ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» Breaking News, ព័ត៌មានជាតិ » លោកនាយ​! ស៊ី​ច្រើនពេក​ប្រយ័ត្ន​បែក​ពោះ​ ​

លោកនាយ​! ស៊ី​ច្រើនពេក​ប្រយ័ត្ន​បែក​ពោះ​ ​

ប្រធានការិយាល័យ​នគរបាល​ប្រឆាំង​បទល្មើស​សេដ្ឋកិច្ច​ប្រចាំខេត្ត​រតនគិរី លោក នូវ ដា​រ៉ា ត្រូវបាន​មន្ត្រី​ជាច្រើន និង​ប្រជាពលរដ្ឋ​ចោទថា បានដាក់​ពង្រាយ​មន្ត្រី​ជំនិតៗ​របស់ខ្លួន​ឲ្យ​ចុះ​ដាក់​ប៉ុស្តិ៍ ជជុះ ចាំ​ប្រមូល​លុយ​ពី​ក្រុម​ឈ្មួញ​រកស៊ី​ដឹកជញ្ជូន​ឈើ​ខុសច្បាប់​រួម និង​ទំនិញ​គ្រប់​ប្រភេទ ព្រមទាំង​សត្វ គោ ក្របី មាន់ ទា ក៏​មិនឱ្យ​រំលង​ដែរ​ហើយ​គាត់
​មិនដែល​ខ្វល់ខ្វាយ​ពី​ការបង្ក្រាប​បទល្មើស​ម្តង​ណា​ឡើយ​។​
​សេចក្តីរាយការណ៍​ពី​ខេត្តរតនគិរី​បាន​ឲ្យ​កាសែត​អរិយធម៌​ដឹងថា សកម្មភាព​ដឹកជញ្ជូន​ឈើ​ប្រណីត​និង​ឈើ​គ្រញូង​រួមទាំង​ទំនិញ​ផ្សេងៗ​នៅ​តំបន់​នោះ កើតឡើង​ទាំងយប់​ទាំង​ថ្ងៃ ដោយ​ក្រុម​ឈ្មួញ​បាន​ប្រើប្រាស់ រថយន្ត​កាមរី​ស្វិត កាមរី​ហើម សាំ​យ៉ុង ឡង់​គ្រី​ស័​រ​ឬ រថយន្ត​ទំនើបៗ​ដូចជា​អេ​ស្កា​ឡែ​ត ដឹកជញ្ជូន​ឈើ​ចេញពី​តំបន់​អភិរក្ស​ដែល
​ត្រូវបាន​កាប់បំផ្លាញ​ដោយ ខុសច្បាប់ គេ​មិនដែល​ឃើញ​មន្ត្រី ជំនាញ​និង​សមត្ថកិច្ច​ពាក់ព័ន្ធ​ចាត់ វិធានការ​បង្ក្រាប​នោះទេ​។ ជាធម្មតា​ក្រុម​ឈ្មួញ​រកស៊ី​ដឹកជញ្ជូន ឈើ​ខុសច្បាប់​ប្រចាំ​អាណាចក្រ​ខេត្តរតនគិរី មានមុខ​ដដែលៗ​គឺ ពួកគេ​មាន​ទំនាក់ទំនង​ល្អ​ជាមួយ​មន្ត្រី​ជំនាញ​រដ្ឋបាល​ព្រៃឈើ ក៏ ដូចជា​សមត្ថកិច្ច​ពាក់​ព័ន្ធ​ដែល​ប្រចាំការ​តាម​ដងផ្លូវ​ច្រើន​ស្អេកស្កះ ឲ្យ​តែ​ជូនដំណឹង​ឬ​បង់លុយ​ជា​ទៀងទាត់​ឲ្យ​ទៅ​មន្ត្រី​ជំនាញ​ទាំងនោះ គឺអាច​ដឹកជញ្ជូន​ឈើ​ខុសច្បាប់​តាមតែ​អំពើ​ចិត្ត​គ្មាន នរណា​ហ៊ាន​ហើបមាត់​ទេ ជាពិសេស គឺ​និយាយ​ចរចា​គ្នា​ត្រូវ​ជាមួយ​លោក នូវ ដា​រ៉ា នោះ​តែម្តង​។​
​ក្នុងចំណោម​មន្ត្រីនគរបាល​សេដ្ឋកិច្ច​ខេត្ត​រតន គិរី​ដែលមាន​ប្រមាណ​៣០​នាក់ លោក នូវ ដា​រ៉ា បាន​ប្រើប្រាស់​មន្ត្រី​ជំនិតៗ​ជា​បក្ខពួក​របស់គាត់​តែ ៤​ទៅ​៥​នាក់​ប៉ុណ្ណោះ ឲ្យ​ចុះ​ប្រមូល​លុយ​ពី​ការរកស៊ី​ដឹកជញ្ជូន​ឈើ​ខុសច្បាប់​ដែល​កំពុង​កើតមាន យ៉ាង​អនាធិបតេយ្យ​។ មន្ត្រី​មួយចំនួន​ត្រូវបាន​លោក នូវ ដា​រ៉ា ចាត់តាំង​ឲ្យ​ចុះ​ដាក់​ប៉ុស្តិ៍​ជជុះ​នៅក្បែរ​ប្រជុំជន អូរ​ពងមាន់ ទី​ដែលមាន​សកម្មភាព​ដឹកជញ្ជូន​ឈើ​ខុសច្បាប់​មកពី​គ្រប់ទិសទី ហើយ​មន្ត្រី​ខ្លះទៀត ត្រូវបាន​លោក នូវ ដា​រ៉ា ចាត់តាំង​ឲ្យ​ចុះ​ប្រមូល លុយ​ពី​តាម​សិប្បកម្ម​កែច្នៃ​ឈើ និង​ដេប៉ូ​លក់​ឈើ​ខុសច្បាប់​នៅ​ទូទាំង​ខេត្តរតនគិរី ដែល​តាម​សិប្បកម្ម​និង​ដេប៉ូ​ទាំងនោះ​ភាគ ច្រើន ដឹកជញ្ជូន​ឈើ​មក​លក់​ដោយ​ខុសច្បាប់​។​
​គេ​ចង់ឃើញ​លោក រ៉ា​យ រ៉ៃ ជា​ស្នងការ​នគរបាល​ខេត្តរតនគិរី ជាពិសេស​អគ្គស្នងការ​នគរបាលជាតិ មេត្តា​ពិនិត្យមើល​ភាព​អសកម្ម​និង​ភាពអនាធិបតេយ្យ​នៃ​ការ ដឹកជញ្ជូន​ឈើ​ខុសច្បាប់​ក្រោម​ការឃុបឃិត​ពី​លោក នូវ ដា​រ៉ា ឡើងវិញ​ផង ព្រោះ​ប្រជាពលរដ្ឋ​បាន​សម្តែង​ភាព​ក្តៅក្រហាយ​យ៉ាងខ្លាំង​ចំពោះ​អំពើពុករលួយ និង​ភាព​អសកម្មរបស់ លោក នូវ ដា​រ៉ា ដែល​ពង្រាយ​មន្ត្រី​ក្រោម ឱវាទ​ឲ្យ​ដាក់​ប៉ុស្តិ៍​ជជុះ​កោសរូស បង្ខំ​ឲ្យ​ប្រជាពលរដ្ឋ​ក្រីក្រ​បង់លុយ ទៅ​តាមតែ​ទំនើងចិត្ត នៅពេល​ប្រជាពលរដ្ឋ​ទិញ​ឈើ​យកមក​ធ្វើ​ផ្ទះសម្បែង​។​
​សេចក្តីរាយការណ៍​បានបញ្ជាក់​ទៀតថា កម្លាំងចម្រុះ​មកពី​ច្រើន​ស្ថាប័ន​ក្នុង​ខេត្តរតនគិរី ដូចជា​នគរបាល​សេដ្ឋកិច្ច​ប្រចាំខេត្ត ក្រោម​ការបញ្ជា​របស់លោក  នូវ ដា​រ៉ា នគរបាល​សេដ្ឋកិច្ច​ក្រសួងមហាផ្ទៃ​ប្រចាំខេត្ត​រតនគិរី ដែល​ដឹកនាំ​ដោយ​លោក​សុខ រ័ត្ន គយ​ចល័ត​ក៏ដូចជា​មន្ត្រី​យោធា កងរាជអាវុធហត្ថ បាននាំគ្នា​ចេញ​ដាក់​ប៉ុស្តិ៍​ជជុះ​យ៉ាង
​ប្រសេចប្រសាច​នៅតាម​ទីតាំង  នៃ​ការដឹកជញ្ជូន​ឈើ​ខុសច្បាប់ ដូចជា​ក្នុង ភូមិសាស្ត្រ​ច្រក​អូរ​ពងមាន់ និង​តាម​តំបន់​អភិរក្ស​។ មន្ត្រី​ជំនាញ​និង​កម្លាំងប្រដាប់អាវុធ ដែល​ដាក់​ប៉ុស្តិ៍​ជជុះ​តាម​ដងផ្លូវ​ទាំង នោះ ចាំតែ​លា​បាតដៃ​សុំ​ប្រាក់​ពី​ក្រុម​ឈ្មួញ​រកស៊ី​ដឹកជញ្ជូន​ឈើ​ខុសច្បាប់ ដូចជា​សម្រាប់​រថយន្ត​តូចៗ​មួយគ្រឿង ត្រូវ​ចូល​បង់លុយ​ឲ្យ​ប៉ុស្តិ៍
​ជជុះ​មួយកន្លែង​ចាប់ពី ៣០​ទៅ​៥០​ដុល្លារ​អាមេរិក ហើយ​សម្រាប់​ការដឹកជញ្ជូន​ឈើ​តាម​រថយន្ត​សាំ​យ៉ុង ឬ​រថយន្ត​ទំនើបៗ​មួយចំនួនទៀត ត្រូវ​បង់លុយ​ចាប់ពី​៥០​ទៅ​៨០​ដុល្លារ​ក្នុង​មួយ​ជើង បើ​គ្មាន​លុយ​បង់​ឲ្យ​ប៉ុស្តិ៍​ជជុះ​ទាំង​នោះទេ នឹង​ត្រូវគេ​ចាត់វិធានការ​បង្ក្រាប​យក​ស្នាដៃ​បង្អួត​ថ្នាក់លើ​ជាមិនខាន​ឡើយ​៕ ដោយ​៖ ព្រហ្ម វីលៀម​

Copyright © 2010-2021 · អរិយធម៌ · All Rights Reserved.
Develop by Sek Sathya