ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ​គម្រោង​​ដេញ​ថ្លៃ​ធ្វើ​ផ្លូវ​៤​កន្លែង​ ​ស្រុកកំពង់សៀម​​ ថវិកា​ជាតិ​ជិត​៥០០លាន​ លោក ​ឡី មិច ​នាយករង​រដ្ឋ​បាល​ខេត្ត​កំពង់ចាម ​ដេញ​អ្នក​សារ​ព័ត៌មាន​ មិន​ឲ្យ​ថតរូប បង្កការភ្ញាក់ផ្អើ់លនៅកំពង់ចាម​  ||     មេឈ្មួញម្ចាស់ដេប៉ូឈើចាស់វស្សា មានជំនាញចាយលុយស្រុកត្បែងមានជ័យ អាងខ្នងបង្អែករឹងមាំ ហ៊ានធ្វើអ្វីៗស្រេចតែចិត្ត ដោយអាងអំណាចទឹកលុយ?​  ||     ល្បីលោក នូ និច មេប៉ុស្តិ៍នគរបាលការពារ ព្រំដែនច្រកដូនរ័ត្ន កំពុងឃុបឃិតគ្នា ជាមួយឈ្មួញឈ្មោះ ថៃ គា ឱ្យមានការដឹកជញ្ជូនផលអនុផលព្រៃឈើ ឆ្លងដែនទៅប្រទេសវៀតណាម​  ||     ល្បីឈ្មោះចែឡែន នៅតែប្រើរថយន្ត៣គ្រឿងដឹកជញ្ជូនឈើ យកទៅលក់នៅខេត្តកំពង់ធំ តែសមត្ថកិច្ច នៅតែធ្វើដេកលក់​  ||     រឿងអាស្រូវពុករលួយជាប្រព័ន្ធរបស់មេៗ នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប ត្រូវបានបណ្តាញព័ត៌មាននានាចុះផ្សាយជាបន្តបន្ទាប់​  ||   

» ព័ត៌មានជាតិ » លោក សេង លី និង​កូនចៅ ដៃ​ម្ខាង​ចាប់ ដៃ​ម្ខាង​កំពុង​ធ្វើ​កាប់បំផ្លាញ​ព្រៃឈើ​យ៉ាង​អនាធិបតេយ្យ​

លោក សេង លី និង​កូនចៅ ដៃ​ម្ខាង​ចាប់ ដៃ​ម្ខាង​កំពុង​ធ្វើ​កាប់បំផ្លាញ​ព្រៃឈើ​យ៉ាង​អនាធិបតេយ្យ​

​ក្រចេះ​៖ ប្រជាពលរដ្ឋ​ប្រមាណ​ជាង​១០០​គ្រួសារ កំពុង​រអ៊ូរទាំ អំពី​ភាព​អសកម្ម និង​ការយក​តួនាទី​របស់ខ្លួន​ធ្វើជា​មុខរបរ​កាប់បំផ្លាញ​ព្រៃឈើ យ៉ាង​អនាធិបតេយ្យ របស់លោក សេង លី ប្រធាន​សហគមន៍​ព្រៃឈើ (​សំពង់​) ស្ថិតនៅ​ស្រុក​សំបូរ ខេត្តក្រចេះ និង កូនចៅ ចំនួន​១០​នាក់​។​
​បើតាម​ប្រភព​ពត៌មាន ពី​ប្រជាពលរដ្ឋ​បានអោយដឹងថា សព្វថ្ងៃ លោក សេង លី តួនាទី​របស់ខ្លួន​ជា​ប្រធាន​សហគមន៍​ព្រៃឈើ (​សំពង់ )​បាន​ដើរ​ធ្វើការ​បង្ក្រាប​ម៉ាស៊ីន​ត្រង់​ស៊ឺន​រ័​អារឈើ របស់​ប្រជាពលរដ្ឋ ដែល​ពួកគាត់​ស្នើរ​សុំ អា​ឈើ​បន្តិច​ប​ន្ទួ​ច​ដើម្បី​ធ្វើ​ផ្ទះសំបែង​គ្រាន់​ជាទី​ជំរក​ក៏​ពុំបាន​ផង ទាល់តែ​មាន​លុយ​ឲ្យ​គាត់​ទើប​គាត់​ព្រម​ដោះលែង​។​
ជាក់ស្តែង​សូម្បីតែ ព្រះសង្ឃ​ស្នើសុំ អា​ឈើ បន្តិច​ប​ន្ទួ​ច​យកមក​ធ្វើ​វត្ត ធ្វើ​សាលាឆាន់ ក៏ត្រូវ​បាន​លោក​ប្រធាន​សហគមន៍​រូបនេះ បាន​ចាប់​ទាំង​គោយន្ត ទាំង​ឈើ​ចំនួន​៦​សន្លឹក យកមក​ដាក់​នៅផ្ទះ​រប​ស់​ខ្លួន ហើយ​បាន​ប្រាប់ថា បើ​គ្មាន​ពី ១០០​ដុល្លារ ទៅ ២០០ ដុល្លារ​ទេ កុំ​ស្មានថា​រួចខ្លួន អញ​នឹង​ចាប់​ទាំង​មនុស្ស​ដាក់គុក​ទៀត ទោះ​គោយន្ត​ក៏ត្រូវ​លោក សេង លី ឃាត់ទុក​នៅផ្ទះ​អស់​រយៈពេល​ជាច្រើន​ថ្ងៃ​ដែរ  រហូតដល់​មានការ​អន្តរាគមន៍​ពី​គណៈកម្មាធិកា​វត្ត ព្រះសង្ឃ ព្រមទាំង​ប្រជាពលរដ្ឋនៅក្នុង​ភូមិ និង​មន្ត្រី​ជំនាញ​រដ្ឋា​បាល​ព្រៃឈើ​សង្កាត់​សណ្តាន ទៅ​ជួយ​សំរបសំរួល ទើប​លោក សេង លី​ដោះលែង​គោយន្ត និង​៦​សន្លឹក​ឈើ​នោះ​វិញ​។​
បើតាម​សំដី​របស់​មន្ត្រីរដ្ឋបាល​ព្រៃឈើ​ដែល​បាន​ចុះទៅ​ផ្ទាល់ នៅ​កន្លែងកើតហេតុ​បាន​ប្រាប់​ប្រជាពលរដ្ឋ​ថា ចំនួន​ឈើ​៦​សន្លឹក​របស់​ព្រះសង្ឃ យកមក​ធ្វើ​សាលាឆាន់​មិនអាច​ចាប់ ឬ​ឃាត់ទុក​បាន​នោះទេ​ត្រូវតែ​ប្រគល់អោយ គណៈកម្មាធិកា​វត្ត យកទៅ​សាងសង់​បន្តទៀត​។​
​ពលរដ្ឋ​បាន​បង្ហើប​អោយដឹងទៀតថា បច្ចុប្បន្ននេះ លោក សេង លី ប្រធាន​សហគមន៍​ព្រៃឈើ​(​សំពង់​) កោះ​ច្បារ ស្រុក​សំបូរ ខេត្តក្រចេះ​កំពុងតែ​ដាក់​ម៉ាស៊ីន​ត្រង់​សឺ​ន​រ័​ចំនួន​៤​ទៅ​៥ គ្រឿង សំរាប់​អា​ឈើ​កូន​ក្រឡឹង​ប្រភេទ​ឈើ​ធ្ន​ង បេង និង​នាងនួន​ក្នុង ព្រៃ​សហគមន៍ ដឹក​តាម​រទេះក្របី និង​គោ​យកមក​ទំលាក់​នៅ​មាត់ទន្លេ ដើម្បី​ដាក់​ទូក កាណូត យកទៅលក់​បន្ត​នៅ​ទីរួមស្រុក​សំបូរ យ៉ាង​គគ្រឹកគគ្រេង​។​
​ប្រជាពលរដ្ឋ​បាន​អះអាង​គ្រប់ៗ​គ្នា​ថា បើ​ជំនាញ​រដ្ឋបាល​ព្រៃឈើ ឬ ក៏​អង្គការក្រៅរដ្ឋាភិបាល ដែល​ផ្តល់​សិទ្ឋិ និង​តួនាទី​អោយ​លោក សេង លី មិន​ជឿ​សូម​អស់លោក​ចុះមក​ពិនិត្យ​ដោយផ្ទាល់​ចុះ​។​
​ចុងក្រោយ​ប្រជាពលរដ្ឋ​ក៏​សំណូមពរ​ដល់ រាជរដ្ឋាភិបាល ក៏ដូចជា មន្ត្រី​ជំនាញ​ដែល​ជាប់​ពាក់ព័ន្ធ​ផ្នែក​រដ្ឋបាល​ព្រៃឈើ​ខេត្តក្រចេះ មេត្តា​ពិនិត្យមើល​លោក សេង​លី ប្រធាន​សហគមន៍​ព្រៃឈើ​(​សំពង់​) ដែល​កំពុង​ធ្វើ​ព្យុះ​ធ្វើ​ភ្ញៀ​ង នៅ​ស្រុក​សំបូរ ខេត្តក្រចេះ មក​ផ្តន្ទាទោស​តាមច្បាប់​ដើម្បី​ជាការ​ប្រមាន​កុំ​អោយមាន​អ្នកប្រព្រឹត្តិ​ដូចនេះ​តទៅទៀត​៕

ដោយ ឌឹម សឿន

Copyright © 2010-2021 · អរិយធម៌ · All Rights Reserved.
Develop by Sek Sathya