ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 វិធានការ​ទប់ស្កាត់​ការទន្ទ្រាន​និង​ឈូសឆាយ​ដីព្រៃ​លិច​ទឹក​របស់ លោក ឈួ​រ ច័ន្ទ​ឌឿ​ន ជា​ប្រធាន​គណៈបញ្ជាការ​ឯកភាព​រដ្ឋបាលខេត្ត​ពុំមាន​ប្រសិទ្ធិភាព​សោះ សម្រាប់​មន្ត្រីក្រោមឱវាទ​ក្នុងស្រុក​កំពង់លែង​  ||     ឯកឧត្តម ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង​កំពង់ បណ្តោយ​ឲ្យ លោក ផាន់ ផល្លា ប្រធាន​សហគមន៍ ភូមិ កោះ​តា​ម៉ូ​វ ឃុបឃិត​គ្នា​លក់​ដែន​ឡូត៍​អភិរក្ស​ត្រី​មេ​ពូជ​  ||     អាង​មាន​ខ្នងបង្អែក​រឹងមាំ ទើប​លោក ណុប សំអាន មេ​គយ​ច្រក​ទំនប់រលក ប្រព្រឹត្ត​អំពើពុករលួយ​គ្មាន​ញញើត ?​  ||     ចង់បាន​តំណែង​ប៉ុស្ដិ៍​គយ កន្លែង​ខ្លាញ់ ធ្វើ​ដូច​លោក ទុំ ណូ ជះ​លុយ​រាប់សែន​ដុល្លារ​ជូន​មេ ពេល​ស្រង់​វិញ បាន​ប្រាក់​វាល់​លាន​ហ្មង?​  ||     ប្រតិកម្ម​ខ្លាំង! ប៉ូលិស​គ្រឿងញៀន​ក្រសួងមហាផ្ទៃ ចាប់ជំរិត​ទារប្រាក់​ចំនួន១,០០០ដុល្លា​បានសម្រេច ជា​ថ្នូរ​ដោះលែង​ជនសង្ស័យ នៅ​ភ្នំពេញ​  ||   

» ព័ត៌មានជាតិ, ព័ត៌មានអន្តរជាតិ » ចិត្តខ្មៅ! ម្តាយ​ចាប់ចង​កូនតូច​ផ្អោប​នឹង​ជណ្ដើរ​ផ្ទះ ដើម្បី​ព្រមាន​អតីត​ប្តី

ចិត្តខ្មៅ! ម្តាយ​ចាប់ចង​កូនតូច​ផ្អោប​នឹង​ជណ្ដើរ​ផ្ទះ ដើម្បី​ព្រមាន​អតីត​ប្តី

អន្តរជាតិ ៖ ហេតុការណ៍​នេះ​បានកើត​ឡើង ក្នុង​ទីក្រុង Leiyang ភាគខាងត្បូង​ខេត្ត Hunan ប្រទេស​ចិន។ នេះ​បើ​យោងតាម​ការចុះផ្សាយ​ពី​ការ​សែត The Paper ។

ស្ត្រី​ជា​ម្តាយ​ចិត្ត​ព្រៃផ្សៃ​ជនជាតិ​ចិន​ម្នាក់ បាន​ចាប់ចង​កូន​ខ្លួនឯង​ផ្អោប​នឹង​ជណ្តើរ​ផ្ទះ​ទាំង​មិន​ប្រណី​ដៃ ដោយសារ​ក្តៅក្រហាយ​ចិត្ត​ជាមួយ​អតីត​ស្វាមី​ដែល​បាន​លែងលះគ្នា​រួចស្រេច តែ​មិន​ផ្តល់ប្រាក់​ឧបត្ថម្ភ​ចិញ្ចឹម​បីបាច់​កូន​ឲ្យ​បាន​គ្រប់គ្រាន់។

ស្ត្រី​ជា​ម្តាយ​ចិត្តខ្មៅ​មិនត្រូវ​បាន​គេ​បង្ហាញ​អត្តសញ្ញាណ​ខាងលើនេះ ត្រូវបាន​គេ​រាយការណ៍​ថា ខឹង​នឹង​អតីត​ស្វាមី​របស់​នាង​យ៉ាងខ្លាំង ដោយសារ​ឲ្យ​លុយ​មិន​គ្រប់​ចំនួន ក្នុងការ​ជួយឧបត្ថម្ភ​ចិញ្ចឹម​កូន គឺ​ឲ្យ​បានត្រឹមតែ ១,០០០យ័ន (ប្រហែលជា ១៥០ដុល្លារ​អាមេរិក) ខុសពី​ការ​សន្យាថា​ឲ្យ ៣០០ដុល្លារ​ក្នុង​មួយខែ។

នាង​បែរជា​ជះ​កំហឹង​ដោយ​ការធ្វើ​ទារុណកម្ម​លើ​កូនប្រុស​តូច​របស់ខ្លួន ទាំង​គ្មាន​កំហុស​ទៅវិញ។ នាង​បាន​យក​ស្កុ​ត​មក​ចង​រុំ​កូន​ផ្អោប​នឹង​ជណ្ដើរ​ផ្ទះ រួច​ថតរូប​ផ្ញើ​ទៅ​ឲ្យ​ប្តី​របស់​នាង​មើល តាមរយៈ​បណ្តាញ​សង្គម WeChat របស់​ចិន ដើម្បី​ទុកជា​ការព្រមាន។

ភ្លាមៗក្រោយ​កើតហេតុ បុរស​ជា​ប្តី​ក៏បាន​ផ្ញើ​រូបភាព​នៃ​ការធ្វើ​ទារុណកម្ម​នោះ ទៅ​ឲ្យ​ឪពុក​របស់ខ្លួន​បន្ត ដែល​រស់នៅក្នុង​ទីក្រុង Leiyang ដើម្បី​ជួយ​ធ្វើ​អន្តរាយ​គម​ន៍ ដោយសារ​ខ្លួន​គាត់​ផ្ទាល់​មានធុរៈ​បំពេញការងារ ម្យ៉ាងទៀត​រស់នៅ​ទីក្រុង​ឆ្ងាយ​ផ្សេង​ពីគ្នា។

រយៈពេល២០នាទី​ក្រោយមក ជីតា​របស់​កុមារ​រងគ្រោះ  បាន​ទៅដល់​ទីតាំង​កើតហេតុ ដើម្បី​ជួយសង្គ្រោះ​ចៅ។ ក្មេងប្រុស​រងគ្រោះ​ត្រូវបាន​គេ​រាយការណ៍​ថា បាន​ស្រែកយំ ស្ថិតក្នុង​ស្ថានភាព​ភ័យខ្លាច​យ៉ាងខ្លាំង។

គួរ​បញ្ជាក់ថា ដោយសារ​ការរស់នៅ​មិន​ចុះសម្រុង​នឹង​គ្នា ទើប​ប្តី​ប្រពន្ធ​មួយគូ​ខាងលើនេះ បានសម្រេច​ចិត្ត​លែងលះគ្នា កាលពី​ពាក់កណ្តាល​ឆ្នាំ២០១៦កន្លងទៅ​មកម្ល៉េះ  ដោយ​បន្សល់​ចំណងដៃ​កូនប្រុស​ចំនួន២នាក់។ កូនប្រុស​បង​ដែលជា​ក្មេងប្រុស​រងគ្រោះ​រស់នៅ​ជាមួយនឹង​ស្ត្រី​ជា​ម្តាយ។ ចំណែកឯ​កូនប្រុស​ពៅ​វិញ រស់នៅ​ជាមួយ​បុរស​ជា​ឪពុក។

គួរ​ឲ្យ​ដឹងថា ក្រោយ​លែងលះ បុរស​ជា​ប្តី​បាន​សន្យាថា នឹង​ជួយផ្តល់​ប្រាប់​ឧបត្ថម្ភ​ចិញ្ចឹម​កូន ៣០០ដុល្លារ​ជា​រៀងរាល់ខែ។ ក្នុងនោះ​ក៏មាន​ខែ​ខ្លះ បុរស​ជា​ប្តី​បាន​ឲ្យ​ប្រាក់​លើស​ចំនួន​ដែល​បាន​សន្យា​ដែរ។ ប៉ុន្តែ​ទើបតែ​ខែវិច្ឆិកា​នេះ​ប៉ុណ្ណោះ ដែល​បុរស​ជា​ប្តី​ផ្តល់ប្រាក់​ឲ្យ​ត្រឹមតែ ១៥០ដុល្លារ ជាហេតុ​ធ្វើ​ឲ្យ​អតីត​ភរិយា​ក្តៅចិត្ត ធ្វើ​ទារុណកម្ម​លើ​កូន​ខ្លួនឯង ដើម្បី​ជា​ព្រមាន​ដល់​អតីត​ស្វា​មីនោះ​តែម្តង។

ទោះបីជា​យ៉ាងណា ទាក់ទង​ទៅនឹង​ករណី​ខាងលើនេះ ឪពុក​របស់​ក្មេងប្រុស​រងគ្រោះ បាន​ថ្លែងប្រាប់​ការ​សែត​ក្នុងស្រុក​ថា លោក​នឹងមិន​មានការ​ប្តឹងផ្តល់​អ្វី​ទេ។ បច្ចុប្បន្ន​លោក​និង​អតីត​ភរិយា  កំពុង​ពិភាក្សាគ្នា ពី​រឿង​ផ្តល់ប្រាក់​ជំនួយ​ឧបត្ថម្ភ​សម្រាប់​កូន។  ចំពោះ​រឿងរ៉ាវ​លម្អិត​ពាក់ព័ន្ធ​នឹង​គ្រួសារ លោក​ក៏​សូម​បដិសេធ​មិន​ឆ្លើយតប ព្រោះអ្វីៗក៏​វា​ត្រូវបាន​បញ្ចប់​ដែរ ៕

 

Copyright © 2010-2018 · អរិយធម៌ · All Rights Reserved.
Develop by Sek Sathya