ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» ព័ត៌មានជាតិ » ទៅ​ផឹក​ទឹកត្នោតជូរ ផឹក​យូរៗ​ចាក់​គ្នា​រងរបួស​ធ្ងន់

ទៅ​ផឹក​ទឹកត្នោតជូរ ផឹក​យូរៗ​ចាក់​គ្នា​រងរបួស​ធ្ងន់

​ភ្នំពេញ​: ភាព​ភ្ញាក់ផ្អើល​មួយ​ដែល​បង្កដោយ​ក្រុម​អ្នកផឹកស៊ី នៅក្នុង​ទីតាំង​លក់ ទឹកត្នោតជូរ ស្ថិតនៅ​ជិត​វត្ត​ប្រជុំ​សាគរ ហៅ​វត្ត​ថ្មី នៅ ក្រុមទី​៩ ភូមិ​១ សង្កាត់​ជ្រោយចង្វា ខណ្ឌឫស្សីកែវ ខណៈ​ជនរងគ្រោះ និង​ជនបង្ក​កំពុង​ផឹកស៊ី​ជាមួយគ្នា ដល់ពេល​ស្រវឹង​បាន​បង្ក​ការ​វាយតប់​គ្នា ពេញ​កន្លែង​ផឹក យុ​ជន​ជាជាង​ដែល​ម្នាក់​បាន​រងរបួស​ធ្ងន់ ដោយសារ​អ្នក​ដែល​ផឹក​ជាមួយ​ចាក់ កាលពី​វេលា​ម៉ោង​៦​ល្ងាច ថ្ងៃទី​៣០ ខែតុលា ឆ្នាំ​២០១៣​។​
​ជនរងគ្រោះ​ត្រូវបាន​ដឹក​បញ្ជូនទៅ កាន់​មន្ទីរពេទ្យ​កាល់ម៉ែត ភ្លាម​ខណ​:​ជនបង្ក​កំពុង រត់គេចខ្លួន​បាត់ តែ​សមត្ថកិច្ច​ស្គាល់​អត្តសញ្ញាណ​រួចហើយ​។​
​សមត្ថកិច្ច​មូលដ្ឋាន បាន​ឲ្យ​ដឹងថា មុនពេល​កើតហេតុ ជនរងគ្រោះ និង​ជនបង្ក ព្រមជាមួយ​មិត្តភក្តិ​២ ទៅ​៣​នាក់​ផ្សេងទៀត បាន​ចូលទៅ​ផឹកស៊ី នៅ​ទីតាំង​លក់​ទឹក ត្នោត​ជូរ នៅ​ទីតាំង​ខាងលើ ហើយ​ពេល​កំពុង ផឹកស៊ី នោះ​ស្រាប់​តែមាន​ជម្លោះ​កើតឡើង រហូត​ថ្នាក់​យក​កាំបិត ចាក់​តែម្តង​បណ្តាល​ឲ្យ​រងរបួស​ធ្ងន់​។​
​ជនរងគ្រោះ​មានឈ្មោះ ចាន់ ឃឿន អាយុ​៣២​ឆ្នាំ ជា​ជាងផ្សារដែក រស់នៅ​ក្បែរ​កន្លែង​ផឹក ទឹកត្នោតជូរ នោះ​តែម្តង ហើយ​ជនបង្ក​ឈ្មោះ ឆន អាយុ​២៥​ឆ្នាំ​។​
​បើតាម​ការរៀបរាប់​ប្រជាពលរដ្ឋ​នៅក្បែរ កន្លែងកើតហេតុ បាន​រិះគន់​ចំពោះ​ភាពអនាធិបតេយ្យ ដែល​កើតឡើង នៅ​កន្លែង ផឹក​ទឹកត្នោតជូរ​ខាងលើនេះ ហើយ​កន្លែង​នេះ​ដែល​គេ​តែងតែ​ឃើញ​ពួកក្មេងស្ទាវ​ប្រមូលផ្តុំ ជក់​គ្រឿងញៀន ទៀតផង ពីព្រោះ​នៅក្បែរនោះ មាន​ព្រៃតូច​ដុះ​ជាច្រើន ងាយស្រួល​សម្ងំ​ជក់​ណាស់​។​
​    ​ដូច្នេះ​ប្រជាពលរដ្ឋ​ដែល​រស់នៅ​កន្លែង​នោះ សូមពរ​ដល់​មន្ត្រី​មាន​សមត្ថកិច្ច​ពាក់ព័ន្ធ​មេត្តា​ចុះទៅ​ពិនិត្យមើល​អំពើ​ភាព​អសកម្ម​ទាំងនេះ​ផង ដើម្បី​ឲ្យ​ស្របតាម​គោលនយោបាយ​ភូមិ​-​ឃុំ​មាន​សុ​វត្តិភាព​របស់​រាជរដ្ឋាភិបាល​៕

Copyright © 2010-2021 · អរិយធម៌ · All Rights Reserved.
Develop by Sek Sathya