ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » សង្វៀន​ប្រជល់មាន់ របស់​ហាក់​អេង គ្មាន​សមត្ថកិច្ច​ណា​ហ៊ាន​បង្ក្រាប​អាងខ្នង លោក​កុក ម៉ី​ន​

សង្វៀន​ប្រជល់មាន់ របស់​ហាក់​អេង គ្មាន​សមត្ថកិច្ច​ណា​ហ៊ាន​បង្ក្រាប​អាងខ្នង លោក​កុក ម៉ី​ន​

​ប៉ោយប៉ែត​ ៖ ​សារព័ត៌មាន​ក្នុងស្រុក​ធ្លាប់បាន​ធ្វើការ ផ្សព្វផ្សាយ​ជាច្រើន​លេខ​មក ហើយ​អំពី​សង្វៀន ប្រជល់ មាន់​ដ៏​ល្បាញ​ល្បី​របស់លោក​ហាក់ អេង ដែលជា​មេកន្ទ្រាញ​ម្ចាស់​សង្វៀន មាន់​ដ៏​មាន​ឥ​ទ្ឋិ​ពល​ប្រចាំ នៅ​តំបន់​ជាយ ដែន​ភាគ ពាយ័ព្យ​នៃ​ប្រទេស​កម្ពុជា ដែល​កំពុងតែ​ផ្គើន​នឹង​អនុ​សាស​ន៏ របស់​សម្តេច​តេ​ជោ ពីព្រោះ គេ​អាង​កាស៊ីណូ ធ្វើជា​ខ្នងបង្អែក​ដ៏​រឹងមាំ គ្មាន​អ្នកណា​បំបែក​បាន​។​
​   ​បើតាម​ប្រភព​ព័​ត័​មាន​ពី​ក្រុម​អ្នកញៀន​នឹង​ល្បែង​កីឡា​បក្សី បាន​ឲ្យ​ដឹងថា សង្វៀនមាន់​របស់ ហាក់​អេង កំពុងតែ​ល្បីល្បាញ់​ខ្លាំង​សម្បើម​ណាស់ ពីព្រោះ​មាន​អតិថិជន ស្ទើរតែ​គ្រប់​ខេត្ត​ក្រុង នាំគ្នា​សំរុក ចូលមក​លេង​នៅ​សង្វៀន​នេះ រាល់ថ្ងៃ​ហើយ​លេង​សុ​ទ្ឋ​តែ​ដៃ​ធំៗ​ទៀតផង ការ​ភ្នាល់​មួយគូរៗ​យ៉ាងហោចណាស់ ក៏​ចាប់ពី មួយ​ម៉ឺន​បាត​ឡើងទៅ បើ​គូរ​ពិសេស​វិញ​នោះ ដើម​ផាន់​រហូត ដល់​ទៅ​០១​ពាន់ ដុល្លារ​ទៅមួយ​ម៉ឺន​ដុល្លារ​ឯណោះ​ក្នុង​មួយគូរៗ​។
​    ​ប្រភព​បាន​បន្តទៀតថា ការ​ប្រជល់​ម្តងៗ​ក៏មាន​មន្ត្រីរាជការ មួយចំនួន​ចូល ទៅលេង​នៅ​ទី នោះដែរ​។​ក្រៅតែពី​អ្នកក្រុង​ប៉ោយប៉ែត ខេត្តបន្ទាយមានជ័យ ក៏មាន​អ្នក​ដែល​មកពី​ខេត្ត​ផ្សេងៗ​ដូចជា​បាត់តំបង សៀមរាប កំពង់ចាម ប៉ៃលិន ក្រុងភ្នំពេញ និង​ដែល​មកពី​ជាយដែន វៀតណាម​ទៀតផង ។​ល​។ នាំគ្នា សំរុកចូល​មកលេង នៅ​ទីនោះ យ៉ាង​ភ្លូកទឹកភ្លូកដី ពីព្រោះ​តា​អេង តែងតែ​អួតថា​សង្វៀនមាន់ គាត់​មានច្បាប់ sic​។​
​    ​លើសពីនេះទៅទៀត​នោះ ក្នុង​កម្មវិធី​ប្រជល់​ម្តងៗ អ្នក​ចូល​ទស្សនា ត្រូវ​បង់លុយ​ចំនួន​ប្រាំ​ពាន់​រៀល  និង​ថ្លៃ​ផ្ញើ​ម៉ូតូ​ពីរពាន់​រៀល រថយន្ត​ប្រាំ​ពាន់​រៀល​ទៀត​។ កន្លងមក​ម្ចាស់​សង្វៀន​ខាងលើ​ក៌​មាន ការលើក ទឹកចិត្ត​ដល់​អ្នក​មកលេង​ល្បែង​នៅ កន្លែង​នោះ​ផងដែរ ដោយមាន​រង្វាន់​ដ៏​ច្រើន​ស​ន្ឋឹ​ក ស​ន្ឋា​ប់ ដែល​ទឹក ប្រាក់​រាប់ពាន់​ដុល្លារ ដូចជា​ខ្សែរ​ក្រវ៉ាត់​មួយ​មាន​តំលៃ​ជាង​មួយ រយ​ដុល្លារ នឹង​ម៉ូតូ​ហុងដា​សេ​១២៥ ស៊េរី​ថ្មី ទៀតផង កាលពី​រយៈពេល​កន្លង​ទៅ​ដើម្បី លើកទឹកចិត្ត ដល់​អ្នក​ដែល​ឈ្នះ​បួន​គូ​ជាប់ៗ​គ្នា ។​
​    ​ជុំវិញ​ករណី​ខាងលើនេះ អរិយធម៌​មិនអាច​សំ​ការបំភ្លឺ​ពី​ម្ចាស់ សង្វៀន​ខាងលើ​បានទេ ប៉ុន្តែ​តា​អេង តែង​អួតថា សង្វៀន​ប្រជល់មាន់​របស់គាត់​មានច្បាប់​។​ប្រជាពលរដ្ឋ​នៅ​ក្រុង​ប៉ោយប៉ែត ខេត្តបន្ទាយមានជ័យ ធ្លាប់បាន​ជ្រាបថា​មួយ​ម៉ាត់​ណា ក៏​ហាក់​អេង​យកឈ្មោះ​កាស៊ីណូ មក​គំរាម​គេឯង​ដែរនោះ គាត់​ក៏ បាន​បង្ហើយ​ពាក្យ​ថា បើ​អ្នកកាសែត​ណា​ចង់ ដឹងថា​សង្វៀនមាន់​គាត់ មានច្បាប់​ឬ​អត់​ឲ្យ​អ្នកកាសែត ទៅ​សួរ កាស៊ីណូ​( ហ្គោ​ឌិន ) ដោយ​ខ្លួនឯង​ទៅ​និង​ដឹង​ហើយ ។​
​    ​រហូតមកដល់​បច្ចុប្បន្ន​នេះ លោក កុក​ម៉ី​ន ដែលជា​ខ្សែរ​ស្រ​ឡាយ របស់លោក ឧ​ញ៉ា កុក​អាន ដ៏​មានអំណាច ត្រូវគេ​ដឹងថា​ជា​អ្នក​ចេញមុខ​កាង​ល្បែង​អប្រិយ​ខាងលើ ដែលជា​ទង្វើ​ផ្ទុយ​និង​ច្បាប់ ប្រឆាំង​និង គោលនយោបាយ ភូមិ​ឃុំ​មាន​សុវត្ថិភាព​របស់ រាជរដ្ឋាភិបាល​។​មានមតិ​សាធារណៈ​ជាច្រើន បាន​លើកឡើងថា កាស៊ីណូ​អី​ក៏​ខ្លាំង​ម្លេះ ចូលចិត្ត​កាង​បទល្មើស មិនបាន​គោរព​អនុសាសន៍​របស់ សម្តេច​តេ​ជោ ហ៊ុនសែន​សោះ ព្រោះថា​រាល់​បទល្មើស​ទាំងឡាយ ដែល​ច្បាប់​បាន​ហាមឃាត់ ដូចជា​ល្បែង​អបាយមុខ​គ្រប់​ប្រភេទ ស្រី​ស្រា​រាំ​ស្រាត កន្ទុយលេខ ភ្នាល់​បាល និង​កីឡា​បក្សី ជាដើម ដែល​សម្តេច ធ្លាប់បាន​ប្រកាស​ឲ្យ​បិទ ទូទាំង ប្រទេស បែ​ជា​ពពួក​ដង្កូវសង្គម​បាត​ផ្សារ ទាំងនោះ​នាំគ្នា​ឃុបឃិត ចូលទៅ​ជួល​ដី​ក្នុង​កាស៊ីណូ បើក​យ៉ាង​ចំហ មាន​សុវត្ថិភាព​មួយរយ​ភាព​រយ​មាន​គ្មាន​សម​ត្ត​កិច្ច​ណា​ហ៊ាន​រំខាន​ឡើយ  ពីព្រោះ​ត្រូវ​ថ្នាំ​សណ្តំ​បន្ទន់ ឆ្អឹង​របស់ ក្រុម​អ្នកញៀន​ល្បែង​៕​ ដោយ ខៀវ បូរី​

សកម្មភាពបញ្ជល់មាន់

Copyright © 2010-2021 · អរិយធម៌ · All Rights Reserved.
Develop by Sek Sathya