ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! មន្ត្រីមួយចំនួនសើមមាត់ ដោយសារអាចម៍ដី លក់ឲ្យឈ្មួញមួយហិកតា តម្លៃ ៣ម៉ឺនដុល្លារ?​  ||     លោក ឈួន សោភា ទៅកាន់តំណែងជាប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ , ធ្វើបាបនាយទាហាន ចាប់ឡានស្លាក(ខម) ដែលមានឯកសារពីក្រសួងការពារជាតិទៀត បង្កការភ្ញាក់ផ្អើល  នៅបន្ទាយមានជ័យ​  ||     ល្បី ! ឈ្មួញឈ្មោះ ចែស្រី សម្រុកដឹកជញ្ជូនឈើពីខេត្តព្រះវិហារ ចូលទៅខេត្តកំពង់ធំ​  ||     ភ្ញាក់ផ្អើល!  ឃុបឃិតគ្នា លួចកាយដីភ្នំលក់ ត្រូវក្រសួងរ៉ែនិងថាមពលចាប់ពិន័យ  ​  ||     មេៗគយនៅក្នុងខេត្តឧត្តរមានជ័យ ប្រព្រឹត្តអំពើពុករលួយយ៉ាងសុខស្រួល?​  ||   

» ព័ត៌មានជាតិ » ធុញ​ណាស់​ទូរទស្សន៍ប៉ុស្តិ៍​ណា​ក៏​ឃើញតែ​ផ្សាយ​អា​គ្រឿង​ស្រវឹង​ដែរ​

ធុញ​ណាស់​ទូរទស្សន៍ប៉ុស្តិ៍​ណា​ក៏​ឃើញតែ​ផ្សាយ​អា​គ្រឿង​ស្រវឹង​ដែរ​

​ភ្នំពេញ ៖ នៅតែ​បន្តិចទៀត ម្ចាស់​ក្រុម​ហ៊ុន​​ស្រា​ឬ​ស្រា​បៀរ​ផ្សេងៗ គេ​នាំគ្នា​ផ្សាយ​ឡង់សេ​ថា          «​ ផឹកស្រា​ឬ​ស្រា​បៀរ​អាច​ព្យា បាល​ជំងឺ​១០០​មុខ​បាន​ទៀតផង​ដែរ ក៏​មិន ដឹង​។ ដោយ​សព្វថ្ងៃនេះ​គេ​ខំ​ជួល ទូរទស្សន៍ វិទ្យុ កាសែតមួយចំនួន អួត​សុទ្ធតែ​ស្រាមាន រសជាតិ​ជ្រៅ ស្រា​បៀរ​ជាតិ មោទនភាពជាតិ ខ្ញុំ​ស្រឡាញ់​ភ្នំពេញ ស្រា​បៀរ​ខ្ញុំ​ជាដើម​។​ល​។​និង​។​ល​។​

តាមផ្លូវសុទ្ធតែស្លាកពាណិជ្ជកម្មស្រា និង ស្រាបៀរ

តាមពិតទៅ​វា​គ្មាន​ស្រា​ឬ​ស្រា​បៀ​រណា​ឈ្ងុយឆ្ងាញ់​ផ្អែម​ត្រជាក់ ដូច​ហូប​បង្អែម​ឬ​ផ្លែឈើ​នោះទេ គឺ ស្រា​និង​ស្រា​បៀរ​ទាំងនោះ មានតែ​ល្វីង​ជូរចត់​និង​ធ្វើ​ឲ្យ​អ្នក​ងប់ងុលទាំង នោះ ស្រវឹង​ខូចសុខភាព ប៉ុណ្ណោះ​។ ស្រា​និង​ស្រា​បៀរ​ទាំងអស់​មានតែ​ជំរុញ​ឲ្យ​កើន​នូវ​គ្រោះថ្នាក់​ចរាចរណ៍ ខូច​ក្រពះ ពោះវៀន ខូច​ប្រ​ម៉ាត់​និង​បំពង់ក​ទេ​។ គ្មាន​ស្រា​ឬ​ស្រា​បៀ​រណា​ជួយ​ជំនួយស្មារតី​ឲ្យ​អារម្មណ៍​ភ្លឺ​ថ្លា​និង មាន​សុខភាព​រឹងមាំ​នោះឡើយ​។​
មតិ​សាធារណជន​ជាច្រើន​នាំគ្នា​រិះគន់ថា «​ក្រុមហ៊ុនស្រា​ឬ​ស្រា​បៀរ​ទាំងនោះ​ខំ​អួត ដើម្បី​រក​ចំណូល ចូល​គ្រួសារ​ខ្លួន ហើយ​យកជាតិ​មក​ឡូកឡំ​ដូចជា​មិន​ទំនង​សោះ ឡើយ​»​។ មតិ​ទាំង​នោះបាន​លើក ឡើង​ទៀតថា បើ​យើង​ចុះ​ពី​ព្រលានយន្តហោះអន្តរ ជាតិ​ភ្នំពេញ​ភ្លាម យើង​ក្រឡេក​មក​ខាងឆ្វេង​ដៃ នោះ យើង​នឹង​ឃើញ​ប៉ាណូ​ផ្សាយ​ស្រា​បៀរ​មួយ​ផ្ទាំង​ដ៏​ធំ ដើម្បី​បង្អួត​ភ្ញៀវ​ជាតិ​និង​អន្តរជាតិឲ្យ​គេ​ស្ញប់ ស្ញែង​ថា «​ប្រទេសកម្ពុជា​ ពោរពេញ​ទៅដោយ​មនុស្ស​ផឹកស្រា​បៀរ​ច្រើនជាង​ប្រទេស​ណាៗ​ទាំងអស់ SiC »។  នេះ​ជា​មោទនភាព​ជាតិ​មែនទែន​លោក​អើយ​។​
ឥឡូវនេះ​ខណៈ​បើក​ទូរទស្សន៍​ភ្លែតបើក​ វិទ្យុ​ភ្លាម​ឬក៏​អាន​កាសែត​ឆ្វាច់ យើង​ថ្លង់និង ​ធុញ​អា​រឿង ផ្សាយ​ស្រា​ឬ​ស្រា​បៀរ​ទាំងអស់ នោះ​ខ្លាំងណាស់ ព្រោះ​ពួកគេ​អួត​ជ្រុលហួស ហេតុ​ពេក​។ ដូច្នេះហើយ នៅ​ថ្ងៃ​ខាងមុខ អាច​ពួកគេ​ប្រូ​ថា ផឹកស្រា​ឬ​ស្រា​បៀរ​របស់​ពួកគេ​អាច​ព្យាបាល​ជំងឺ​១០០​មុខ​បាន​ទៀត ផង​ក៏​មិនដឹង​។ ឡង់សេ​ថា ខ្ញុំ​ស្រឡាញ់​ភ្នំពេញ​ផឹក​ក្អួត​ប្រឡាក់​ពេញ​ផ្លូវ​។ មោទ នភាព​ជាតិ​ណាស់ ផឹក​ហើយ​បុក​ទ្រូង​ថ្នល់។  មានន័យ​ជ្រៅ​ណាស់ ផឹក​ហើយ​បុក​គេ​ងាប់​ជាប់គុក​ខ្លួនឯង​។ ដូច្នេះ​សូម អ្នក​ងប់ងុល​នឹង​ស្រា​ឬ​ស្រា​បៀរ​ទាំងអស់ ឈប់​ចាញ់​ប្រូ​ទៀត​ទៅ ហើយ​ងាក​មក​ចាប់អារម្មណ៍​ពាក្យថា «​កុំ​ឲ្យ​ឆ្កួត​បី ទី​១​ស្រា ទី​២​ស្រី ទី​៣ ល្បែង​» វិញ ទើប​ប្រពៃ​ជាង​។​
អ្នកមាន​ឪពុក​ប្តី​ប្រពន្ធ​កូនចៅ ដែល​កំពុង​ឈ្លក់​វង្វេង​ស្រើបស្រាល​អា​គ្រឿង​ស្រវឹង​ទាំងនោះ បាន អះអាងថា តើ​ដល់​ពេលណា​ទើប​រដ្ឋមន្ត្រី​ក្រសួងពាណិជ្ជកម្ម​និង​រដ្ឋមន្ត្រីក្រសួង​ព័ត៌មាន បញ្ឈប់​ឲ្យផ្សាយ​ អា​គ្រឿង​ស្រវឹង​ដ៏​មហា​សែន​គ្រោះថ្នាក់​នេះ​ទៅ​ន៎​? ពិសេស​សូម​ធ្វើ​ដូច​បារី​ទើប​ល្អឥតខ្ចោះ​។​
យុវជន​ជំនាន់​ក្រោយ សូម​ដាក់ពាក្យស្លោកថា «​ទីណា​មាន​បង​ទីនោះ​គ្មាន​ផ្សែង​បារី ទីណា​មាន​ប៉ា ទីនោះ គ្មាន​ធុំក្លិន​ស្រា​»៕
ដោយ​៖ តា​បណ្ឌិត​

Copyright © 2010-2021 · អរិយធម៌ · All Rights Reserved.
Develop by Sek Sathya