ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 នគរបាល​តូចតាច​ម្នាក់ រង​ការ​គំរាម ពី​មន្ត្រីនគរបាល​ថ្នាក់​ធំ ត្រៀម​ប្តឹង ទៅកាន់​អគ្គស្នងការ នគរបាលជាតិ?​  ||     ចាប់​អាតូច អា​ធំ​ទុក​បន្ត​ពូជ ហាសៗម្យ៉ាងដែរ នៅ​កំពង់ស្ពឺ​  ||     ឈ្មោះ ណុប ណាក់ (ណាក់​ក្បាល​ធំ)ឈ្មោះ ហូ​វ ជី​វៃ និង​ឈ្មោះ នី​កា​ចាញ អាង​អំណាច​មេ​ប៉េអឹម សម្រុក​ជញ្ជូន​ដឹកឈើ ចេញទៅ​វៀតណាម តាម​ច្រក​អូ​រយ៉ា​ដាវ គ្មាន​អ្នកណា​ហ៊ាន​ក្អក​  ||     ឯកឧត្តម វេង សាខុន ក្រសួងកសិកម្ម រុក្ខាប្រមាញនិងនេសាទ គួរ ចាត់វិធានការយ៉ាងណាទៅលើមន្រ្តីថ្នាក់ក្រោមឱវាទ ក្នុងខេត្តកំពង់ឆ្នាំង ដែលបើកដៃឲ្យបទល្មើសនេ សាទកើតមានក្នុងទ្រង់ទ្រាយធំទាំងរដូវបិទ ការនេសាទទាំងរដូវបើកការនេសាទ​  ||     ប្រធាន​សាខាគយ​ខេត្តកំពង់ឆ្នាំង លោក ហ៊ា​ល ទូច គ្រប់ទឹក?​  ||   

» Breaking News, ព័ត៌មានជាតិ » លេច​ឮថា លោក ភេ សុ​មុនី ប្រធាន​សាខាគយ និង​រដ្ឋាករ រាជធានី​ភ្នំពេញ ប្រើ​ឈ្មោះ​លោក គុណ ញឹម និង​លោក សេង សារឿន អនុប្រធាន​សាខាគយ និង​រដ្ឋាករ រាជធានី​ភ្នំពេញ យក​អំណាច​ភរិយា លោក គុណ ញឹម..?

លេច​ឮថា លោក ភេ សុ​មុនី ប្រធាន​សាខាគយ និង​រដ្ឋាករ រាជធានី​ភ្នំពេញ ប្រើ​ឈ្មោះ​លោក គុណ ញឹម និង​លោក សេង សារឿន អនុប្រធាន​សាខាគយ និង​រដ្ឋាករ រាជធានី​ភ្នំពេញ យក​អំណាច​ភរិយា លោក គុណ ញឹម..?

ភ្នំពេញ ៖ នូវ​រឿងអាស្រូវ​ពុករលួយ របស់លោក ភេ សុ​មុនី ប្រធាន​សាខា គយ​និង​រដ្ឋាករ រាជធានី​ភ្នំពេញ​ក្រៅតែពី​ប្រមូល​លុយ​តាម​ឃ្លាំងទំនិញ នៅមាន​ការឃុបឃិត​ជាមួយ​ឈ្មួញធំៗជាច្រើន​ទៀត​ដែល​នាំចូល​ទំនិញគេចពន្ធ និង​បង់ពន្ធ​មិន​គ្រប់​ដឹក​តាម​រថយន្តធំៗចូល​រាជធានី​ភ្នំពេញពេលយប់ៗមកពី​ផ្លូវជាតិ​លេខ១,ផ្លូវជាតិ​លេខ២,ផ្លូវជាតិ​លេខ៣,ផ្លូវជាតិ​លេខ៤,ផ្លូវជាតិ​លេខ៥,ផ្លូវជាតិ​លេខ៦ សុទ្ធតែ​សុំ​ភ្លើង​ខៀវ​ពី​លោក ភេ សុ​មុនី ជាមុន បើ​មិន​ដូច្នេះ​ទេ​នឹងរង​ការចាប់​យម​មក​ពិន័យ​គ្មាន​ការយោគយល់ និង​លើកលែង​ឡើយ​បច្ចុប្បន្ននេះ លោក ភេ សុ​មុនី ព្យាយាម​រកលុយ ច្រក​ហោប៉ៅ ច្រើនជាង​បង់​ចូល​រដ្ឋ។

 

ក្រុម​ឈ្មួញ​បានលើកឡើង​ពី​មាត់​មួយ ទៅ​មាត់​មួយ​ថា ចាប់តាំងពី លោក ភេ សុ​មុនី ចូលកាន់​តំណែង​ជា ប្រធាន​សាខាគយ និង​រដ្ឋាករ រាជធានី​ភ្នំពេញ ជំនួស តំណែង លោក អ៊ុយ កុសល (ចូលនិវត្តន៍) តាំងពីព្រឹក​ថ្ងៃទី១១ ខែមិថុនា ឆ្នាំ២០១៥ មកដល់​ប​ច្ច​ប្បន្ន​នេះ ឈ្មួញ​ជា​អ្នករកស៊ី​នាំ​ទំនិញ​ពី​ប្រទេសជិតខាង​ដែលមាន​ឃ្លាំង​ស្តុក​នៅក្នុង​រាជធានី​ភ្នំពេញ ខ្លាច​លោក​មេ​គយ ភេ សុ​មុនី រឿង​កៀ​ម​លុយ​ដោយ​មិន​រើសមុខ អត់​គិត​មាន​ពន្ធ​ឬ​អត់​ពន្ធ គឺ​មិនអាច​គេច​ផុតពី​ការបង់ប្រាក់។

ក្នុងនោះ លោក ភេ សុ​មុនី បាន​ចាត់តាំង​មន្ត្រី​ការិយាល័យ​គយ ខណ្ឌ​ទាំង១២នៅក្នុង​រាជធានី​ភ្នំពេញ​ឲ្យ​ចុះ​ការ​កោសរូស ប្រមូល​លុយ​ជាប្រចាំ​ពី​ឃ្លាំង​ស្តុក​ទំនិញ​រាប់រយ​កន្លែង ទោះជា​ស្របច្បាប់ ឬ​មិន​ស្របច្បាប់​សុទ្ធតែជា​ប្រភព​ប្រមូល​លុយ​ទាំងអស់។ បើ​មិន​ដូច្នោះ​ទេ​នឹងត្រូវ​ត្រួតពិនិត្យ​ឯកសារ ឆែកឆេរ​ឃ្លាំងទំនិញ ដែល​នាំ​ឲ្យ​ម្ចាស់​ឃ្លាំង​ឈឺក្បាល​ខាតបង់​ពេលវេលា​និង​ជួប​ផល​លំបាក​ជាក់​ជាមិនខាន។
លោក ភេ សុ​មុនី ត្រូវបាន​មន្ត្រី​តូចតាច​លាន់មាត់​ថា មាន​ក្បាច់​ប្រព្រឹត្ត​ពុករលួយ ដោយ​ប្រើ​បច្ចេកទេស​ជំនាញ​អំណាច តួនាទី ខ្លាំង​ជាង​លោក អ៊ុយ កុសល រាប់សិប​ដង។

 

អំពើពុករលួយ​របស់​លោក ភេ សុ​មុនី និង​បក្ខពួក កំពុង​ធ្វើ​ឲ្យ​ប៉ះពាល់​យ៉ាងខ្លាំង ដល់​ឈ្មួញ និង​អា​ជីករ ដែល​រកស៊ី នាំចូល​ទំនិញ ពី​ប្រទេសជិតខាង មក​លក់​ចែកចាយ ក្នុង​រាជធានី​ភ្នំពេញ។ មានការ​ត្អូញត្អែរថា លោក ភេ សុ​មុនី មិន​បង្ក្រាប​ឈ្មួញ ដែល​នាំចូល ទំនិញគេចពន្ធ និង​ទំនិញ​ខុសច្បាប់​នោះទេ បែរជា​គាបសង្កត់ ឈ្មួញ​និង​អាជីវករ ដែល​រកស៊ី​គោរព​ច្បាប់ ត្រឹមត្រូវ​ទៅវិញ។ ឈ្មួញ និង​ក្រុមអាជីវករ​មួយចំនួន​បាន​ឲ្យ​ដឹងថា សព្វថ្ងៃនេះ​ពួកគេ ត្រូវ​បង់លុយ​ឲ្យ កូនចៅ លោក ភេ សុ​មុនី ផង​និង​សម្រាប់ មន្ត្រី​គយ​ដែលមាន​ភារកិច្ច​មក​ប្រមូល​លុយ​ផង ដែលជា​ហេតុ ធ្វើ​ឲ្យ​ពួកគេ ត្រូវ​ប្រឈម​នឹង ការលំបាក​យ៉ាងខ្លាំង ក្នុង​របរ​រកស៊ី​សព្វថ្ងៃ។

 

ករណីនេះ​គួរតែ លោក គុណ ញឹម ប្រតិភូ​រាជរដ្ឋាភិបាល ទទួលបន្ទុក ជា​អគ្គនាយក នៃ​អគ្គនាយកដ្ឋាន គយ​និង​រដ្ឋាករ កម្ពុជា និង​លោក អូន ព័ន្ធមុនីរ័ត្ន ដែលជា​រដ្ឋមន្ត្រី ក្រសួង​សេដ្ឋកិច្ច និង​ហិរញ្ញវត្ថុ ពិនិត្យមើល​បញ្ហា​នេះ​ផង។ ម្យ៉ាងទៀត​លេច​ឮថា សូម្បីតែ​ភរិយា លោក គុណ ញឹម ប្រតិភូ​រាជរដ្ឋាភិបាល ទទួលបន្ទុក ជា​អគ្គនាយក នៃ​អគ្គនាយកដ្ឋាន គយ​និង​រដ្ឋាករ កម្ពុជា លូកដៃ​ចូល​ជ្រៅ​ក្នុង​កិច្ចការងារ គយ ខ​ណះ​ប្តី​ជា​មេ​គយ​នោះ។ ដោយមាន​លោក សេង សារឿន អនុប្រធាន​សាខាគយ និង​រដ្ឋាករ រាជធានី​ភ្នំពេញ ជា​តួអង្គ ដើរ​ប្រមូល​លុយ​ពី​ក្រុមហ៊ុន ឈ្មួញ​ដឹកទំនិញ​បង់​ប្រចាំខែ យ៉ាងតិច​ចាប់ពី២០០០ដុល្លារ ដល់៥០០០ដុល្លារ ទើប​អនុញ្ញាត​អោយចូល​ក្រុង។ នេះ​មិនទាន់​គិតដល់​ករណី​ប្រមូល​លុយ​ពី​ទីតាំង​ឃ្លាំង​ស្តុក​ទំនិញ​មានច្បាប់ និង​អត់​ច្បាប់​ផង។ ករណីខ្លះ​លេច​ឮថា លោក ភេ សុ​មុនី ប្រធាន​សាខាគយ និង​រដ្ឋាករ រាជធានី​ភ្នំពេញ ប្រើ​ឈ្មោះ​លោក គុណ ញឹម និង​លោក សេង សារឿន អនុប្រធាន​សាខាគយ និង​រដ្ឋាករ រាជធានី​ភ្នំពេញ យក​អំណាច​ភរិយា លោក គុណ ញឹម..? រហូតដល់​គយ​ខ្លះ​បង្ហើប​ថា គយ​ដែល​យល​អំណាច យកឈ្មោះ​ភរិយា លោក គុណ ញឹម ប្រើ គឺ​ហ៊ាន​លោតឆ័ត្រ​ក្នុងការ​ប្រព្រឹត្ត​ពុករលួយ​ទាញយក​ប្រយោជន៍ ខ្លាំង​ជាង​ខាង​អ្នកយក​អំណាច លោក គុណ ញឹម។

 

ការ​លើកឡើងថា កាលដែល​លោក ភេ សុ​មុនី មានអំណាច​ពេញដៃ​ហ៊ាន​ធ្វើអ្វីៗតាម​អំពើ​ចិត្ត គឺមាន​ការ​បើកដៃ ពី​លោក គុណ ញឹម ដែលជា​អគ្គនាយក នៃ​អគ្គ​នាក​ដ្ឋា​ន គយ​និង​រដ្ឋាករ ផងដែរ ហើយ​ទំនងជា​មានការ​បែងចែក​ផលប្រយោជន៍​គ្នា​ទៀតផង។ ប្រការ​នេះហើយ ទើប​លោក ភេ សុ​មុនី មានអំណាច​បើកភ្លើង​ខៀវ​ស្វាគមន៍​ឈ្មួញ​ត្រូវការ​ខ្នងបង្អែក ហើយ​អាចបង្កើត​បក្ខពួក របស់ខ្លួន​ជាច្រើន​ក្រុម ឲ្យ​ដើ​ប្រមូល​លុយ តាម​ឃ្លាំង​ស្តុក​ទំនិញ ទោះបី​ទំនិញ​ទាំងនោះ នាំចូល​បង់ពន្ធ​ស្របច្បាប់ ក៏​ចៀស​មិន​ផុត ពី​ការ​បង់លុយ​ដែរ។ ឈ្មួញ​និង​ក្រុម​អា​ជីករ ដែល​មិន​ចង់ ខាត​ពេលវេលា​រកស៊ី ក៏​បង្ខំចិត្ត​បង់លុយ ឲ្យ​លោក ភេ សុ​មុនី និង​បក្ខពួក ទាំង​ក្តៅក្រហាយ ហើយ​ក៏បាន​ទម្លាយ​រឿងអាស្រូវ​ជា​បន្តបន្ទាប់ ដើម្បី​ឲ្យ​លោក អូន ព័ន្ធមុនីរ័ត្ន រដ្ឋមន្ត្រីក្រសួង​សេដ្ឋកិច្ច និង​ហិញ្ញ​វត្ថុ​បាន​ដឹងឮ​រឿងអាស្រូវ​ពុករលួយ របស់​ប្រធាន សាខាគយ​រាជធានី​ភ្នំពេញ។ ពាក់ព័ន្ធ​ករណីនេះ សារព័ត៌មាន​មិនអាច​សុំ​ការបំភ្លឺ​ពី​លោក ភេ សុ​មុនី បានទេ ដោយ​គ្មាន​លេខ​ទូរស័ព្ទ៕

Copyright © 2010-2018 · អរិយធម៌ · All Rights Reserved.
Develop by Sek Sathya