ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||     ប្រជាពលរដ្ឋជាង៣០គ្រួសារ មានការព្រួយបារម្ភ ខណៈដែលមន្ត្រីបរិស្ថានដែនជម្រកសត្វព្រៃភ្នំឱរ៉ាល់ ប្រុងលើកគ្នាទៅដកបង្គោលរបងដីស្រែចំការរបស់ពួកគាត់ទាំងបំពាន​  ||   

» Breaking News, ព័ត៌មានជាតិ » មន្ទីរ​ឧស្សាហកម្ម​ខេត្តកោះកុង​​ប្រជុំ​បិទទ្វារ​​ខ្លាច​ភាយ​ក្លិន​អសោច​ចេញ​ក្រៅ​ ​

មន្ទីរ​ឧស្សាហកម្ម​ខេត្តកោះកុង​​ប្រជុំ​បិទទ្វារ​​ខ្លាច​ភាយ​ក្លិន​អសោច​ចេញ​ក្រៅ​ ​

កោះកុង​៖ ភាពមិនប្រក្រតី​ជាច្រើន​របស់​ក្រុមហ៊ុន​ទឹក​និង​ភ្លើង​ឯកជន ដែលមាន​ជនជាតិ​ថៃ​ផ្តាច់មុខ បានធ្វើ​ឲ្យ មានប្រតិកម្ម​ពី​ប្រជាពលរដ្ឋ​រស់នៅក្នុង​ស្រុក​មណ្ឌលសីមា និង​ក្រុង​ខេមរភូមិន្ទ ខេត្តកោះកុង ព្រោះតែ​ឈ្មួញ​ថៃ ឈ្មោះ​សុ ផា​ផា និង​ឈ្មួញ​ខ្មែរ​ឈ្មោះ​ប៊ុន ថន បាន​យកលុយ​លើសពី​សៀវភៅ​បន្ទុក​របស់​សាលាខេត្ត ដោយ​ទឹក កំណត់​ឲ្យ​យក​ជា​លុយ​ខ្មែរ​ក្នុង​១​ម៉ែត្រគូប​១៨០០​រៀល តែ​ឈ្មួញ​ថៃ​យក​ជាង​២០០០​រៀល រីឯ​ភ្លើង​កំណត់​ឲ្យ​យក ៦៥០​រៀល បែរជា​ឈ្មួញ​ថៃ​យក​២០​បាត​ជិត​៣០០០​រៀល​។​
ដោយមាន​ការតវ៉ា​ជា​ញឹកញាប់ និង​សុំ​ឲ្យ​អាជ្ញាធរ​ពាក់ព័ន្ធ​ជួយ​ដោះស្រាយ​នោះ ទើប​គេ​ឮ​ខាង​មន្ទីរ​ឧស្សាហកម្ម រ៉ែ​និង​ថាមពល​ខេត្ត ប្រជុំ​បិទទ្វារ​កាលពី​ថ្ងៃ​ទី​១០ ខែតុលា​ឆ្នាំ​២០១៣ រក​ដំណោះស្រាយ​ឲ្យ​ប្រជាពលរដ្ឋ​ស្ងប់ចិត្ត ព្រោះ​អី​កន្លងមក​ទំនងជា​មានការ​ត្រូវដង ត្រូវផ្លែ​គ្នា ជាមួយ​ឈ្មួញ​បានជា​មិនមាន​ដំណោះស្រាយ​។ អ្វី​ដែលមាន ជំលោះ
​ជ្រាលជ្រៅ​នោះ គឺ​ក្រុមហ៊ុន​ថៃ ឈ្មោះ Duty Free Shop បានគិត​លុយ​ទឹក លុយ​ភ្លើង ជា​ប្រាក់​បាត ដោយ​លុយ​ខ្មែរ​គេ​មិន​ទទួល​ទេ​។ ភ្លើង​តម្លៃ​សាលាខេត្ត​ដាក់​ឲ្យ​លក់​ក្នុង​តារាង​គឺ​៦៥០​រៀល ក្នុង​១​គីឡូវ៉ាត់ម៉ោង តែ​ពួក​ថៃ​យកទៅលក់​ក្នុងតម្លៃ​២០​បាត ស្មើនឹង​ជាង​៣០០០​រៀល ។ រីឯ​ទឹក​ឲ្យ​លក់​ក្នុងតម្លៃ​១៨០០​រៀល ពួក​ថៃ លក់​ឲ្យ​ខ្មែរ​ក្នុងតម្លៃ​១៨​បាត ស្មើនឹង​ជាង​២០០០​រៀល​។ ក្នុង​កិច្ចប្រជុំ​បិទទ្វារ​នោះ ឮ​គេ​ប្រាប់ថា ខាង​មន្ទីរ ឧស្សាហកម្ម​រ៉ែ​និង​ថាមពល​ខេត្ត គឺ​ត្រូវ​ឲ្យ​ក្រុមហ៊ុន​ថៃ​នោះ​លក់​យក​ជា​លុយ​ខ្មែរ តែ​គិត​អត្រា​ប្តូរប្រាក់​ជា​ប្រាក់ បាត​។​
ប្រជាជន​និយាយថា គ្មាន​គិត​ជា​លុយ​បាត​លុយ​ស្អី​នោះទេ គឺ​សាលាខេត្ត​ឲ្យ​បង់​ជា​លុយ​ខ្មែរ ប៉ុន្មាន​ត្រូវ​បង់​ប៉ុន នោះ​ហើយ បើ​ថៃ​មិន​ព្រម​ទេ កុំមក​រកស៊ី​ស្រុក​ខ្មែរ​អី​។ គេ​ឆ្ងល់​ថា នាពេល​កន្លងមក​នៅពេល​ដែល​ក្រុមហ៊ុន​ថៃ នោះ ធ្វើ​ខុសពី​កិច្ចសន្យា​ពី​តារាង​របស់​សាលាខេត្ត ហេតុអ្វី​មិន​ចាត់ការ​ឬមួយ​ដឹង​ហើយ ឮ​ហើយ សម្ងំ​សើម​មាត់​ដែរ នោះ​?
ប្រជាជន​ដាក់​ការសង្ស័យថា នេះ​មកពី​អាជ្ញាធរ​ពាក់ព័ន្ធ​មានការ​ឃុបឃិត ទើប​ឈ្មួញ​ថៃ​គេ​ហ៊ាន​ព្រហើន យ៉ាងនេះ ព្រោះ​ខ្មោច​ស្រុក​ឲ្យ​ដៃ រឿង​អី​ខ្មោច​ព្រៃ​មិន​ហ៊ាន​នោះ​។ ទោះជា​យ៉ាងណាក្តី​គេ​សង្ឃឹមថា កិច្ចប្រជុំ​បិទ ទ្វារ​នឹង​គិតតែ​ប្រយោជន៍​ជាតិ ប្រយោជន៍​ប្រជាជន​ទៅ​ចុះ​។ ម្យ៉ាងវិញទៀត សូម​ឲ្យ​ការប្រជុំ​នោះ​ភាយ​ចេញ​នូវ ក្លិន​ក៏​សែន​ក្រអូប
ទុកជា​ចំណង​ដៃដល់​ប្រជាជន​ក្នុងស្រុក​មណ្ឌលសីមា និង​ប្រជាជន​ក្នុង​ក្រុង​ខេមរភូមិន្ទ​៕
​ដោយ​៖​តា​បណ្ឌិត​

Copyright © 2010-2021 · អរិយធម៌ · All Rights Reserved.
Develop by Sek Sathya