ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||   

» ព័ត៌មានជាតិ » សមត្ថកិច្ច​ស្រុក​ស្រី​សន្ធរ​ចាប់ខ្លួន​បុរស​បីនាក់​ពាក់ព័ន្ធ​គ្រឿងញៀន​

សមត្ថកិច្ច​ស្រុក​ស្រី​សន្ធរ​ចាប់ខ្លួន​បុរស​បីនាក់​ពាក់ព័ន្ធ​គ្រឿងញៀន​

​កំពង់ចាម​:  ជនសង្ស័យ​ចំនួន បីនាក់ ត្រូវ​សមត្ថកិច្ច​នគរបាល​ស្រុក​ស្រី​សន្ធរ ចាប់ខ្លួន អ្នកប្រើប្រាស់​គ្រឿងញៀន​ពីរ​នាក់ និង ម្នាក់ទៀត​ជា​អ្នក​ចែកចាយ​គ្រឿងញៀន​ដ៏​សកម្ម ព្រមទាំង​វត្ថុតាង​ពាក់ព័ន្ធ​បទល្មើស​មួយ​នេះ ជាច្រើន​មុខ កាលពី​ល្ងាច​ថ្ងៃទី​១ ខែវិច្ឆិកា ឆ្នាំ​២០១៣​។

​លោក វរសេនីយ៍ត្រី ខេង ស្រេង អធិការនគរបាល​ស្រុក​ស្រី​សន្ធរ បាន​ឲ្យ​ថា ដំបូង​យើង​បាន​ចាប់បាន​បុរស​ពីរ​នាក់​ឈ្មោះ តូច សារិន អាយុ ៣៥ ឆ្នាំ និង ម្នាក់ទៀត​ឈ្មោះ ផាន សុ​ភ័​ត្រ អាយុ ២២ ឆ្នាំមាន​ទីលំនៅ​ភូមិ​ផ្ទះ​កណ្តាល​លើ ឃុំ​ផ្ទះ​កណ្តាល ស្រុក​ស្រី​សន្ធរ​។ ជាមួយ​នោះ​រឹបអូស​វត្ថុតាង​ដូចជាៈ សំបក​ដប​ទឹកបរិសុទ្ធ​សម្រាប់​សេព​គ្រឿង​ចំនួន​បួន , ដប​ជ័រ​មាន​ច្រក​ទឹក​ថ្នាំញៀន និង​ដោត​ទុយោ​ចំនួន​ពីរ , កាបូប​ចំនួន​មួយ​មាន​ច្រក​សំបក​ថង់​សម្រាប់​ផ្ទុក​គ្រឿងញៀន , ស្នប់សប់​កង់​មួយគ្រឿង និង​ដែកកេស​មួយ​។ ចំណែក​បក្ខ​ពួកគេ​ចំនួន ពីរ នាក់​ផ្សេងទៀត​បានគេច​ខ្លួន​ពេល​សមត្ថកិច្ច​ទៅដល់​ដោយមាន​ម្ចាស់ផ្ទះ​ម្នាក់ ផង​។​

​ជនសង្ស័យ​ទាំងពីរ​បាន​សារភាព​ប្រាប់​សមត្ថកិច្ច​ថា ពួកគេ​បាន​ទិញ​គ្រឿងញៀន​ទាំងនេះ​ពី​បុរស​ឈ្មោះ ឈុន សម្បត្តិ អាយុ ៣៣ ឆ្នាំ​នៅ​ភូមិ​ច្រោះ ឃុំ​ព្រែក​ពោធិ ស្រុក​ស្រី​សន្ធរ ហើយ​សមត្ថកិច្ច​បាន​តា​ម​បង្ក្រាប​ក៏​ចាប់បាន​ជន​ម្នាក់នេះ កំពុង​នៅចាំ​ផ្ទះ​ឲ្យ​បងប្អូន​នៅ​ភូមិ​ទូ​រៃ​លើ ឃុំ​ព្រែក​ពោធិ​ដែរ និង​បាន​ឆែកឆេរ​រកឃើញ​វត្ថុតាង​ជា​ថ្នាំ​យ៉ាម៉ា​គ្រាប់​ចំនួន ប្រាំពីរ គ្រាប់ និង​មួយ​ចំហៀង​គ្រាប់ ហើយ​និង​ម៉ា​ទឹកកក​ចំនួន ប្រាំ កញ្ចប់​តូច​។​
​ជនសង្ស័យ​ត្រូ​សមត្ថកិច្ច​កសាង​សំណុំរឿង​ដើម្បី​ដោះស្រាយ​តាម​នីតិវិធី​ច្បាប់​៕


Copyright © 2010-2021 · អរិយធម៌ · All Rights Reserved.
Develop by Sek Sathya