ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||     ល្បី ឈ្មួញសម្រុកដឹកជញ្ជូនឈើចេញពីឃុំកន្ទួត ស្រុកចិត្របុរី​​  ||     ល្បី! អ្នកមានលុយ អ្នកមានអំណាច ទន្រ្ទានកាន់កាប់ដីចំណីព្រែក ក្នុងស្រុកកំពង់សិលា យ៉ាងរលូន?​  ||   

» ព័ត៌មានជាតិ » បើ​ឆ្លងកាត់​ខេត្តកំពង់ធំ​កុំ​ភ្លេច​ទិញ​អំបុក​ពិសា ធម្មជាតិ​ពិតៗ រស់ជាតិ​ឆ្ងុយឆ្ងាញ់​

បើ​ឆ្លងកាត់​ខេត្តកំពង់ធំ​កុំ​ភ្លេច​ទិញ​អំបុក​ពិសា ធម្មជាតិ​ពិតៗ រស់ជាតិ​ឆ្ងុយឆ្ងាញ់​

​កំពង់ធំ ៖ ប្រជាពលរដ្ឋ​ជាង​៥០​គ្រួសារ ស្ថិតនៅ​ក្នុងភូមិ សាន​គរ ខ ឃុំ​សាន​គរ ស្រុក​កំពង់ស្វាយ ខេត្តកំពង់ធំ​បាននាំគ្នា ចាប់យក​មុខរបរ បុក​អំបុក លក់​នៅតាម​បណ្តោយ​ផ្លូវជាតិ​លេខ​៦ ត្រូវ​ចំណុច​ភូមិ សាន​គរ ខ ដើម្បី​បំរើ​សេចក្តីត្រូវការ ទិញ​ពិសា​កំដរ​អារម្មណ៍ ក្នុងពេល​ធ្វើដំណើរ ក៏ដូចជា​ការទិញ​ជា​របស់​បញ្ញើ​ដល់​សាច់ញាតិ​ដែល
កំពុង​រង់ចាំ​មើលផ្លូវ​ត្រឡប់​ទៅវិញ និង​បានធ្វើអោយ​ប្រជាពលរដ្ឋ​ដែល​រស់នៅ ភូមិ​នេះ​មាន​ចំណូល​សម្រាប់​ដោះស្រាយ​ជីវភាព​គ្រួសារ​។​
​ជាក់ស្តែង​ខេត្តកំពង់ធំ ស្ថិតនៅ​មិន​ឆ្ងាយ​ពី​រាជធានី​ភ្នំពេញ ចម្ងាយ​ត្រឹមតែ​១៦៦​គ​.​ម​តែប៉ុណ្ណោះ ប្រជាពលរដ្ឋ នៅក្នុង​ប្រទេស​ធ្លាប់​បានដឹង​ពី ចំណី​កំដរ​មាត់​របស់​ខេត្តកំពង់ធំ ដែល​សំបូរ​ជាងគេ គឺ​ចង្រិត​បំពង​ដែលមាន​រសជាតិ​ពិសា​ហើយ​មិន​ចង់​ឈប់​ទំពា តែ​មកដល់ពេលនេះ ខេត្តកំពង់ធំ ក៏​កំពុងតែ​មានឈ្មោះ​ល្បី​ខាង អំបុក​ស្រូវ​ថ្មី ដែល
​ផលិត​ដោយ​ដៃ​បងប្អូន​ប្រជាពលរដ្ឋ​ផ្ទាល់ ផលិត​ភ្លាមៗ ក្តៅៗ ពិសា​បានតែ​ម្តង ព្រមទាំង​បាន​ទស្សនា​នូវ​សកម្មភាព បងប្អូន​ប្រជាពលរដ្ឋ គាត់​កំពុងតែ​ប្រកួតប្រជែង​គ្នា​បុក​អំបុក បន្ទរ​ដោយ​សំលេង​ត្បាល់​ក្បឿង បង្ហាញ​នូវ​កាយវិការ ជា​ចង្វាក់​នៃ​ត្បាល់ ទិដ្ឋភាព​ទាំងនេះ​បានបង្ហាញ​ពី​ការច្នៃប្រឌិត បុក​អំបុក  ដែលមាន​តាំងពី​សម័យកាល​មកម្ល៉េះ ។​
​បងស្រី​ម្នាក់​បាន​ឲ្យ​ដឹងថា កាលពី​ដើមឡើយ ប្រជាពលរដ្ឋ​តែងតែ​នាំគ្នា បុក​អំបុក ឬ​គេ​និយម​ហៅថា ដាល់អំបុក នៅពេលដែល​ស្រូវ​ចាស់​ល្មម ក៏​នាំគ្នា​ច្រូតស្រូវ​ទាំងនោះ មក​បែន​ហើយ​នៅពេលដែល​ស្រូវ​មាន​សំណើម​បន្តិចៗ ក៏បាន​នាំគ្នា​ជួបជុំគ្នា​ប្រុស​ស្រី បង្កាត់ភ្លើង​ដាល់អំបុក ក្នុងអំឡុង​ខែភ្លឺ​ភាគច្រើន តាម​ភូមិ នីមួយៗ សម្រាប់​ពិសា
​ភ្លាមៗ គឺមាន​រសជាតិ​ប្រហើរ​ឆ្ងុយឆ្ងាញ់ ដែល​គេ​ហៅថា អំបុក​ស្រូវ​ថ្មី មិនតែប៉ុណ្ណោះ​ទំនៀម​ទំលាប់​ប្រពៃណី​ខ្មែរ បានរៀបចំ​ឲ្យ​មាននូវ​ពិធី បុណ្យអកអំបុកសំពះព្រះខែ ប្រគេន​នូវតាម​វត្ត​អារាម បន្ទាប់ពី​បងប្អូន​ប្រជាពលរដ្ឋ ប្រមូល​ភោគផល​ស្រូវ​ដំបូង ។​
​បងស្រី​បាន​បន្តថា កាលពីមុន ប្រជាពលរដ្ឋ​នាំគ្នា​ដាល់អំបុក ដោយ​ត្បាល់​មូល សម្រាប់​តម្រូវការ​ក្នុង​គ្រួសារ​តែ​ដោយ​ប្រជាពលរដ្ឋ ដែល​បាន​ចាប់យក​មុខរបរ​ដាល់​អំបុក​លក់​នេះ បុក​ជា​រៀងរាល់ថ្ងៃ​បណ្តាល​ឲ្យ​មាន​ការឈឺ​គ្រប់យ៉ាង​នូវ​សរសៃ ជុំវិញខ្លួន​ណាមួយ​ផលិត​បាន​អំបុក​តិច មិន​គ្រប់គ្រាន់​និង​សេចក្តីត្រូវការ​របស់ ភ្ញៀវ ដែល​បានធ្វើ​ដំណើរ
​ឆ្លងកាត់ ក៏បាន​នាំគ្នា​ច្នៃប្រឌិត​យក​ត្បាល់​ក្បឿង​មក​បុក​អំបុក​ទៅវិញ ដែល​អាច​ផលិត អំបុក​បាន​តាម​សេចក្តីត្រូវការ​របស់​អ្នកធ្វើដំណើរ ឆ្លងកាត់​បាន រីឯ​តំលៃ​អំបុក​លក់​ក្នុង​មួយ​កំប៉ុង​ត្រឹមតែ ១០០០ រៀល​តែប៉ុណ្ណោះ ព្រមទាំង​អាច​កុម្ម៉ង​តាម​ពិធីបុណ្យ​ផ្សេងៗ​បាន​។​
​លោក ពូ ម្នាក់​បាន​ឲ្យ​ដឹងថា អំបុក​ដែល​លក់​នៅទីនេះ សុទ្ធតែ​ស្រូវ​ថ្មី​ទើបតែនឹង​ច្រូត​មក ហើយ​យកមក​បុក លក់ មាន​ក្លិន​ឆ្ងុយឆ្ងាញ់ ធានាថា មិនមាន​ជាតិគីមី និង​លាយ​ពណ៌​អ្វី​នោះទេ អំបុក​អាចធ្វើ​ឲ្យ​សុខ​ភាពល្អ អាច​រក្សាទុក​បានយូរ​ថ្ងៃ​។ ប្រជាពលរដ្ឋ​នៅទីនេះ​អាច​រកចំណូលបាន​ក្នុង មួយថ្ងៃ​ចាប់ពី ២០០០០​រៀល​ដល់ ៥០០០០​ម៉ឺន​រៀល និង​ជា​មុខរបរ​ថ្មី​របស់​ប្រជាពលរដ្ឋ បន្ទាប់ពី​បានធ្វើ​ស្រែ​រួចរាល់ ជាពិសេស អំបុក​នេះ​មាន​លក់​គ្រប់​រដូវ​កាល​ទាំងអស់ ដោយសារតែ​ប្រជាពលរដ្ឋ​រស់នៅក្នុង​ខេត្តកំពង់ធំ បាន​ដាំ​ដំណាំ​ស្រូវ​ច្រើន​ប្រភេទ មាន​ទាំង​ស្រូវប្រាំង ស្រូវវស្សា ស្រូវប្រដេញទឹក អស់​មួយ​រដូវ​ដល់​មួយ​រដូវ ទើបបានជា​អំបុក​នៅទីនេះ​មាន​លក់​គ្រប់ពេលវេលា ជា​ចុងក្រោយ​លោក​បាន សំណូមពរ​ឲ្យ​អាជ្ញាធរខេត្ត ក៏ដូចជា អាជ្ញាធរ​មូលដ្ឋាន ព្រមទាំង​ភ្លៀវ​ជាតិ និង​អន្តរជាតិ ជួយ​គាំទ្រ​ជម្រុញ​ផលិតផល​ខ្មែរ ដែល​ផលិត​ដោយ​ដៃ​ផ្ទាល់ របស់​បងប្អូន​ប្រជាពលរដ្ឋ ឲ្យ​មាន​ទីផ្សារ​ទូលំទូលាយ​បន្ថែមទៀត ៕​ដោយ  អ៊ុង​សំអាត​

Copyright © 2010-2021 · អរិយធម៌ · All Rights Reserved.
Develop by Sek Sathya