ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» ព័ត៌មានជាតិ » ក្រុមហ៊ុន​ស៊ីន​ទ្រី​ពូកែ​រកលុយ​តែ​អន់​ខាង​ប្រមូល​សំរាម​

ក្រុមហ៊ុន​ស៊ីន​ទ្រី​ពូកែ​រកលុយ​តែ​អន់​ខាង​ប្រមូល​សំរាម​

  ភ្នំពេញ ៖ បើ​និយាយ​ដល់​ក្រុមហ៊ុន​ស៊ីន​ទ្រី គឺ​ប្រជាពលរដ្ឋ​នាំគ្នា​រអ៊ូរទាំ​ខឹង​ខាង​សាលា​រាជធានី​ភ្នំពេញ ដែល​គ្មាន ចំណាត់ការ​ឲ្យ​ក្រុមហ៊ុន​នេះ​ធ្វើការ​ផ្លាស់ប្តូរ​សំភារៈ​និង​ឧបករណ៍ប្រើប្រាស់​សោះ ហើយពី​មួយថ្ងៃ​ទៅមួយថ្ងៃ​កាន់ តែ​ស្ពឹក​ស្រពន់​លើស​ដើម​។​

ប្រជាពលរដ្ឋ​ដែល​រស់នៅក្នុង​ក្រុង ក៏ដូចជា​ភ្ញៀវទេសចរ​អន្តរជាតិ ខណៈ​បានឃើញ​ឡាន សំភារៈប្រើប្រាស់ និង​សកម្មភាព​អ្នកប្រមូល​សំរាម​នាំគ្នា​សើច​ស្ទើរ​រយះ​មាត់ និង​នាំគ្នា​ខ្ទប់មាត់​បិទ​ច្រមុះ​គ្រប់ៗ​គ្នា ព្រោះតែ​ពួកគេ មើលឃើញថា «​ឡាន​ក៏​កញ្ចាស់​ទ្រុឌទ្រោម ធ្លុះធ្លាយ រទេះ​កើប​សំរាម​គ្មាន​ដាក់​ចំណាំងផ្លាត អ្នកប្រមូល​សំរាម​ក៏ គ្មាន​ពាក់អាវ​ចំណាំងផ្លាត​ដែរ​»​។ ពិសេស​គឺ​នៅ​ម៉ោង​៧​ទៅ​៨​ព្រឹក​ទៅហើយនោះ​នៅតែ​កើប​សំរាម​មិនទាន់​រួចរាល់ ទៀត គឺ​ពីមួយថ្ងៃ​ទៅមួយថ្ងៃ​កាន់តែ​ស្ពឹក​ស្រពន់​ឡើងៗ​។ ត្រង់​ករណីនេះ​ហើយ​ទើប​គេ​រិះគន់ថា «​ក្រុមហ៊ុន​ស៊ីន ទ្រី ចេះ​រកលុយ​តែ​មិនចេះ​កើប​សំរាម​ឲ្យ​បាន​លឿន​នោះឯង​»​។ ដូច្នេះហើយ​ទើប​គេ​រិះគន់​សាលា​រាជធានី​ភ្នំពេញ ថា គ្មាន​ចំណាត់ការ​ឲ្យ​បាន​តឹងរ៉ឹង ចំពោះ​ក្រុមហ៊ុន​ស៊ីន​ទ្រី​នេះ​។​

ប្រជាពលរដ្ឋ​បាន​បន្តថា ក្នុង​មួយខែៗ​កើប​លុយ​ពី​គ្រប់​ច្រកល្ហក​បាន​មិនតិច​លាន​ដុល្លារ​នោះទេ ចុះ​ហេតុអ្វី​មិន ព្រម​រក​កម្មករ​ឲ្យ​បាន​ច្រើន និង​ឡាន​ល្អៗ​ផង​ទៅ​? បើ​ធ្វើ​តែ​របៀបនេះ​បន្តទៀត ច្បាស់​ជា​អាប់មុខអាប់មាត់​ទីក្រុង ភ្នំពេញ​អស់ហើយ​។ គេ​បន្តថា បើ​ក្រុមហ៊ុន​នេះ​គ្មាន​សមត្ថភាព​ទេ គួរ​លុប​កុងត្រា​ចោល​ទៅ ព្រោះ​«​ទុក​ក៏​មិន ចំណេញ​ដកចេញ​ក៏​មិន​ខាត​ដែរ​»​។​

ថ្ងៃ​ណា​ក៏ដូចជា​ថ្ងៃ​ណា​ដែរ ប្រជាពលរដ្ឋ​រអ៊ូរទាំ​តែ​ក្រុមហ៊ុន​ប្រមូល​សំរាម​ស៊ីន​ទ្រី​នេះឯង​។ សកម្មភាព​ប្រមូល សំរាម​យកទៅ​គរ​ទុក​បណ្តោះអាសន្ន​ដាក់​តែ​នៅតាម​របង​សាលា របង​វត្ត របង​មន្ទីរ​ក្រសួង​នានា​ប៉ុណ្ណោះ ដោយ ក្រុមហ៊ុន​នេះ​គ្មាន​លទ្ធភាព​រក​ទីតាំង​ស្តុក​សំរាម​បណ្តោះអាសន្ន​ឲ្យ​បាន​ត្រឹមត្រូវ​នោះទេ​។ ការ​គរ​ទុក​សំរាម​បែប នេះ ធ្វើ​ឲ្យ​ក្លិនស្អុយ​មេរោគ​ឆ្លង​ដល់​អ្នកដំណើរ​គ្រប់រូប ដែល​បាន​ឆ្លងកាត់​ទីនោះ​។ ដូច្នេះ​លោក​អភិបាល​រាជធានី ភ្នំពេញ មេត្តា​មើលឃើញ​ករណីនេះ​ផង ដោយ​មិនត្រូវ​មើលរំលង​នោះទេ​។ ពិសេស​ម្ចាស់​ក្រុមហ៊ុន​តែម្តង ត្រូវ​ដឹងខ្លួន​ថា តើ​មាន​សមត្ថភាព​គ្រប់គ្រង​និង​មានការ​ទទួលខុសត្រូវ​ដែរ​ឬ​អត់​? បើ​ដឹងថា «​ខ្លួន​អន់​សូម​រក​ដៃគូ​ថ្មី មក​ជំនួស​វិញ​ទៅ​»​។

គេ​និយាយថា «​ក្រុមហ៊ុន​ម៉ា​ស្រុក​ខ្មែរ​ដែល​ប្រើ​ឡាន​ចាស់ៗ​ជាងគេ​មានតែ​២​ទេ ទី​១ ក្រុមហ៊ុន សូ​ងួន និង​ទី​២ ក្រុមហ៊ុន​ស៊ីន​ទ្រី​នេះ​»​។ បើ​មិន​ចង់​ឲ្យ​មានការ​រិះគន់​ទេនោះ សូម​ចេះ​ភ្ញាក់រលឹក​ដោយ​ខ្លួនឯង​ឡើងវិញ គឺ​ត្រូវ​ប្រើ សំភារៈ​ឧបករណ៍​ដែល​ថ្មីៗ​ឲ្យ​វា​សមស្រប​ទៅនឹង​ពាក្យ​ថា «​ទីក្រុង​ស្អាត ហូប​ស្អាត ផឹក​ស្អាត និង​បរិស្ថាន​ល្អ​»៕

​ដោយ​៖ ឃុន ពិ​មោ​ច

Copyright © 2010-2021 · អរិយធម៌ · All Rights Reserved.
Develop by Sek Sathya