ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 បើកសង្វៀនបញ្ជល់មាន់ ទ្រង់ទ្រាយធំដំណើរការយ៉ាងរលូន  ម្ចាស់សៃវៀន ឈ្មោះ វណ្ណ នៅកំពង់ចាម​  ||     ល្បីរឿងលោក អ៊ុំ វុទ្ធទី និងបក្ខពួក ឆបោកលុយ ពីជនរងគ្រោះប្រមាណជាង ៣១ម៉ឺនដុល្លារ  ព្រោះតែ….  នៅភ្នំពេញ​  ||     ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||   

» Breaking News, ព័ត៌មានជាតិ » ត្រាស់បង្គាប់ តែងតាំង​លោក ញឹក ប៊ុនឆៃ ត្រូវបាន​ព្រះមហាក្សត្រ​ខ្មែរ តែងតាំង​ជាទី​ប្រឹក្សា​រាជរដ្ឋាភិបាល ឋានៈ​ស្មើ​ឧបនាយករដ្ឋមន្ត្រី​

ត្រាស់បង្គាប់ តែងតាំង​លោក ញឹក ប៊ុនឆៃ ត្រូវបាន​ព្រះមហាក្សត្រ​ខ្មែរ តែងតាំង​ជាទី​ប្រឹក្សា​រាជរដ្ឋាភិបាល ឋានៈ​ស្មើ​ឧបនាយករដ្ឋមន្ត្រី​

    ​
​ភ្នំពេញ​៖ ព្រះរាជក្រឹត្យ​របស់​ព្រះមហាក្សត្រ ចុះ​ថ្ងៃទី​១ ខែតុលា ឆ្នាំ​២០១៣ បាន​ត្រាស់ បង្គាប់​តែងតាំង​លោក ញឹក ប៊ុនឆៃ អគ្គលេខាធិការ​គណបក្ស​ហ្វ៊ុនស៊ិនប៉ិច ជាទី​ប្រឹក្សា​រាជរដ្ឋាភិបាល ឋានៈ​ស្មើ​ឧបនាយករដ្ឋមន្ត្រី បន្ទាប់ពី​អតីត​មេទ័ព​រាជានិយម​មួយ​នេះ បាត់​ឱកាស​ជា​អ្នកតំណាងរាស្ត្រ​នៅ​នីតិកាល​សភា​ទី​៥​នេះ​។

​ចាប់តាំងពី​ចងសម្ព័ន្ធភាព​យ៉ាង​ស្និទ្ធ​ជាមួយនឹង​គណបក្ស​ប្រជាជន​ដែល​ដឹកនាំ​ដោយ​សម្តេច​​តេ​ជោ ហ៊ុន សែន រួចមក លោក ញឹក ប៊ុនឆៃ ត្រូវបានតែងតាំង​ជា​ឧបនាយក​រដ្ឋ​មន្ត្រី ចាប់តាំងពី​ក្រោយ​ការបោះឆ្នោត​ឆ្នាំ​២០០៣ និង​ឆ្នាំ​២០០៨​។ ក៏ប៉ុន្តែ​សម្រាប់​រដ្ឋាភិ​បាល​​អាណត្តិ​ទី​៥ នេះ លោក ញឹក ប៊ុនឆៃ និង​មន្ត្រីជាន់ខ្ពស់​របស់​គណ​បក្ស​ហ្វ៊ុន​ស៊ិនប៉ិច​ផ្សេងទៀត មិនត្រូវ​បានតែងតាំង​ជា​ឧបនាយករដ្ឋមន្ត្រី ទេសរដ្ឋមន្ត្រី រដ្ឋលេខាធិការ និង​អនុរដ្ឋលេខាធិការ ក្នុង​រដ្ឋាភិបាល​ទៀត​ទេ ព្រោះ​គណបក្ស​ហ្វ៊ុនស៊ិនប៉ិច របស់លោក ញឹក ប៊ុនឆៃ មិន​ទទួលបាន​អាសនៈ​មួយ​សោះឡើយ ក្នុងការ​បោះឆ្នោតជាតិ កាលពី​ថ្ងៃទី​២៨ កក្កដា ឆ្នាំ​២០១៣​។​

អគ្គលេខាធិការ​គណបក្ស​រាជានិយម​ហ្វ៊ុនស៊ិនប៉ិច លោក ញឹក ប៊ុនឆៃ ត្រូវបានតែងតាំង​ជាទី​ប្រឹក្សា​រាជរដ្ឋាភិបាល ដោយមាន​ឋានៈ​ស្មើនឹង​ឧបនាយករដ្ឋមន្ត្រី ព្រះរាជក្រឹត្យ​ដែល​តែងតាំង លោក​ញឹក ប៊ុនឆៃ ត្រូវបាន​ព្រះមហាក្សត្រ​ឡាយព្រះហស្តលេខា នៅ​ថ្ងៃទី​០១ ខែតុលា ឆ្នាំ​២០១៣​នេះ ដោយ​ធ្វើឡើង​តាម​សំណើ​របស់​លោកនាយករ​ដ្ឋ​មន្ត្រី ហ៊ុន សែន ។​
​លោក ញឹក ប៊ុនឆៃ គឺជា​អគ្គលេខាធិការ​គណបក្ស​ហ្វ៊ុនស៊ិនប៉ិច ហើយ​ប្រធាន​របស់​គណ​បក្ស​​រាជានិយម​នេះ គឺ​សម្ដេច​រាជបុត្រី នរោត្តម អរុណ រស្មី ដែលជា​ព្រះរាជា​បុត្រី​ពៅ​នៃ​អតីតព្រះមហាក្សត្រ សម្ដេចឪ នរោត្តម សីហនុ​។​

​បញ្ជាក់ថា គណបក្ស​ហ្វ៊ុនស៊ិនប៉ិច ដែល​ចូលរួម​ប្រកួតប្រជែង​សន្លឹកឆ្នោត នៅក្នុង​ការ​បោះ​ឆ្នោត​​ជ្រើសតាំង​តំណាងរាស្ត្រ​អាណត្តិ​ទី​៥ ថ្ងៃទី​២៨ ខែកក្កដា​កន្លងមក មិន​ទទួលបាន​អាសនៈ​មួយ​ឡើយ​។ មកដល់ពេលនេះ ស្រាប់​គេ​ឃើញ​មាន​ព្រះរាជក្រឹត្យ​តែមួយគត់​ដែល​ទាក់ទង​នឹង​ការតែងតាំង​មន្ត្រីជាន់ខ្ពស់​គណបក្ស​ហ្វ៊ុនស៊ិនប៉ិច គឺ​លោក ញឹក ប៊ុនឆៃ ធ្វើជា​មន្ត្រី​រាជ​ដ្ឋា​ភិ​បាល​នៃ​អាណត្តិ​ថ្មី របស់​សម្តេចនាយករ​ដ្ឋ​មន្ត្រី ហ៊ុន សែន​៕ដោយ៖ មករាតូច

Copyright © 2010-2021 · អរិយធម៌ · All Rights Reserved.
Develop by Sek Sathya