ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » ជប់លៀង​លើ​ទូក​ស្រវឹង​​ដើរ​ធ្លាក់ចូល​ទឹកទន្លេ​ស្លាប់​ ​

ជប់លៀង​លើ​ទូក​ស្រវឹង​​ដើរ​ធ្លាក់ចូល​ទឹកទន្លេ​ស្លាប់​ ​

ភ្នំពេញ​៖​បុរស​ម្នាក់​បាន​ធ្លាក់​ពីលើ​ទូក​ទេសចរណ៍​ចូលទៅក្នុង​ទឹកទន្លេ គ្រា​ដែល​បុរស​នោះ​ចូលរួម​សប្បាយ​ជាមួយ​បុគ្គលិក​ក្រុមហ៊ុន​ប្រមាណ​ជា​៧០​នាក់ ដែល​បាន​ជួល​ទូក​ទេសចរណ៍​២​គ្រឿង​ជប់លៀង​ផឹកស៊ី​ច្រៀង​កម្សាន្ត​តាម​មាត់ទន្លេ​ស្រាប់តែ​បុរស​ម្នាក់​ស្រវឹងស្រា​ជោក​ធ្លាក់​ពីលើ​កាណូត​ចូលក្នុង​ទឹកទន្លេ​បណ្តាលឱ្យ​លិច​បាត់ ។​
​ហេតុការណ៍​នេះ​បង្ក​ឱ្យ​ភ្ញាក់ផ្អើល​កាលពី​វេលា​ម៉ោង​៧ និង​៤៥​នាទី​យប់​ថ្ងៃទី​២៧ តុលា ២០១៣​ស្ថិតនៅ​ចំណុច​មាត់ទន្លេ​សាប​មុខ​ផ្សារ​រាត្រី​ក្នុង​សង្កាត់​វត្តភ្នំ​ខណ្ឌដូនពេញ ។​
​ប្រភព​បានឱ្យដឹងថា បុរសរងគ្រោះ​ឈ្មោះ​កែវ វាសនា​អាយុ​២៨​ឆ្នាំ ជា​បុគ្គ​លិ​ក្រុមហ៊ុន មាន​ទីលំនៅ​ផ្ទះ​លេខ​២៦៤ ផ្លូវ​លេខ​១៤៦​សង្កាត់​ទឹកល្អក់​ទី​២ ខណ្ឌទួលគោក ។ ប្រភព​បាន​បន្តទៀតថា​ទូក​ទេសចរណ៍​មាន​២​ជាន់ ចំណែក​ជនរងគ្រោះ​អង្គុយ​នៅ​ជាន់​ខាងលើ​ខណៈ​ផឹកស៊ី​ស្រវឹង​ជិត​ដល់​ម៉ោង​សម្រាក​ហើយ​នោះ​ជនរងគ្រោះ​បាន​ដើរ​ទ្រេតទ្រោត​បំរុង​ទៅ​បន្ទប់ទឹក​ហើយ​បាន​ដើរទៅ​ផ្អែក​នឹង​បង្កាន់ដៃ​កាណូត​ទប់ខ្លួន​អត់​ជាប់​ក៏​ធ្លាក់ចូល​ទឹកទន្លេ​លិច​បាត់​រហូត ។​
​ក្រោយពេល​កើតហេតុ គ្រួសារ​សាច់ញាតិ​បាន​ជួល​ទូក​អ្នកនេសាទ​ឱ្យជួយ​មុជ​រាវរក តែ​រក​មិនទាន់​ឃើញ​សព​នៅឡើយ​ទេ រហូតមកដល់​ល្ងាច​ថ្ងៃទី ២៩ តុលា នេះ​៕

ដោយ​៖ វិ​ហារ

Copyright © 2010-2021 · អរិយធម៌ · All Rights Reserved.
Develop by Sek Sathya