ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||   

» Breaking News, ព័ត៌មានជាតិ » កម្ពុជា មិន​ខ្វល់​ពី​ការ ចល័ត​ទ័ព​របស់​ថៃ នៅតាម​តំបន់​ព្រំដែន ​

កម្ពុជា មិន​ខ្វល់​ពី​ការ ចល័ត​ទ័ព​របស់​ថៃ នៅតាម​តំបន់​ព្រំដែន ​

ភ្នំពេញ​៖ ខណៈ​ការប្រកាស​សាលដីកា​នៃ​ការ​បក ស្រាយ​ឡើងវិញ សាលក្រម​របស់​តុលាការ​យុត្តិធម៌​អន្តរ ជាតិ​ទីក្រុង​ឡាអេ (ICJ) ជុំវិញ​សំណុំរឿង​ប្រាសាទព្រះវិហារ​របស់​ខ្មែរ និង​តំបន់​ជុំវិញ នឹងធ្វើ​ឡើង​នៅ​ប៉ុន្មាន​ថ្ងៃ ខាងមុខ​នោះ ទាហាន​ថៃ បាន​ផ្តើម​ចល័ត​កងទ័ព​របស់ខ្លួន​ជាច្រើន នៅតាម​បណ្តោយ​ព្រំដែន​ប្រទេស​ទាំងពីរ តែ​ការ​ចល័ត
​ទ័ព​នេះ មន្ត្រី​យោធា​កម្ពុជា​បញ្ជាក់ថា មិនបាន​ចាប់អារម្មណ៍​នោះឡើយ​។​
​រាជរដ្ឋាភិបាល​កម្ពុជា កាលពី​ថ្ងៃទី​២៨ ខែមេសា ឆ្នាំ​២០១១ បានដាក់​ពាក្យបណ្តឹង​ទៅកាន់​តុលាការ​យុត្តិធម៌​អន្តរ ជាតិ​ទីក្រុង​ឡាអេ ដើម្បី​សុំ​បកស្រាយ​ឡើងវិញ នូវ​សាលក្រម​លើ​សំណុំរឿង​ប្រាសាទព្រះវិហារ​របស់​ខ្មែរ និង​តំបន់ ជុំវិញ ដែល​តុលាការ​យុត្តិធម៌​អន្តរជាតិ​មួយ​នេះ បាន​កាត់ក្តី​ឲ្យ​ខ្មែរ​ក្លាយជា​ម្ចាស់​កម្មសិទ្ធិ​លើ ប្រាសាទព្រះវិហារ
​កាលពី​ថ្ងៃទី ១៥ ខែមិថុនា ឆ្នាំ​១៩៦២​។ តុលាការ​កំពូល​របស់​អង្គការសហប្រជាជាតិ​មួយ​នេះ នឹង​ប្រកាស​សាលដីកា​តាម​សំណើ​របស់​កម្ពុជា​នៅ​ថ្ងៃទី​១១ ខែវិច្ឆិកា ឆ្នាំ​២០១៣ ខណៈ​ឧបនាយករដ្ឋមន្ត្រី ហោ ណាំហុង ក៏បាន​ដឹកនាំ​ប្រតិភូ កម្ពុជា​មួយក្រុម ដើម្បី​ស្តាប់​សាលដីកា​ផងដែរ​។​
​យោងតាម​ការផ្សាយ​រប​ស់កា​សែត​បាងកក​ប៉ុស្តិ៍​របស់​ថៃ បាន​ផ្សាយ​កាលពី​ចុង​សប្តាហ៍​កន្លងទៅ​ថា ថៃ​បាន​បញ្ជូន កងទ័ព​របស់ខ្លួន ចូលមក​កាន់​ខេត្ត​ស៊ីសាកេត ដែលមាន​ព្រំប្រទល់​ដែន​ជាប់​ទឹកដី​កម្ពុជា ដើម្បី​ហ្វឹកហាត់​ប្រយុទ្ធ និង​ហ្វឹកហាត់​ជម្លៀស​ប្រជាជន និង​ធ្វើ​សកម្មភាព​ផ្សេងៗ​ជាច្រើន​ទៀត​។ ប៉ុន្តែ​សកម្មភាព​ទាំងឡាយ​នេះ មិនបាន​ធ្វើ​ឲ្យ
​កម្ពុជា​ខ្វល់ និង​ព្រួយបារម្ភ​ឡើយ ដោយ​មូល​ហេតុថា ការធ្វើ​របស់​ទា ហាន​ថៃ​នោះ គឺ​ស្ថិតនៅលើ​ទឹកដី​របស់គេ​ប៉ុណ្ណោះ ហើយ​កម្ពុជា ក៏បាន​ត្រៀមលក្ខណៈ​គ្រប់គ្រាន់​ដែរ ដើម្បី​ការពារ ទឹកដី​របស់ខ្លួន​។​
​ទាក់ទង​នឹង​ការប្រកាស​សាលដីកា​នេះដែរ នៅ​ព្រឹក​ថ្ងៃទី​៣ ខែវិច្ឆិកា  មេទាហាន​កម្ពុជា និង​ថៃ ក៏បាន​បើក​កិច្ច ប្រជុំ​មួយ​នៅតាម​ព្រំដែន ដើម្បី​ពង្រីង​កិច្ចសហប្រតិបត្តិការ និង​រក្សា​ភាព​ស្ងៀមស្ងាត់​តាម​ព្រំដែន​ទាំងពីរ​។ នេះ​បើយោងតាម​ឧ​ត្ត​ម​សេនីយ៍​ទោ ថុល សុវណ្ណ ដែល​បាន​ថ្លែងប្រាប់​អ្នកសារព័ត៌មាន​បន្ទាប់​ពី​កិច្ចប្រជុំ​។​
​លោក​ឧ​ត្ត​ម​សេនីយ៍​ទោ ថុល សុវណ្ណ មេបញ្ជាការរង​ប្រចាំ​តំបន់​ជួរមុខ​ប្រាសាទព្រះវិហារ បាន​ថ្លែង​ឲ្យ​ដឹងថា កិច្ចប្រជុំ​នេះ បាន​ដឹកនាំ​ដោយ​ឧ​ត្ត​ម​សេនីយ៍​ឯក ស្រី ឌឹ​ក មេបញ្ជាការ​កង​ព​លលេ​ខ​៣ និង​ភាគី​ថៃ​ដឹកនាំ​ដោយ​លោក ឧ​ត្ត​ម​សេនីយ៍​ត្រី ផា​រ៉ា​ហ្ក​ន់ ថាំ​ម៉ា​ក់រិន​ថន មេបញ្ជាការ​កង​ព​លលេ​ខ​៦​របស់​ថៃ​។​
​លោក​ឧ​ត្ត​ម​សេនីយ៍​ទោ​បាន​បន្តថា កិច្ចពិភាក្សា​នោះ ភាគី​ទាំងពីរ បាន​ឯកភាពគ្នា​រក្សា​ភាពស្ងប់ស្ងាត់​ក្នុង​តំបន់​ចំនួន​បី គឺ​តំបន់​ប្រាសាទព្រះវិហារ តំបន់​ច្រក​ជាំ​-​ស្រងាំ និង​តំបន់​មុំ​បី​។ មិនតែប៉ុណ្ណោះ​ភាគី​ទាំងពីរ ក៏បាន​សន្យាថា នឹង លេង​កីឡា និង​ហូបបាយ​រួមគ្នា​ជា​ញឹកញាប់​ផងដែរ ដើម្បី​ធ្វើយ៉ាងណា​រក្សា​ភាពស្ងប់ស្ងាត់ មិន​ឲ្យ​មាន​វិវាទ​នោះទេ​។​
​កម្ពុជា​នៅតែ​រក្សា​ភាពស្ងាត់ស្ងៀម នៅ​តំបន់​ព្រំដែន​ប្រាសាទព្រះវិហារ ខណៈដែល​ប្រទេស​ថៃ បាន​បញ្ជូន​កងទ័ព​ចូលទៅ​តំបន់​ព្រំដែន និង​បាន​ហ្វឹកហាត់​ជម្លៀស​ប្រជាជន​ចេញពី​តំបន់​ព្រំដែន​។ លោក​ឧ​ត្ត​ម​សេនីយ៍ ជា តារា មេបញ្ជាការ​កងទ័ព​ជួរមុខ​ព្រំដែន​ព្រះវិហារ បាន​អះអាងថា​វា​ជា​សិទ្ធិ​របស់​ថៃ​ក្នុងការ​ចល័ត​ទ័ព​ក្នុង​ទឹកដី​របស់ខ្លួន
ប៉ុន្តែ​ភាគី​កម្ពុជា បាន​ត្រៀមលក្ខណៈ​គ្រប់គ្រាន់​ដើម្បី​ការពារ​ទឹកដី​របស់ខ្លួន​។​
​នៅសល់តែ​មួយអាទិត្យ​ទៀត​តែប៉ុណ្ណោះ សាលដីកា​ក្រុងឡាអេ​ស្តីពី​ភាពជា​ម្ចាស់​នៅលើ​តំបន់​ប្រាសាទព្រះវិហារ នឹងត្រូវ​បកស្រាយ​ជា​ផ្លូវការ​។ ភាគី​កម្ពុជា នៅតែ​ប្រកាន់យក​គោលការណ៍​ស្ងាត់ស្ងៀម​នៅតាម​តំបន់​ព្រំដែន​កម្ពុជា​-​ថៃ​ដដែល ខណៈ​ភាគី​ថៃ​កំពុង​ចល័ត​ទ័ព​នៅតាម​តំបន់​ព្រំដែន​។​
​នាយ​ឧ​ត្ត​ម​សេនីយ៍​ជា តារា មេបញ្ជាការ​កងទ័ព​ជួរមុខ​ព្រំដែន​ប្រាសាទព្រះវិហារ បាន​និយាយថា កងទ័ព​កម្ពុជា​គឺ​ប្រកាន់​គោលការណ៍​រក្សា​សន្តិភាព និង​សន្តិសុខ ដោយ​បន្ត​នៅ​ស្ងាត់ស្ងៀម​។ ប៉ុន្តែ​លោក​មេបញ្ជាការ​រូបនេះ បាន​បញ្ជាក់ថា កម្ពុជា​បាន​ត្រៀម លក្ខណៈ​គ្រាប់​គ្រាន់​សម្រាប់​ក្នុង​ការងារ​ស្វ័យការពារ និង​ការអនុវត្ត​សេចក្តីសម្រេច​របស់
​តុលាការ​ក្រុងឡាអេ​។​
​ការបញ្ជូន​កងទ័ព​ចូលទៅ​កាន់​ខេត្ត​ស៊ីសាកេត​ដែលមាន​ព្រំដែន​ជាប់​នឹង​ទឹកដី​កម្ពុជា គឺ​ដើម្បី​ហ្វឹកហាត់​ប្រយុទ្ធ និង​ហ្វឹកហាត់​ជម្លៀស​ប្រជាជន​។ ឆ្លើយតប​នឹង​ការ​ចល័ត​ទ័ព​របស់​ថៃ លោកនាយ​ឧ​ត្ត​ម​សេនីយ៍ ជា តារា មេបញ្ជាការ​កងទ័ព​ជួរមុខ​ព្រំដែន​ប្រសាទ​ព្រះវិហារ បាន​លើកឡើងថា​ប្រទេស​ថៃ​អាច​ចល័ត​ទ័ព និង​ធ្វើ​សកម្មភាព​អ្វីៗ​ទាំងអស់
​ក្នុង​ទឹកដី​របស់ខ្លួន​បាន​។ ហើយ​កម្ពុជា​ក៏​មិនអាច​ហាមឃាត់​ចំពោះ​សកម្មភាព​របស់​ថៃ​បាន​នោះឡើយ​។​
​កម្ពុជា​ដែលជា​ដើមបណ្តឹង ត្រូវ​បង្ខំចិត្ត​ដាក់ពាក្យ​បណ្តឹង​នេះ កាលពី​ចុងខែ​មេសា ឆ្នាំ​២០១១ បន្ទាប់ពី​រដ្ឋាភិបាល​ថៃ​របស់លោក​អាប់​ភី​ស៊ីត វេចា​ជីវ៉ា បានទាមទារ​កាន់កាប់​តំបន់​៤,៦ គីឡូម៉ែត្រ​ក្រឡា​ជុំវិញ​ប្រាសាទព្រះវិហារ​។​​យ៉ាងណាក៏ដោយ​ទាក់ទង​នឹង​សេចក្តីសម្រេច​លើ​ការបកស្រាយ​លា​ល​ក្រម​ស្តីពី ភាពជា​ម្ចាស់​នៅ​តំបន់​ប្រាសាទ ព្រះវិហារ ប្រមុខ​ការទូត​កម្ពុជា និង​ថៃ​កាលពីដើម​សប្តាហ៍​កន្លងទៅនេះ បាន​សន្យា​ជា​ឱ​ឡា​រឹក​ថា នឹង​រក្សា​ទំនាក់ទំនង​ល្អ​រវាង​ប្រទេស​ទាំងពីរ​ជានិច្ច​៕ ដោយ​៖ ស្ងួន ពិមល់​

Copyright © 2010-2021 · អរិយធម៌ · All Rights Reserved.
Develop by Sek Sathya