ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លេច​ឮថា លោក ភេ សុ​មុនី ប្រធាន​សាខាគយ និង​រដ្ឋាករ រាជធានី​ភ្នំពេញ ប្រើ​ឈ្មោះ​លោក គុណ ញឹម និង​លោក សេង សារឿន អនុប្រធាន​សាខាគយ និង​រដ្ឋាករ រាជធានី​ភ្នំពេញ យក​អំណាច​ភរិយា លោក គុណ ញឹម..?​  ||     មានការ​ឃុបឃិត​គ្នា​លក់​ឡូ​ត៌​នេសាទ​ជាច្រើន​កន្លែង នៅ​ស្រុក​ជល​គី​រី​  ||     មន្ត្រី​គយ​ស្រុកស្រែ​អំបិល ធុំក្លិន​ពុំ​សូវ​ស្រួល ខណៈ​មានការ​បែកធ្លាយ​រឿង ប្រមូល​ពន្ធ​ក្រៅបញ្ជី​រដ្ឋ ?​  ||     មានការ​ឃុបឃិត​គ្នា​លក់​ឡូ​ត៌​នេសាទ​ជាច្រើន​កន្លែង នៅ​ស្រុក​ជល​គីរី​  ||     ករណី​អ្នកទោស​ស្លាប់ ក្នុង​ពន្ធនាគារ​ខេត្តកណ្តាល ឆ្លើយ​ដាក់គ្នា?​  ||   

» ព័ត៌មានជាតិ » អ្នកគ្រូ​ពេទ្យ​ថៃ​ម្នាក់ ត្រូវ​ចាប់ខ្លួន​ពីបទ​ជួញដូរ​គ្រឿងញៀន

អ្នកគ្រូ​ពេទ្យ​ថៃ​ម្នាក់ ត្រូវ​ចាប់ខ្លួន​ពីបទ​ជួញដូរ​គ្រឿងញៀន

ប្រទេស​ថៃ ៖ យោងតាម​របាយការណ៍​ពី​ប្រទេស​ថៃ​ដែល​យើង​ទទួលបាន​គឺ​ការចាប់ខ្លួន​នេះ បាន​ប្រព្រឹត្តឡើង​នៅ​ថ្ងៃទី១០ ខែមករា ឆ្នាំ២០១៨ ត្រង់ចំណុច​ទីតាំង​ឈរជើង​របស់​សមត្ថកិច្ច​មួយកន្លែង ក្នុងស្រុក​ម៉ែ​តាំ ខេត្ត​ផាក់​យ៉ៅ​ដែល​ទីតាំង​ប៉ុស្តិ៍​នេះ​បាន​ឈរជើង​ដើម្បី​ត្រួតពិនិត្យ​ទៅលើ​យានយន្ត​គ្រប់​ប្រភេទ។នៅពេលនោះ​ផងដែរ​ក៏មាន​អ្នកគ្រូ​ពេទ្យ​ម្នាក់ បាន​បើករថយន្ត​ឆ្លងកាត់​បន្ទាប់ពី​កំលាំង​បាន​ត្រួតបិនិត្យ​រួចមក ឃើញថា​នៅ​គូទ​រថយន្ត​ផ្នែក​ខាងក្រោយ​មាន​កាបូបស្ពាយ​ចំនួន៣ដែល​នៅ​ក្នុងនោះ​មាន​ថ្នាំញៀន ប្រភេទ​យ៉ាម៉ា សរុប​ចំនួន ៣៨០ ០០០ គ្រាប់ ទើប​កំលាំង​បាន​ឃាត់ខ្លួន​ដើម្បី​នាំយកទៅ​សាកសួរ​បន្ត ។

ស្ត្រី​ម្នាក់​ដែលមាន​នាទី​ជា​គ្រូពេទ្យ នៅក្នុង​មណ្ឌល​សុខភាព​មួយកន្លែង ក្នុង​ខេត្ត​ឈៀង​រ៉ា​យ ប្រទេស​ថៃ​ត្រូវបាន​កំលាំង​តម្រួត​ដែល​ឈរជើង​ត្រួតពិនិត្យ​យានយន្ត​ធ្វើការ​ចាប់ខ្លួន​ខណៈដែល​អ្នកគ្រូ​ពេទ្យ​ដ៏​ស្រស់​សង្ហារ​នេះ​កំពុង​បើកបរ​រថយន្ត​ឆ្លងកាត់​ប៉ុស្តិ៍​ត្រួតពិនិត្យ ដោយមាន​ផ្ទុក​នូវ​សារធាតុ​ញៀន​រាប់សែន​គ្រាប់ នៅក្នុង​រថយន្ត​ផង ។

ក្រោយពី​ទទួលបាន​ចម្លើយសារភាព​រួចមក​សមត្ថកិច្ច​ថៃ​បាន​ទាក់ទង​ទៅតាម​ស្ថានីយ៍ ដើម្បី​ចាប់ខ្លួន​មិត្ត​ប្រុស​របស់​អ្នកគ្រូ​ពេទ្យ​ម្នាក់​មកទៀត​ដែល​កំពុងធ្វើដំណើរ​តាម​រថយន្តក្រុង​ទៅកាន់​ទីក្រុង​បាងកក​ដោយ​ឃាត់ខ្លួន​នៅក្នុង​ខេត្ត ឡាំ​ប៉ាង​ស្រុក​ង៉ាវ ដោយ​ផែនការ​ចែកចាយ​ថ្នាំញៀន​លើក​នេះ​គឺ​ចេញពី​ខេត្ត​ឈៀង​រ៉ា​យ ឆ្ពោះទៅកាន់ ខេត្ត​ព្រែ​ខេត្ត​ត្រាត គឺមាន​មុខព្រួញ​ចំនួន២គឺ ទី១គឺ​រូប​អ្នកគ្រូ​ផ្ទាល់​តែម្តង​ដែល​បានធ្វើ​ដំណើរ​មក​សម្រាក​នៅក្នុង​សណ្ឋាគារ​មួយកន្លែង ក្នុង​ខេត្ត​ឈៀង​រ៉ា​យ ជាមួយនឹង​មិត្ត​ប្រុស​របស់​នាង ដោយ​ដឹក​ថ្នាំញៀន​ចំនួន ៣៨០ ០០០ គ្រាប់ ។ ឯមុខ​សញ្ញា​ទី២ គឺជា​មនុស្ស​ប្រុស ដោយ​គេ​បាន​ប្រើប្រាស់​រថយន្ត​ម៉ាក​នីសា​ន់ ណា​វ៉ា​រ៉ា គឺ​នៅក្នុង​រថយន្ត​នោះ​មាន​ថ្នាំញៀន ប្រភេទ​យ៉ាម៉ា​សរុប​ចំនួន ៤២០ ០០០ គ្រាប់ បើ​សរុប​ទាំងពីរ​មុខព្រួញ​នេះ មាន​ថ្នាំ​ចំនួន ៨០០ ០០០ គ្រាប់ ។

បច្ចុប្បន្ន​តម្រួត​ថៃ​កំពុង​បោះដៃ ទំនាក់ទំនង​ទៅគ្រប់​ស្ថានីយ៍ ដើម្បី​ឃ្លាំមើល​រថយន្ត​ប្រភេទ​ខាងលើ ក្នុងការ​ចាប់ខ្លួន​យកមក​ផ្តន្ទាទោស​តាមផ្លូវ​ច្បាប់​ដោយឡែក​អ្នកគ្រូ​ពេទ្យត្រូវបាន​កំលាំង​ជំនាញ បញ្ជូន​ទៅកាន់​តុលាការ​ហើយ ៕

 

Copyright © 2010-2018 · អរិយធម៌ · All Rights Reserved.
Develop by Sek Sathya