ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » ក្រុមហ៊ុន ខេ ស៊ី​មេន ប្រកាស​បើក​ការប្រកួត “​កំពូល​អ្នក​ប្រដាល់​ជើងឯក ខេ​ស៊ី​មេន វគ្គ 4” ​

ក្រុមហ៊ុន ខេ ស៊ី​មេន ប្រកាស​បើក​ការប្រកួត “​កំពូល​អ្នក​ប្រដាល់​ជើងឯក ខេ​ស៊ី​មេន វគ្គ 4” ​

ភ្នំពេញ​៖​ឆ្លើយតប​ទៅនឹង​ការគាំទ្រ​យ៉ាងខ្លាំង​ពី​សំណាក់​អ្នក​ស្នេហា​វិស័យ​កីឡាប្រដាល់​បុរាណ​ខ្មែរ​ជាតិ និង​អន្តរជាតិ ក្នុង​ព្រឹត្តិការណ៍ “​កំពូល​អ្នក​ប្រដាល់​ជើងឯក ខេ​ស៊ី​មេន វគ្គ 1, 2 និង​3” បី​រដូវ​កាល​ជាប់ៗ​គ្នា​កន្លងមក​កាលពី​ថ្ងៃទី 17 ខែតុលា ឆ្នាំ 2013​កន្លងទៅនេះ ក្រុមហ៊ុន ខេ ស៊ី​មេន បានរៀបចំ​សន្និសីទកាសែត​មួយ​នៅ​ស្ថានីយ៍ទូរទស្សន៍ ស៊ី​ធី
​អិន ដោយមាន​ការអញ្ជើញ​ចូលរួម​ជា​កិត្តិយស​ពី​សំណាក់​តំណាង ក្រុមហ៊ុន ខេ​ស៊ី​មេន សហព័ន្ធ​កីឡាប្រដាល់​កម្ពុជា និង​បណ្តាញ​ទូរទស្សន៍​កម្ពុជា​ស៊ី​ធី​អិន​ដើម្បី​ប្រកាស​ពី​ការឧបត្ថម្ភ​ទាំងស្រុង​ចំពោះ​កម្មវិធី​ប្រដាល់​ក្បាច់គុន​បុរាណ​ខ្មែរ “​កំពូល​អ្នក​ប្រដាល់​ជើងឯក ខេ​ស៊ី​មេន វគ្គ 4”​។​
​គួរ​រំលឹក​ផងដែរ​ថា នេះ​ជា​ព្រឹត្តិការណ៍​ដ៏​ធំ​មួយ​នៅក្នុង​ប្រវត្តិសាស្ត្រ​កីឡាប្រដាល់​កម្ពុជា ដែល​បាន​កើតឡើង​ដោយ​កិច្ចសហប្រតិបត្តិកា​រយ៉ា​ង​ជិតស្និទ្ធ​រវាង ក្រុមហ៊ុន ខេ ស៊ី​មេន សហព័ន្ធ​កីឡាប្រដាល់​កម្ពុជា និង​បណ្តាញ​ទូរទស្សន៍​កម្ពុជា ស៊ី​ធី​អិន ដោយបាន​នាំមក​នូវ​កីឡាករ​ទម្ងន់ 60​គីឡូក្រាម ចំនួន 8 រូប​ដើម្បី​ធ្វើការ​ប្រកួត​អង្រួន​សង្វៀន​ប្រកបដោយ​ភាពស្វិតស្វាញ សម្រាប់​អ្នក​ស្នេហា​វិស័យ​កីឡាប្រដាល់​គុន​ខ្មែរ​ទាំងអស់​រីករាយ​ទស្សនា​កំសាន្ត​ដោយ​សេរី រៀងរាល់ថ្ងៃ​អាទិត្យ ចាប់ពី​ម៉ោង 1.00 នាទី រសៀល រហូតដល់​ម៉ោង 1.30 នាទី​រសៀល​ចាប់ពី​ថ្ងៃទី 27​ខែតុលា ឆ្នាំ 2013 នេះ​តទៅ នៅ​សង្វៀន ស៊ី​ធី​អិន ឬ​ស្សី​កែវ​។ កីឡាករ​ទាំង 8 រូប​ដែល​នឹងត្រូវ​ចូលរួម​ប្រកួត​រួមមាន​៖ កីឡាករ ទេស​សំខាន់ នេន វណ្ណា វៀត ប៊ុន​ឌឿ​ន ង៉ែត រដ្ឋា ឆាយ​មាស នឿន សាវ​ឌី ផាន សារុន និង​កីឡាករ សល់ ពិសិដ្ឋ​។​
​នៅក្នុង​សន្និសីទកាសែត​នោះ ក៏មាន​ការចាប់​គូ​កីឡាករ​ដែល​នឹងត្រូវ​ចូលរួម​ប្រកួត ការថតរូប​អនុស្សាវរីយ៍ និង​ការ​ថ្លែង​សុន្ទរកថា​របស់​តំណាង ក្រុមហ៊ុន ខេ ស៊ី​មេន បណ្តាញ​ទូរទស្សន៍​កម្ពុជា​ស៊ី​ធី​អិន និង​សហព័ន្ធ​កីឡាប្រដាល់​កម្ពុជា​ផងដែរ​។ លោក គិត គឹម​អ៊​ន​ប្រធាន​ផ្នែក​លក់ និង​ជា​តំណាង​របស់​ក្រុមហ៊ុន ខេ ស៊ី​មេន បាន​មានប្រសាសន៍ថា “​ក្រុមហ៊ុន ខេ ស៊ី​មេន មាន​សេចក្តីសោមនស្ស​រីករាយ និង​ចង់ឃើញ​កម្ពុជា​អភិវឌ្ឍ​ទៅមុខ​ដោយ​ភាពរឹងមាំ និង​មាន​និរន្តរភាព​ជាមួយ​សមិទ្ធិផល​ថ្មីៗ​ជាច្រើន​បន្ថែមទៀត ជាទី​មោទនភាព​សម្រាប់​ជាតិ ដោយ​បន្ត​រក្សា​នូវ​អត្តសញ្ញាណ​ជាតិ​ឲ្យ​បាន​គង់វង្ស​ជា​និរន្តរ៍​។ ហេតុនេះហើយ​ទើប​ក្រុមហ៊ុន​បន្ត​ការឧបត្ថម្ភ​ទាំងស្រុង​សម្រាប់​ព្រឹត្តិការណ៍​កីឡាប្រដាល់​ដ៏​អស្ចារ្យ​នេះ ដើម្បី​បន្ត​រក្សា​ឲ្យ​បាន​និង​ផ្សព្វផ្សាយ​ឲ្យ​កាន់តែ​ទូលំទូលាយ​ថែមទៀត​នូវ
​មរតក​ក្បាច់គុន​បុរាណ​ខ្មែរ​ទៅកាន់​សកលលោក​”​។ តំណាង​សហព័ន្ធ​កីឡាប្រដាល់​កម្ពុជា លោក តែម ម៉ឺន បាន​ថ្លែងថា “​ការបង្កើត​កម្មវិធី ជាការ​លើកទឹកចិត្ត​មួយ​ដល់​កីឡាករ​ប្រដាល់​កម្ពុជា​ហើយ​លោក​ស្នើរ​ឱ្យ​កីឡាករ​ទាំងអស់​ប្រឹងប្រែង​ឱ្យអស់​ពី​លទ្ធភាព​ដើម្បីឱ្យ​ប្រកួត​នាពេលខាងមុខ ហើយ​អ្នកចាញ់​ទទួលស្គាល់​ទាំងអស់​ចិត្ត ហើយ​អ្នកឈ្នះ​ពិតជា​ឈ្នះ​ដោយ​យុត្តិធម៌​”​។ ចំណែក​លោក លឹម គឹម​ស្រ៊ុន ដែលជា​តំណាង​របស់​បណ្តាញ​ទូរទស្សន៍​កម្ពុជា ស៊ី​ធី​អិន បាន​បន្ថែមថា “​នេះ​ជា​ព្រឹត្តិការណ៍​ដ៏​ធំ​មួយ​ដែល​បង្ក​ឲ្យ​អ្នក​ប្រដាល់ ចំនួន ៨ រូប​ត្រូវ​ប្រ​គួ​ត​ប្រជែង​គ្នា​យក​រង្វាន់​ដែល​អាចជួយ​កែប្រែ​ជីវភាព​បាន និង​ជួយ​លើក​កំពស់​វិស័យ​កីឡា​ផងដែរ​”​។​
​ជា​ចុងក្រោយ​និង​ជាថ្មី​ម្តងទៀត សូម​ប្រិយមិត្ត​អ្នក​ស្នេហា​វិស័យ​កីឡាប្រដាល់​ក្បាច់គុន​បុរាណ​ខ្មែរ​ទាំងអស់​កុំ​ខកខាន​ចូលរួម​ទស្សនាការ​ប្រកួត កំពូល​អ្នក​ប្រដាល់​ជើងឯក ខេ​ស៊ី​មេន វគ្គ 4 ដែល​មាននៅ​ស្ថានីយ៍ទូរទស្សន៍ ស៊ី​ធី​អិន តែមួយគត់ ដើម្បី​តាមដាន​ថា​តើ​កីឡាករ​រូប​ណា​ដែលជា​ជើងឯក​ក្នុងចំណោម​ជើង​ខ្លាំង​ទាំង 8 រូប​។ ការចូលរួម​ទស្សនា​របស់លោក​អ្នក គឺជា​ការជួយ​គាំទ្រ​កីឡាប្រដាល់​ក្បាច់គុន​បុរាណ​ខ្មែរ​របស់​យើង​៕

Copyright © 2010-2021 · អរិយធម៌ · All Rights Reserved.
Develop by Sek Sathya