ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» Breaking News, ព័ត៌មានជាតិ » បុរស​ស៊ីម​២​​សម្លាប់​គ្នា​ប្លន់​យក​ម៉ូតូ ​

បុរស​ស៊ីម​២​​សម្លាប់​គ្នា​ប្លន់​យក​ម៉ូតូ ​

ភ្នំពេញ ៖ កាលពី​វេលា​ម៉ោង​១៩ ថ្ងៃទី​២៧ ខែតុលា ឆ្នាំ​២០១៣​នៅក្នុង​បន្ទប់​ជួល នា​ភូមិ​ឫស្សី សង្កាត់​ស្ទឹងមានជ័យ ខណ្ឌមានជ័យ មាន​មនុស្សម្នា​ផ្អើល​ចោមរោម​មើល​ករណី​ឃាតកម្ម​មួយ ដែល​ឲ្យ​បុរស​ខ្ទើយ​ម្នាក់​បាន​ស្លាប់​នៅក្នុង​បន្ទប់​ជួល​របស់ ខ្លួន​។​
​បុរសរងគ្រោះ​ស៊ីម​២ ត្រូវបាន​គេ​ស្គាល់ឈ្មោះ ភឿន សុភ័ក្ត្រ ភេទ​ប្រុស អាយុ​៣២​ឆ្នាំ ជា​កម្មករ​រោងចក្រ​កាត់ដេរ​នី​វ៉េ មាន​ស្រុកកំណើត​នៅ​ខេត្តកំពង់ចាម​។​
​សមត្ថកិច្ច បាន​និយាយថា ជនរងគ្រោះ​មាន​ម៉ូតូ​មួយគ្រឿង​ម៉ាក​ស្មាស់​ពណ៌​ខ្មៅ​ស៊េរី​២០០៧ មិន​ចាំ​ស្លាក​លេខ​ត្រូវបាន​បាត់បង់ ហើយ​ប្រុស​ស្នេហ៍​ឈ្មោះ ម៉ាប់ ក៏បាន​បាត់​ខ្លួន​ផងដែរ​។ នៅលើ​ខ្លួនប្រាណ​សព​មាន​ស្នាម​ជាំ​ត្រង់​ថ្ងាស​ដែល​រង​ដោយ​វត្ថុ​រឹង និង​មាន​ស្នាម​ជាំ​បំពង់ក ដែល​ឃាតករ​បាន​ច្របាច់​ចំ​បំពង់ខ្យល់​។​
​លោក​អនុសេនីយ៍ឯក ម៉ី ចាន់​ដា​រ៉ា មេបញ្ជាការរង​កងរាជអាវុធហត្ថ​ខណ្ឌមានជ័យ ទទួលបន្ទុក​ព្រហ្មទណ្ឌ​បាន​ឲ្យ​ដឹងថា ករណីនេះ​ជា​អំពើ​ឃាតកម្ម​ប្លន់​យក​ម៉ូតូ ហើយ​បើតាម​សាក្សី​បញ្ជា​ក់នៅ​កន្លែងកើតហេតុ​គឺ​ជនរងគ្រោះ​និង​ជនសង្ស័យ មានទំនាស់​នឹង​គ្នា​ដោយសារតែ​ឈ្មោះ​ម៉ាប់ ប្រុង​ទៅ​ដេក​ជាមួយ​បុរស​ខ្ទើយ​ម្នាក់ទៀត ធ្វើ​ឲ្យ​ជនរងគ្រោះ​(​សព​)​មានការ​ប្រចណ្ឌ​ឈ្លោះប្រកែក​គ្នា ហើយ​ក៏បាន​ស្ងាត់​ទៅវិញ ក្រោយមក​ក៏​លេចឮ​ព័ត៌មាន​ឃាតកម្ម​នេះ​តែម្ដង​។​
​សមត្ថកិច្ច​បាន​ឲ្យ​ដឹងថា មុនពេល​កើតហេតុ​ជនរងគ្រោះ ភឿន សុភ័ក្ត្រ ដែលជា​មនុស្ស​ខ្ទើយ​ធ្វើខ្លួន​ជា​ស្រី បាន​ដេករួមរ័ក​ជាមួយ​ឈ្មោះ ម៉ាប់ ដែលជា​ប្រភេទ​មនុស្ស​ខ្ទើយ​ស៊ីម​២​ដូចគ្នា នៅក្នុង​បន្ទប់ ផ្ទះជួល​តាំងពី​ថ្ងៃត្រង់ ហើយ​អ្នកជិតខាង​ពុំបាន​ចាប់អារម្មណ៍​នោះទេ ដោយសារ​ពួកគេ​ទាំង​២​នាក់​ជួល​បន្ទប់​រួម​រស់នៅ​ជាមួយគ្នា ។ លុះដល់​វេលា​ម៉ោង​១៩​ម្ចាស់​ផ្ទះជួល​មានការ​សង្ស័យ ដោយសារ​ឃើញ​ចាក់សោ​ពី​ខាងក្រៅ​បន្ទប់ និង​ពុំ​បានឃើញ​ជនរងគ្រោះ​ចេញមកក្រៅ​បន្ទប់​ក៏​ប្រាប់​សមត្ថកិច្ច រួច​គាស់​សោ​បន្ទប់​ស្រាប់តែ​ឃើញ​ជនរងគ្រោះ​ដេកស្លាប់​នៅលើ​គ្រែ​តែម្នាក់ឯង​៕ ដោយ​៖ លី​ហ៊ាង​

Copyright © 2010-2021 · អរិយធម៌ · All Rights Reserved.
Develop by Sek Sathya