ភ្នំពេញ ៖ នៅវេលាម៉ោង១០ ព្រឹកថ្ងៃទី១១ ខែតុលា ឆ្នាំ២០១៣ មានកម្មករសំណង់ម្នាក់ បានធ្លាក់ពីអគារ សំណង់ខុនដូ ស្លាប់ ក្រោយបញ្ជូនទៅកាន់មន្ទីរពេទ្យកាល់ម៉ែត ដើម្បីជួយសង្គ្រោះ ក្នុងករណីនេះបង្កឲ្យមានភាពភ្ញាក់ផ្អើររងវាងក្រុមកម្មសំណង់តែប៉ុន្មានាក់ប៉ុណ្នោះដែលបានដឹង។
ស្ថិតក្នុងសំណង់ដ៏ស្កឹមស្កៃ សាងសង់មិនទាន់រួច តាមបណ្តោយ ផ្លូវលេខ៨៤ កែងផ្លូវ៦៣ ក្នុងភូមិ៨ សង្កាត់ស្រះចក ខណ្ឌដូនពេញ ប្រភពព័ត៌មានពីកម្មករ សំណង់ម្នាក់ បាននិយាយ សុំមិនបញ្ចេញឈ្មោះថា លោក ផាន ទូច អាយុ៣៥ឆ្នាំ ស្រុកកំណើតនៅភូមិបបោង ឃុំជោគជ័យ ស្រុកពាមរ ខេត្តព្រៃវែង ត្រូវបានកម្មកររួមការងារ ជួយសង្គ្រោះ ប៉ុន្តែការសង្គ្រោះមិនបានលទ្ធផល ពោលគឺជនរងគ្រោះបានស្លាប់ ក្រោយពេល បញ្ជូនទៅកាន់មន្ទីពេទ្យកាល់ម៉ែត បានបន្តិច ។
កម្មកររងគ្រោះរូបនេះត្រូវបាន សាច់ញាតិបញ្ជូន ទៅស្រុកកំណើតភ្លាមៗ បន្ទាប់ពីគ្រូពេទ្យ បានអះអាងថា ជនរងគ្រោះបានស្លាប់ តាំងពីធ្លាក់ភ្លាមៗនោះ ។
កម្មករដដែលបាននិយាយបន្តថា រហូតមកទល់និងពេលនេះ ក្រុមសាច់ញាតិជនរងគ្រោះ មិនទាន់ទទួលបាន សំណងពេញលេញ នៅឡើយទេ ខណៈដែលជីវភាព របស់ពួកគាត់ស្ថិតក្នុងសភាពយ៉ាប់យឺន ។
នាយករងរដ្ឋបាលខណ្ឌដូនពេញ លោក ហែម ឬទ្ធី បានបញ្ជាក់ថា លោកមិនបានដឹងទេ រឿងនេះខណៈដែលលោកកំពុងជាប់ប្រជុំដូចគ្នា ។
អភិបាល ខណ្ឌដូនពេញ លោក សុខ សម្បត្តិ នៅថ្ងៃ១២ ខែតុលា មិនអាចទំនាក់ទំនង សំការបំភ្លឺបានទេ ដោយ ទូរស័ព្ទចូលលោក បានប្រាប់ថា កំពុងជាប់ប្រជុំ ។
សូមបញ្ជាក់ថា សំណង់ខុនដូរដែលមានកម្ពស់ជាង១០ជាន់ ស្ថិតនៅ មុខមន្ទីពេទ្យកាល់ម៉ែត តាមបណ្តោយ ផ្លូវលេខ៨៤កែងផ្លូវ៦៣ ក្នុងភូមិ៨ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីជិត ១ឆ្នាំមុន ធ្លាប់កម្មករធ្លាក់ស្លាប់ម្តងរួចទៅហើយ ប៉ុន្តែអាជា្ញធរ មិនបានបង្កើត គណៈកម្មការចម្រុះ ចុះត្រួតពិនិត្យនិងស៊ើបអង្គេតនោះទេ យើងនឹងរង់ចាំមើលថា ករណីចុងក្រោយនេះ អាជ្ញាធរដោះស្រាយយ៉ាងណានោះ៕
