ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អ្នកសារព័ត៌មាន​ក្នុងស្រុក​ជាច្រើន​បានចេញ​ផ្សាយ​ពី​លោក អ៊ុក អៀង លោក កឹ​ក​ហៃ លោក ឡុង គឹមហុង អាង​ខ្លួន​មាន​លុយ​មានអំណាច​ឈូសឆាយ ទន្ទ្រាន​យក​ដី​រដ្ឋ​ចែកគ្នា​ធ្វើជា​ដី​កម្មសិទ្ធិ​សមត្ថកិច្ច​ជំនាញ​ក្នុង​ខេត្តកំពង់ឆ្នាំង​ពុំទាន់​មាន​ចំណាត់ការ​ណាមួយ​ទៅលើ​ក្រុម​ជនល្មើស​នៅឡើយ​ទេ​  ||     ធ្លាយ​កាន់តែ​ធំឡើង! បន្ទាប់ពី​រដ្ឋបាល​ស្រុក​កំពង់លែង​បានចេញ​សេចក្តីបញ្ជាក់​ព័ត៌មាន​នេះ​ថា មាន​គណៈនី​យ​ហ្វេ​ស​ប៊ុ​កតា​មដង​ទន្លេសាប​និង​សារព័ត៌មាន​អរិយធម៌​ថា ចុះផ្សាយ​ព័ត៌មាន​មិន​ពិត​ក្នុងការ​ឈូសឆាយ​ទន្ទ្រាន​យក​ដីព្រៃ​លិច​ទឹក​  ||     ដីព្រៃ​លិច​ទឹក​ដែលជា​ជំ​រកត្រី​ពង​កូន​កំពង់​ទទួលរង​នូវ​ការបាត់បង់​យ៉ាងធ្ងន់ធ្ងរ​ពី​សំណាក់​មន្ត្រី​ខិលខូច​មួយចំនួន​ឆ្លៀតឱកាស​ទន្ទ្រាន​យក​មុនពេល​បោះឆ្នោត​  ||     ស្លាប់​ម្នាក់​នៅនឹងកន្លែង​កើតហេតុ​ចំណែក​ម្នាក់ទៀត​រងរបួស​ធ្ងន់ ករណី​គ្រោះថ្នាក់​ចរាចរណ៍​នៅ​ប៉ោយប៉ែត​  ||     មេ​ឈ្មួញ​ឈើធំៗ ជា​ឧកញ៉ា ៣នាក់ គឺ​ឧកញ៉ា សឹង សំអុល ឧកញ៉ា ប៉ោ សំអឿន និង ឧកញ៉ា តុ​ប វី​ដា នៅតែ​បន្តសកម្មភាព​កាប់បំផ្លាញ​ឈើ​ដឹកជញ្ជូន​ចេញពី​តំបន់​ដែនជម្រកសត្វព្រៃ​ភ្នំ​ព្រេច​  ||   

» ព័ត៌មានជាតិ, សិល្បៈ-កម្សាន្ត » តារា​កំប្លែង នាយ វីតាមីន​សេ ចូល​ពេទ្យ​សង្គ្រោះបន្ទាន់

តារា​កំប្លែង នាយ វីតាមីន​សេ ចូល​ពេទ្យ​សង្គ្រោះបន្ទាន់

ភ្នំពេញ ៖ ស្ថានភាព​ជំងឺ​របស់​តារា​កំប្លែង​ជើងចាស់​នាយ វីតាមីន​សេ កាន់តែ​ធ្ងន់ធ្ងរ​ដល់​ថ្នាក់​ត្រូវបញ្ជូន​ចូល​ពេទ្យ​សង្គ្រោះបន្ទាន់​ក្រោយ​ក្រុមគ្រូពេទ្យ​ជំនាញ​រកឃើញថា​លោក​មាន​ដុំ​សាច់​មហារីក។

ការបញ្ជូន​តារា​កំប្លែង​ខាងលើ ចូល​បន្ទប់សង្គ្រោះបន្ទាន់​នេះ បាន​ធ្វើឡើង​បន្ទាប់ពី​ក្រុម​វេជ្ជបណ្ឌិត​រកឃើញ​ដុំ​សាច់​មួយ​នៅ​បរិវេណ​ថ្លើម​របស់លោក។ ក្រោយ​ពិនិត្យ​បាន​ល្អិតល្អន់​ទើប​ដឹងថា​ដុំ​សាច់​នោះ ជា​ដុំ​មហារីក តែ​មិនទាន់​អាច​បញ្ជាក់ថា​ជា​មហារីក​កាច ឬ​ស្លូត​នៅឡើយ​ទេ។

អ្នកនាង​ប៉េងប៉ោង បាន​ប្រាប់​សារព័ត៌មាន​ក្នុងស្រុក​មួយ​ថា មកទល់ពេលនេះ​ដុំ​សាច់​នោះ​មិនទាន់​ត្រូវបាន​វះ​ចេញ​នៅឡើយ​ទេ ក្រោយ​មូលហេតុ​ឪពុក​ខ្លួន​មាន​វ័យចាស់ ព្រមទាំង​មាន​ជំងឺ​ទឹកនោមផ្អែម ដែល​អាច​នឹង​បង្ក​ឲ្យ​មុខរបួស​ពិបាក​ផ្សះ​ក្រោយ​វះកាត់​រួច។

ខណៈ​នេះ ក្រុម​វេជ្ជបណ្ឌិត​តាមដាន​សភាព​ជំងឺ​យ៉ាង​ហ្មត់ចត់ ដើម្បី​សង្គ្រោះ​មុន​ជំងឺមហារីក​នេះ ឈានដល់​ដំណាក់កាល​ធ្ងន់ធ្ងរ។

កាលពី​ឆ្នាំ២០១៥ តារា​កំប្លែង​រូបនេះ ធ្លាប់​ធ្លាក់​ក្នុង​សភាព​ធ្ងន់ធ្ងរ​ម្ដង​ហើយ ដោយ​កាលនោះ លោក​មាន​ជំងឺ បូស​អន្ទង់។ លោក​ត្រូវបាន​សង្គ្រោះ​ទាន់ពេល ដោយមាន​ជំនួយ​ពី​ក្រុម​សមាគម​សិល្បករ​ខ្មែរ និង​សប្បុរសជន​ជាច្រើន។ ក្រៅពី​ជំងឺ​ខាងលើនេះ នាយ​វីតាមីន​សេ មាន​ជំងឺ​ប្រចាំ​ផ្សេងទៀត​គឺ ជំងឺលើសឈាម និង ឈឺ​តាម​សន្លាក់៕

 

Copyright © 2010-2018 · អរិយធម៌ · All Rights Reserved.
Develop by Sek Sathya