ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទូច ហឹ​ង មេ​ប៉ុស្ដិ៍នគរបាល​ការពារ​ព្រំដែន​ផា​តាម ក្នុង​ឃុំ​ញ៉ា​ង ស្រុក​អណ្ដូង​មាស គឺជា​អ្នក​ឃុបឃិត​បើកដៃ​ឲ្យ​ឈ្មួញ​ដឹកជញ្ជូន​ឈើ​ចេញ​តាម​ច្រក​ផា​តាម?​  ||     ប្រជាពលរដ្ឋ ដែល​រស់នៅក្នុង​ឃុំ​ស្វាយ​រំពារ​មានការ​ខកចិត្ត​និង​ខឹងសម្បា​រយ៉ាង​ខ្លាំង ព្រោះ​ពួកគាត់​នឹកស្មាន​មិន​ដល់​ដែល​មន្ត្រី​ថ្នាក់ក្រោម​ជាតិ ហ៊ាន​បើកដៃ?​  ||     លោក គង់ ក្រឹ​ង នៅតែ​បន្ត​លួចលាក់​ដឹកជញ្ជូន​ឈើ​និង​កាង​ឈ្មួញ​ដឹកឈើ​ទៅ​ស្រុក​យួន តាម​ច្រករបៀង ដោយ​តម្រូវ​ឲ្យ​អ្នកដឹកឈើ​តាម​ម៉ូតូ​និង​គោយន្ត​ឬ​ឡាន​សាំ​យ៉ុង ដឹក​ឆ្លង​បា​រ៉ា​ស់​នៅ​ចំណុចD3 ?​  ||     បែកធ្លាយ! លោក ពេជ្រ ហោះ នាយករង​រដ្ឋបាល​សាលាខេត្ត​កំពង់ចាម មានអំណាច​យក​ភាស៊ី​ផ្សារ​បុសខ្នុរ និង​ផ្សារ​ស្ពឺ ស្រុក​ចំការលើ មក​ដេញថ្លៃ​ឡង​វិញ ក្រោយពី​រដ្ឋ​ដកហូត​ពី​អ្នកវិនិយោគ?​  ||     មេទ័ព ខេត្តកំពង់ឆ្នាំង បញ្ជាក់ថា សត្រូវ​បំផ្លាញ​សន្លឹកឆ្នោត​បក្ស!គឺ​ក្រុម​លួច​ឈូសឆាយដី​អតីតយុទ្ធជន​ដែលមាន​អនុក្រឹត្យ​ប្រមុខ​រដ្ឋាភិបាល​គួរតែ​វែក​រកមុខ​ជនខិលខូច​  ||   

» ព័ត៌មានជាតិ, ព័ត៌មានអន្តរជាតិ » នៅ​ខេត្ត​ឆៃ​ភូមិ ប្រទះឃើញ​ឆ្អឹង «ដាយ​ណូ​ស័​រ» ជា​លើក​ទី២

នៅ​ខេត្ត​ឆៃ​ភូមិ ប្រទះឃើញ​ឆ្អឹង «ដាយ​ណូ​ស័​រ» ជា​លើក​ទី២

ប្រទេស​ថៃ៖  បំណែក​ឆ្អឹង​សត្វ​ដាយ​ណូ​ស័​រ ដែលមាន​អាយុកាល ប្រមាណ​ជាង១០០លាន​ឆ្នាំ ត្រូវ​ក្រុម​អធិបតី​បុរាណ​វិទូ​ថៃ ស្រាវជ្រាវ និង​រុក​រកឃើញ​មួយចំនួន​បន្ថែមទៀត​ប​ន្ទា​ប់​ពី​ពួកគេ​បាន​រកឃើញ​បំណែក​ឆ្អឹង​ម្តង​រួចមកហើយ កាលពី​អំឡុង​ឆ្នាំ២០១៦ នៅក្នុង​ខេត្ត​ឆៃ​ភូមិ។ គេ​សន្និដ្ឋានថា ឆ្អឹង​នេះ អាចមាន​អាយុកាល​រហូតដល់​ជាង១០០លាន​ឆ្នាំ​មកហើយ។

ការរុករក​ឃើញ​នៅ​លើក​ទី២នេះ គឺ​នៅ​ថ្ងៃទី៥ ខែតុលា ឆ្នាំ២០១៧ នៅក្នុង​តំបន់​ផ្នាំ​ង​សឿ ក្នុងស្រុក​ណង​បួ​រ៉ា​ក់​ហេវ ខេត្ត​ឆៃ​ភូមិ ប្រទេស​ថៃ ដែល​លើក​នេះ ត្រូវបាន​ក្រុម​ស្រាវជ្រាវ​ប្រវត្តិសាស្ត្រ  ប្រទះឃើញ​ឆ្អឹង​ស្មងជើង​ខាងមុខ និង​ឆ្អឹងខ្នង ជា​ប្រភេទ​ដាយ​ណូ​ស័​រ មាន​ឈ្មោះថា Titanosauriforma ដែលជា​ពពួក​សុ​ី​រុក្ខជាតិ​ជា​អាហារ បើទោះបីជា​រាងកាយ​របស់​វា មានការ​ដាច់ដោច​ចេញពី​គ្នា​ក៏ដោយ ក៏​ក្រុម​ជំនាញ​បាន​សន្និដ្ឋានថា ជា​ពូជ​ដាយ​ណូ​ស័​រដែ​ល​ធំ​ជាង​ពូជ​ដទៃ​នៅក្នុង​តំបន់​អា​សុ​ី​ខាងកើត​ឈាង​ខាងត្បូង ហើយ​វា​ជា​ពូជ​ដ៏​កម្រ​ផងដែរ។

លោក និ​វ​ត្តិ មុនី​ខាត់ ជា​អធិបតី​នៃ​ក្រុម​ឯកទេស​ស្រាវជ្រាវ ប្រវត្តិសាស្ត្រ បាន​អះអាងថា កាលពី​ថ្ងៃទី២ ខែមីនា ឆ្នាំ២០១៦ កន្លងទៅ មាន​ប្រជាពលរដ្ឋ​ម្នាក់​ឈ្មោះ ថ្នម ហ្លួង​ណាន់ រស់នៅក្នុង​តំបន់​ខាងលើ បាន​កាយ​ដី ហើយ​បាន​ប្រទះឃើញ​បំណែក​ឆ្អឹង ដាយ​ណូ​ស័​រ​មួយចំនួន​ម្តង​រួចមកហើយ ដោយ​កាលណោះ ក្រុម​ជំនាញ​របស់លោក បាន​ចុះ​ស្រាវជ្រាវ ព្រមទាំង​បាន​សន្និដ្ឋានថា  ឆ្អឹង​ដាយ​ណូ​ស័​រ​នោះ គឺមាន​អាយុកាល​ប្រមាណ​ជាង១០០លាន​ឆ្នាំ​មកហើយ។ ចំណែក​ឆ្អឹង​ដទៃទៀត ក៏​នៅ​មិន​ឆ្ងាយ​ពីគ្នា​ដែរ ទើប​ក្រុមការងារ​បានរៀបចំ​ក​ម្លាំ​ង​ចុះ​សិក្សា ព្រមទាំង​បាន​រុករក រហូតមក​ទល់នឹង​ពេលនេះ ក៏បាន​ប្រទះឃើញ​បំណែក​នៃ​រាងកាយ​មួយចំនួន​បន្ថែមទៀត គឺជា​ឆ្អឹង​ស្មងជើង​ខាងមុខ ដែលមាន​ប្រវែង ១៧៨សង់ទីម៉ែត្រ ហើយ​ឆ្អឹង​នេះ គឺជា​ឆ្អឹង​ដាយ​ណូ​ស័​រ​ប្រភេទ​កវែង​កន្ទុយ​វែង និង​ជើង​មុខ​ខ្លី​ជាង​ជើង​ក្រោយ ហើយ​បណ្តោយ​ខ្លួន​របស់​វា អាចមាន​ប្រវែង​ចាប់ពី២៣ម៉ែត្រ ដល់៣០ម៉ែត្រ។

លោក និ​វ​ត្តិ មុនី​ខាត់ បាន​បន្តថា បើ​សរុបមក​ទល់នឹង​ពេលនេះ ក្រុម​ស្រាវជ្រាវ​បាន​រកឃើញ​បំណែក​ឆ្អឹង​លើ​រាងកាយ​របស់​ដាយ​ណូ​ស័​រ សរុប​ចំនួន២០ដុំ​ហើយ ហើយក៏​ជា​ឆ្អឹង​របស់​ដាយ​ណូ​ស័​រ​តែ១ផងដែរ ។ ពពួក​ដាយ​ណូ​ស័​រ ដែលមាន​ជើង​មុខ​ខ្លី​ជាង​ជើង​ក្រោយនេះ គឺ​ស្ថិតនៅក្នុង​ក្រុម  Somphos pondyli ។ ចំណែក​ពពួក​ដែលមាន​ជើង​មុខ​វែង​ជាង​ជើង​ក្រោយ គឺមាន​រាង​តូច​ជាង ហើយ​ស្ថិតក្នុង​ក្រុម Rachiosauridae ។

បច្ចុប្បន្ន​ក្រុម​ស្រាវជ្រាវ​របស់​របស់​ប្រទេស​ថៃ នៅតែ​បន្ត​រុករក​ក្នុង​តំបន់​មួយចំនួនទៀត ដែល​ស្ថិតក្នុង​ខេត្ត​ឆៃ​ភូមិ ដើម្បី​តាមរក​ឆ្អឹង​សត្វ​ដាយ​ណូ​រ​ស័​រ១ក្បាល​នេះ ឲ្យ​បាន​គ្រប់​ចំនួន ព្រោះ​វា​មាន​អាយុកាល​រាប់រយ​លាន​ឆ្នាំ​មកហើយ ដើម្បី​ទុក​ឲ្យ​មនុស្ស​ជំនាន់​ក្រោយ​បានឃើញ និង​បាន​ស្គាល់៕

 

Copyright © 2010-2018 · អរិយធម៌ · All Rights Reserved.
Develop by Sek Sathya