ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! លោក អ៊ុក កុសល ស្នងការនគរបាល ខេត្តកំពង់ធំ បានយកអំណាចជាមេកើយ ប្រព្រឹត្តនូវអំពើអសីលធម៌ តាមរយៈទង្វើចាប់បង្ខំ ស្ទាបអង្អែលកេរ្តិ៍ខ្មាសដោយមិនញញើត ដល់មន្ត្រីនគរបាលនារី ជាកូនចៅរបស់ខ្លួន ជាច្រើននាក់​  ||     ភ្ញាក់ផ្អើល ! លោកឧត្ដមសេនីយ៍ទោ អ៊ុក កុសល ស្នងការខេត្តកំពង់ធំ កំពុងក្លាយជាត្រីឆ្ដោស៊ីកូនឯងមិនរើសមុខ ខណៈនារីនគរបាលស្នើរសុំទៅដល់សម្ដេច ក្រឡាហោម ស ខេង​ ឧបនាយករដ្ឋមន្ត្រី​ រដ្ឋមន្ត្រីក្រសួងមហាផ្ទៃ អោយជួយរកយុត្តិធម៌? (ត្រីឆ្ដោស៊ីកូនឯងមិនរើសមុខ)​  ||     ភ្ញាក់ផ្អើល! អាជីវករលក់សាច់ជ្រូកនិងសាច់គោ រិះគន់ទីតាំងសត្តឃាតខុសស្តង់ដា និងផ្ទុះការតវ៉ារឿងម្ចាស់ទីតាំងយកអជ្ញាប័ណ្ណគាបសង្កត់ពួកគាត់ទាំងបំពានច្បាប់​  ||     ឈ្មួញ មានឥតទ្ធិពល ចាស់វស្សា នៅតែអាចដឹកញ្ជូនឈើទៅប្រទេសវៀតណាម នៅរតនគិរី​  ||     ភ្ញាក់ផ្អើល! បទល្មើសព្រៃឈើកើតឡើង យ៉ាងអនាធិបតេយ្យ ស្រុកអូររាំង និងស្រុកកែវសីមា នៅមណ្ឌលគិរី​  ||   

» ព័ត៌មានជាតិ, សិល្បៈ-កម្សាន្ត » លោក កែវ វាសនា បញ្ចេញស្នាដៃ​និពន្ធ​ដោយ​ខ្លួនឯង បង្ហាញ​ពី​វាសនា…

លោក កែវ វាសនា បញ្ចេញស្នាដៃ​និពន្ធ​ដោយ​ខ្លួនឯង បង្ហាញ​ពី​វាសនា…

 (ភ្នំពេញ)៖ ជាក់ស្ដែង ថ្មីៗនេះ លោក កែវ វាសនា បាន​បញ្ចេញ​ចម្រៀង​មួយ​បទ ដែលជា​ស្នាដៃ​និពន្ធ​ថ្មី ដោយ​ស្នាដៃ​ខ្លួនឯង​ផ្ទាល់ ជា​ប្រភេទ​បទ​មនោសញ្ចេតនា កម្សត់ មាន​ចំណងជើង​ថា «ជីវិត​ក្រោម​មេឃ​តែមួយ» ដែល​និពន្ធ​ទាំង​បទ​ភ្លេង ទំនុក​ចម្រៀង ដោយ​ខ្លួន​លោក​ផ្ទាល់​តែម្ដង និង​ថត​ដោយ​ក្រុម​តន្ដ្រី នៃ​ផលិតកម្ម​ថោ​ន ផងដែរ។

តារាចម្រៀង​វ័យក្មេង មាន​ទឹកដម​សំនៀងពីរោះ លោក កែវ វាសនា ជា​តារាចម្រៀង​ប្រចាំ​ផលិតកម្ម ថោ​ន មានកេរ្តិ៍ឈ្មោះ​បោះ​សំឡេង ដោយសារ​តារាចម្រៀង​រូបនេះ មាន​ភាពស៊ីចង្វាក់​ទៅនឹង​បទ​បែប មនោសញ្ចេតនា។ រាល់​បទ​ចម្រៀង លោក កែវ វាសនា ភាគច្រើន​សុទ្ធសឹងតែ​ជា​ប្រភេទ​បទ​មនោសញ្ចេតនា លន្លង់លន្លោច ត្អូញត្អែ ស្ដាប់ទៅ ពិតជា​ស្លុង​អារម្មណ៍ សម្រាប់​អ្នកមាន​វិបត្តិ​ទាំងឡាយ ឲ្យ​កម្សត់​ទៅតាម​អត្ថន័យ នៃ​បទ​ចម្រៀង​របស់លោក។

«ជីវិត​ក្រោម​មេឃ​តែមួយ» ទទួលបាន​ការចាប់អារម្មណ៍ ពេញ​បណ្ដាញ​ហ្វេ​ស​ប៊ុ​ក ព្រមទាំង​មានការ​ចែកចាយ ស៊ែរ ពី​សំណាក់​មិត្ត​យុវវ័យ​យ៉ាងច្រើន ដោយសារ​បទ​ចម្រៀង​មួយ​បទ​នេះ ជា​ស្នាដៃ​និពន្ធ​ថ្មី និង​និពន្ធ​ទំនុកច្រៀង​ដោយ​លោក កែវ វាសនា។ បទ​នេះ លាតត្រដាង និង​ឆ្លុះបញ្ចាំង​ពី​សង្គម​ខ្មែរ និង​ជីវិត​របស់​មនុស្សលោក ដែល​រស់នៅ​ក្រោម​មេឃ​តែមួយ តែមាន​វាសនា​ខុសគ្នា អ្នកខ្លះ​មានទ្រព្យ​សម្បត្តិ ស្ដុកស្ដម្ភ។ ចំណែក​អ្នក​ខ្លះទៀត ទោះជា​ខំប្រឹង​តស៊ូ​យ៉ាងណា ក៏​នៅតែ​មិនអាច​ចិញ្ចឹមជីវិត​បាន ស្ទើរ​មិន​ចង់​រស់​ទៀតផង។

អត្ថន័យ​នៃ​បទ​ចម្រៀង​របស់ កែវ វាសនា មួយ​បទ​នេះ ស្ដាប់ទៅ​គួរ​ឲ្យ​សង្វេគ​ណាស់ ជាពិសេស​សម្រាប់​អ្នកក្រ​ដែល​ខិតខំ​តស៊ូ ពុះពារ​ដើរ​លើ​វិថី​ជីវិត រកស៊ី​ចិញ្ចឹម​ខ្លួន បាន​ព្រឹក​ខ្វះ​ល្ងាច បាន​ល្ងាច​ខ្វះ​ព្រឹក រឹតតែ​ខ្លោចចិត្ត​អាណិត​វាសនា​ខ្លួន ឯង​ជាខ្លាំង ៕

Copyright © 2010-2020 · អរិយធម៌ · All Rights Reserved.
Develop by Sek Sathya