ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » សន្លឹក​ឆ្នោត​ជាង​១២លាន​សន្លឹក​កំពុង​ត្រូវផលិត​សម្រាប់​ការ​បោះឆ្នោត​​នីតិកាលទី៥

សន្លឹក​ឆ្នោត​ជាង​១២លាន​សន្លឹក​កំពុង​ត្រូវផលិត​សម្រាប់​ការ​បោះឆ្នោត​​នីតិកាលទី៥

ភ្នំពេញ៖គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) បាន​ឲ្យ​ដឹងថា សន្លឹក​ឆ្នោត​ចំនួន​ជាង​១២លាន​សន្លឹក សម្រាប់​ប្រើប្រាស់​ក្នុង​ការ​បោះឆ្នោត​ជ្រើស​តាំង​តំណាង​រាស្រ្ត​​នីតិកាល​ទី៥ នា​ថ្ងៃអាទិត្យ ទី២៨ ខែកក្កដា ឆ្នាំ​២០១៣​ខាង​មុខ កំពុង​ត្រូវ​បាន​បោះពុម្ព​ហើយ។

លេខរៀងគណបក្សនយោបាយសម្រាប់ ការ បោះឆ្នោតនៅខែកក្កដាខាងមុខ

លោក ទេព នីថា អគ្គលេខាធិការ គ.ជ.ប បាន​និយាយ​នៅ​ក្នុង​សេចក្តី​ថ្លែង​ការណ៍​ចុះ​ថ្ងៃទី១១ ខែមិថុនា ឆ្នាំ​២០១៣​ថា សន្លឹក​ឆ្នោត​ចំនួន ១២,៣០៧,១៥០ សន្លឹក ស្មើ​នឹង ២៤៦,១៤៣ ក្បាល កំពុង​​ផលិត​​ដោយ​រោង​ពុម្ព​មួយ​របស់​ក្រុមហ៊ុន លី វ៉ាន់ហុង ដែល​មាន​ទីតាំង​ស្ថិត​នៅ​ផ្ទះ​លេខ៩ ផ្លូវ ៣៤៥ សង្កាត់​បឹងកក់ទី១ ខណ្ឌ​ទួលគោក រាជធានី​ភ្នំពេញ។

លោក ទេព នីថា បាន​បញ្ជាក់​ថា ចំនួន​សន្លឹក​ឆ្នោត​ដែល​ត្រូវ​ផលិត​​នេះ គឺ​ផ្អែក​តាម​ចំនួន​អ្នក​បោះឆ្នោត​នៅ​ក្នុង​បញ្ជី​បោះឆ្នោត​ផ្លូវ​ការ​ឆ្នាំ​២០១២ ដែល​មាន​ចំនួន ៩,៦៧៥,៤៥៣ នាក់ បូក​បន្ថែម​នឹង​សន្លឹក​ឆ្នោត​បម្រុង។

បើ​តាម​សេចក្តី​ប្រកាស​ព័ត៌មាន សន្លឹក​ឆ្នោត​ចំនួន ១១,០៨២,៤០០​ សន្លឹក នឹង​ត្រូវ​គេ​ប្រើប្រាស់​សម្រាប់​ការិយាល័យ​បោះឆ្នោត​ចំនួន ១៩,០០៩ ការិយាល័យ​ទូទាំង​ប្រទេស​​នៅ​ថ្ងៃ​បោះឆ្នោត។ ហើយ​សន្លឹក​ឆ្នោត​បម្រុង​​ចំនួន ១,២២៤,៧៥០​សន្លឹក នឹង​ត្រូវ​រក្សា​ទុក​នៅ​គណៈកម្មការ​រាជធានី ខេត្ត​រៀបចំ​ការ​បោះឆ្នោត (គធ/ខប)៕

Copyright © 2010-2021 · អរិយធម៌ · All Rights Reserved.
Develop by Sek Sathya