារតែ​នៅតាម​ច្រក​ដារ សមត្ថកិច្ច​នៅ​ទីនោះ​យក​ថ្លៃ​ពេក  ទើប​គាត់​ដឹក
​យកមក​លក់​នៅតាម​ច្រក​ចាន់​មូល​វិញ ទោះបីជា​ឆ្ងាយ​ក៏ដោយ  សមត្ថកិច្ច​នៅ​បា​រ៉ា​ស​ទី​១ គេ​យកតែ​៣.០០០​រៀល ប៉ុណ្ណោះ ។ បុរស​ឈ្មោះ មុន ផល្លី អាយុ ៣២ ឆ្នាំ នៅ​ភូមិ​ចំការ​ថ្មី ឃុំ​គគីរ ស្រុក​មេមត់ ដោយមាន​ឌុប​ជ័រកៅស៊ូ​ជាង​២០០ គីឡូក្រាម  បែកញើស​ហូរ​តក់ៗ ក្រោម​កំដៅថ្ងៃ​បាន​ប្រាប់ថា គាត់​បាន​ដើរ​ប្រមូល​ទិញ​ជ័រកៅស៊ូ​ស្អុយ​ពី​ប្រជាពលរដ្ឋ​ជាច្រើន​កន្លែង ក្នុងនោះ​១​គីឡូក្រាម​តំលៃ​៣.៥០០​រៀល  រួចហើយ​នៅ​រសៀល​ថ្ងៃទី​០៩ វិច្ឆិកា គាត់​បាន​ឌុប​ចេញ​ដើម្បី​យកមក​លក់​នៅ​ច្រក​ដូនរ័ត្ន មាន​ចំងាយ​ប្រហែល​២៥ គីឡូម៉ែត្រ​ពី​ផ្ទះ យកមក​លក់​នៅ​ព្រំដែន​វៀតណាម  បាន​១​គីឡូក្រាម តំលៃ​៣៩០០ រៀល ។ គាត់​បន្តថា នៅពេលណា​ដែល​ជ័រ​បាន​ថ្លៃ​នោះ អាច​ចំណេញ​បាន​១​ជើង ៧​ម៉ឺន​រៀល  ចំពោះ​មូលហេតុ​ដែល​ដឹក​មក​លក់​នៅ​ព្រំដែន ដោយសារ​តែមាន​ក្រុមហ៊ុន​នៅក្នុង​ស្រុក​ខ្មែរ គេ​ដើរ​ទិញ​តំលៃ​ប្រហែល​នឹង​រូបគេ​ទិញ​ដែរ ជា​តំលៃថោក ហេតុដូច្នេះ​ហើយ​ទើប​ដឹក​មក​លក់​នៅ​ព្រំដែន តែ​សំរាប់​ដឹក​១​ជើង​ត្រូវ​បង់លុយ​ឲ្យ​កុងត្រូលជជុះ​រហូតដល់​ទៅ​២៥.០០០ រៀល​ឯណោះ ។
​ប្រជាពលរដ្ឋ​ម្នាក់ សុំ​មិន​បញ្ចេញ​ឈ្មោះ រកស៊ី​ទិញ​ដំឡូង​មី បាន​ប្រាប់​ឲ្យ​ដឹង​ដែរ​ថា គាត់​បាន​ទិញ​ដំឡូង​មី​ចេញពី​ស្រុក​ប្រាសាទ​បល្ល័ង្ក ក្នុង​ខេត្តកំពង់ធំ ដឹក​តាម​រថយន្ត​ប្រភេទ​កង់​១០ លុះ​ពេល​ចេញមក ត្រូវ​បង់​ឲ្យ​ជញ្ជីង​ថ្លឹង​រថយន្ត​នៅ​ព្រំប្រទល់​ខេត្តព្រះវិហារ និង​ខេត្តកំពង់ធំ​ចំនួន ០២​កន្លែង​ទៀត ដោយ​១​កន្លែងៗ​ត្រូវ​ចំណាយ​ចំនួន ៥​ម៉ឺន​រៀល និង​បន្ត​មកដល់​ជញ្ជីង​ថ្លឹង​រថយន្ត​ថ្នល់ទទឹង ឃុំ​ជុប ស្រុក​ត្បូងឃ្មុំ​បង់​ចំនួន ១០ ម៉ឺន​រៀល​ថែមទៀត ។  លុះ​នៅ​រសៀល​ថ្ងៃទី ០៩ វិច្ឆិកា ២០១៣ គាត់​បាន​បើក​មកដល់​ចូល​ច្រក​ដារ​ស្រុក​មេមត់ ត្រូវបាន​សមត្ថកិច្ច​នៅ​ច្រក​នោះ ទារ​បង់លុយ​ចំនួន ៨ ម៉ឺន​រៀល​ទៀត ។ លោក​បន្តថា​ជួន​ពេលខ្លះ​គាត់​ចំណេញ និង​ពេលខ្លះទៀត​ត្រូវ​ខាត ព្រោះ​ដំឡូង​ស្រស់​ទិញ​មក​១​គីឡូក្រាម​តំលៃ ៣០០​រៀល ពេល​មក​លក់បាន​តំលៃ​៣៤០​រៀល  ឬ​ត្រូវ​ឈ្មួញ​វៀតណាម​ទំលាក់​តំលៃ​ខាត​ចូល​ដើម​ក៏មានដែរ ។ ចំណែក​លោកនាយក​រដ្ឋ​បាល​សាលាខេត្ត​វិញ បាន​ប្រាប់​ឲ្យ​ដឹង​ដែរ​ថា ចំពោះ​ការនាំ​ជ័រកៅស៊ូ​ស្អុយ​ចេញទៅ​ប្រទេស​វៀតណាម តាម​ម៉ូតូ​និង​រថយន្ត​តូចៗ ជា​ទង្វើ​ខុសច្បាប់ ដែល​សមត្ថកិច្ច​ត្រូវតែ​បង្ក្រាប ប៉ុន្តែ​ត្រូវបាន លោក លន់ លឹម​ថៃ អភិបាលខេត្ត មានការ​យោគយល់​មិន​អនុញ្ញាត​ឲ្យ​ចាប់​នោះទេ ដោយ​គ្រាន់តែ​បង្វែរ​ទិស​នាំ​ជ័រ​ស្អុយ​មក​ចូល​ស្រុក​វិញ ផលិត​ទៅជា​ជ័រកៅស៊ូ​ក្រែប តាម​បណ្តា​ក្រុមហ៊ុន​ជាមុនសិន ទើប​អនុញ្ញាត​ឲ្យ​នាំ​ចេញទៅ​ប្រទេស​វៀតណាម ។  ​នៅ​ថ្ងៃទី ១២ វិច្ឆិកា ២០១៣ អាជ្ញាធរខេត្ត​នឹង​កោះប្រជុំ​ជាបន្ទាន់​មួយ ដើម្បី​រក​ដំណោះស្រាយ ដោយ​ហៅ​ក្រុមហ៊ុន​ជាង ៧០   ក្រុមហ៊ុន មក​ចូលរួម​រក​យុទ្ធវិធី​ឲ្យ​ប្រជាពលរដ្ឋ​ក៏ដូចជា​ក្រុមហ៊ុន ទទួលបាន​នូវ​ផលចំណេញ ជាជាង​ការនាំចេញ​ជ័រកៅស៊ូ​ស្អុយ  ដោយ​ខុសច្បាប់ និង​ថែមទាំង​បង្កើត​ឲ្យ​មាន​ចោរកម្ម​នោះ​ថែមទៀត​។ ម្យ៉ាងវិញទៀត ការនាំចេញ​ដំឡូង​មី​ទៅ​ប្រទេស​វៀតណាម ម្ចាស់​ដំឡូង​ត្រូវតែមាន​លិខិត​អនាម័យ​ដោយ​បញ្ជាក់​ពី​ដំឡូង មិនមាន​មេរោគ ទើប​ខាង​ភាគី​វៀតណាម​គេ​ទិញ ហើយ​ប្រជាកសិករ​នៅតាម​ព្រំដែន  ដឹក​កសិផល​ទៅ​លក់​នោះ​មិន​តម្រូវ​ឲ្យ​បង់លុយ​ទៅ​ស្ថាប័ន​ណា​ឡើយ ។ ជុំវិញ​ករណី​យកលុយ​ពី​រថយន្ត​ដឹក​ដំឡូង​១​រថយន្ត​ចំនួន​៨​ម៉ឺន​រៀល កាសែត​អរិយធម៌​បាន​ព្យាយាម​សុំ​ការបំភ្លឺ​ពី​លោក ផ្ល​ង់ អោន ប្រធាន​ច្រក​ដារ ហៅ​ដូង​៧​ដើម តែ​ពុំ​អាចទាក់ទង​បាន​នោះទេ ។​យោងតាម​អនុសាសន៍​ដ៏​ថ្លៃថ្លា​របស់​សម្តេចនាយក​រដ្ឋមន្ត្រី ហ៊ុន សែន ធ្លាប់បាន​មានប្រសាសន៍​កន្លងមក​ថា ដើម្បី​លើកស្ទួយ​ជីវភាព​ប្រជាកសិករ  ឲ្យ​កាន់តែ​ប្រសើរឡើង​នៅ​ទូទាំងប្រទេស​កម្ពុជា​ពោលគឺ «  រាល់​ការដឹក​អនុផល​ដំឡូង​មីនេះ មិន​អនុញ្ញាត​ឲ្យ​ស្ថាប័ន​ណាមួយ​យកលុយ​ពី​កសិករ​នោះទេ » ៕     ដោយ​៖ ព្រហ្ម វិ​លៀម​

Copyright © 2010-2021 · អរិយធម៌ · All Rights Reserved.
Develop by Sek Sathya