ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » នាយផ្នែក​រដ្ឋបាល ព្រៃឈើ​ព្រែក​ប្រសព្វ បើកដៃ​ឲ្យ​មេ​ឈ្មួញ ​

នាយផ្នែក​រដ្ឋបាល ព្រៃឈើ​ព្រែក​ប្រសព្វ បើកដៃ​ឲ្យ​មេ​ឈ្មួញ ​

ក្រចេះ​៖ លោក បណ្ឌិត ឆេង គឹម​ស៊ុន ប្រតិភូ​រាជរដ្ឋាភិបាល ទទួលបន្ទុក ប្រធាន​រដ្ឋបាល​ព្រៃឈើ បានធ្វើ​ការព្រមាន ដល់​មន្ត្រីរដ្ឋបាល​ព្រៃឈើ កាលពី​ចុងខែ​កញ្ញា ក្នុងឱកាស​អញ្ជើញ​បិទ​វគ្គ​បណ្តុះបណ្តាល​មន្ត្រីរដ្ឋបាល​ព្រៃឈើ ដោយ​លោក​ព្រមាន​ចំៗ ដល់​មន្ត្រីរដ្ឋបាល​ព្រៃឈើ​ខេត្តក្រចេះ ដែល​មិនចេះ​ទទួលខុសត្រូវ និង​អនុវត្ត​ការងារ​ឲ្យ​បាន
ត្រឹមត្រូវ​តាមច្បាប់​និង​បណ្តែតបណ្តោយ ឲ្យ​បទល្មើស ព្រៃឈើ​មានការ​កើនឡើង ។
​លោក ក៏បាន​ព្រមាន​យ៉ាង​ដាច់ខាត ចំពោះ​មន្ត្រី​ថ្នាក់ក្រោម​ដែល មិន​ព្រម អនុវត្ត​កិច្ចការងារ​បណ្តែតបណ្តោយ​ឲ្យ មាន​បទល្មើស​ព្រៃឈើ​កើតមាន​បន្ត មន្ត្រី​នោះ​ត្រូវ​ទទួលទោស ឬ​ត្រូវធ្វើ​ការប្តូរ​ចេញពី​តំណែង​។
​ប្រភព​បាន​ឲ្យ​ដឹង​ទៀតថា ក្រុម​ឈ្មួញ​ដែល​រក ស៊ី​ដឹកជញ្ជូន​ឈើ​ប្រណីត ត្រូវបាន​គេ ស្គាល់​ជា​ថៅកែ រោងចក្រ​ផលិត​ទឹក​បរិ​សុ​ទ្ឋ​មួយកន្លែង​យីហោ (​ម៉េង​ហេង​) ស្ថិតនៅ សង្កាត់​រកា​កណ្តាល ក្រុង​ក្រចេះ ឈ្មោះ ប្រុស ( ហៅ​ប្រុស​ខ្ញី ) ។ ពាក់ព័ន្ធ​នឹង​បទល្មើស​ដែល​កើតមានឡើង​យ៉ាង​គ​គ្រើ​ក​គគ្រេង នៅក្នុង​ស្រុក​សំបូរ ដែល​ស្ថិតនៅក្រោម
​ការគ្រប់គ្រង​របស់លោក អ៊ុយ ស្រី បើកដៃ​ឲ្យ​ពួក​ឈ្មួញ​យ៉ាងនេះ លោក សូ​យ សា​រិ​ទ្ធិ នាយ​ខណ្ឌ​រដ្ឋបាល​ព្រៃឈើ​ក្រចេះ​ហាក់ដូចជា មិនមាន​ចំណាត់ការ ចំពោះ​មន្ត្រីក្រោមឱវាទ របស់ខ្លួន​ឡើយ ប្រហែលជា​បានទទួល​លាភ សក្ការៈ​ដែរ​ហើយ​មើលទៅ ទើប​សម្ងំស្ងៀម​យ៉ាងនេះ​។
​ប៉ុន្តែ លោក អ៊ុយ ស្រី នាយផ្នែក​រដ្ឋបាល​ព្រៃឈើ​ព្រែក​ប្រសព្វ កំពុង​ផ្គើន​ទៅនឹង​ការព្រមាន​របស់លោក ឆេង គឹម​ស៊ុន បើកដៃ​ឲ្យ​ក្រុម​ឈ្មួញ​ដឹកជញ្ជូន ឈើ​ប្រណីត យ៉ាង​គគ្រឹកគគ្រេង​គ្មាន​រវល់​ក្នុងការ​បង្ក្រាប​នោះឡើយ​។
ក្រោយពី​ការព្រមាន​នេះ បទល្មើស​ព្រៃឈើ​បាន​កើតមានឡើង​ទ្វេដង ពួក​ឈ្មួញ​ទទួលបាន​ការសម្របសម្រួល​ពី​មន្ត្រីរដ្ឋបាល ព្រៃឈើ គឺ លោក អ៊ុយ​ស្រី ។ ប្រភពព័ត៌មាន​ពី​មន្ត្រី រដ្ឋបាល​ព្រៃឈើ​ម្នាក់ បាន​បង្ហើប​ឲ្យ​ដឹងថា លោក​អ៊ុយ ស្រី បាន​ឃុបឃិត​បើក ដៃ​ឲ្យ ក្រុម​ឈ្មួញ​ដឹកជញ្ជូន​ឈើ​យ៉ាង​អនាធិបតេយ្យ​ខុសច្បាប់ នៅ​ចំណុច ឃុំ​ដំ​រ៉ែ ស្រុក​សំបូរ ខេត្តក្រចេះ ។
​គួ​បញ្ជាក់ថា មន្ត្រី​ផ្នែក​រដ្ឋបាល​ព្រៃឈើ​រូបនេះ បានទទួល​លិខិត​បេសកកម្ម​បង្ក្រាប ទប់ស្កាត់ បទល្មើស​ព្រៃឈើ និង​សត្វព្រៃ ក្នុងស្រុក​ព្រែក​ប្រសព្វ មិន​យកទៅអនុវត្ត​ឲ្យ​បាន​ត្រឹមត្រូវ​តាមច្បាប់​ឡើយ បែរជា​ឃុបឃិត​នឹង​ពួក​ឈ្មួញ​ដាក់​រថយន្ត អង្គុយចាំ ទទួល​សំណែន​ទៅវិញ​។ ប្រភពព័ត៌មាន​បាន​ឲ្យ​ដឹងថា​សកម្មភាព​ដឹកជញ្ជូន ឈើ​ប្រណីត​ខុស
ច្បាប់​យ៉ាង​អនាធិបតេយ្យ កើត​ឡើងជា​រៀងរាល់​យប់​តាមផ្លូវ​ទឹក​ដែល​ពួក​ឈ្មួញ ដឹក​ពី​ខេត្តស្ទឹងត្រែង​មក​ស្តុក​ទុក​នៅ​ចំណុច​ខាងលើនេះ​។
​    ​ពាក់ព័ន្ធ​នឹង​ការរិះគន់​ខាងលើនេះ កាសែត​អរិយធម៌​មិនអាច​សុំ​ការបកស្រាយ​ពី​អស់លោក​ខាង លើ​បានទេ​។ ប៉ុន្តែ​គេ​និយាយថា ករណីនេះ​ប្រាកដ​ជាមាន​មែន ព្រោះ​បើ​គ្មាន​ភ្លើង​ក៏​គ្មាន​ផ្សែង​ដែរ​៕

Copyright © 2010-2021 · អរិយធម៌ · All Rights Reserved.
Develop by Sek Sathya