ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 បើកសង្វៀនបញ្ជល់មាន់ ទ្រង់ទ្រាយធំដំណើរការយ៉ាងរលូន  ម្ចាស់សៃវៀន ឈ្មោះ វណ្ណ នៅកំពង់ចាម​  ||     ល្បីរឿងលោក អ៊ុំ វុទ្ធទី និងបក្ខពួក ឆបោកលុយ ពីជនរងគ្រោះប្រមាណជាង ៣១ម៉ឺនដុល្លារ  ព្រោះតែ….  នៅភ្នំពេញ​  ||     ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||   

» ព័ត៌មានជាតិ » នៅរោងចក្រ សាន​ហ្វុ​ង កម្មករ-កម្មការិនីចក្រ​​កំពុងធ្វើកូដកម្មឲ្យថៅកែគោរពលក្ខខណ្ឌ​ការងារ​​១០ចំណុច​

នៅរោងចក្រ សាន​ហ្វុ​ង កម្មករ-កម្មការិនីចក្រ​​កំពុងធ្វើកូដកម្មឲ្យថៅកែគោរពលក្ខខណ្ឌ​ការងារ​​១០ចំណុច​

ភ្នំពេញ​ ៖ ​ក្រុម​កម្មករ​-កម្មការិនីរោងចក្រប្រមាណ​៧០០​នាក់​នៃ​រោងចក្រ​កាត់ដេរ​សំលៀកបំពាក់​មួយ​យីហោ​«​សាន​ហ្វុ​ង​» ដែល ​មាន​ទីតាំង​ស្ថិត​ក្នុង​ភូមិ​ច្រេស សង្កាត់​ភ្នំពេញ​ថ្មី ខណ្ឌ​សែន​សុខ បាន​​​ប្រមូលផ្ដុំ​​ធ្វើការ​តវ៉ា​ទាមទារ​លក្ខខណ្ឌ​ការងារ​ចំនួន១០​ចំណុច​ កាលពី​ព្រឹក​១១ ខែតុលា ឆ្នាំ​២០១៣ ដើម្បី​ឲ្យ​ថៅកែ​គោរព​ច្បាប់​ការងារ។

តាម​ប្រភព​ព័ត៌មាន​ ពី​ក្រុម​កម្ម​ករ​ ​បាន​និយាយ​ឱ្យ​ដឹង​ថា​ ​ប្រធាន​រោង​ចក្រ​ ​ខាង​លើ​តែង​តែ​ធ្វើ​បាបកម្ម​ ​គាប​សង្កត់​ ​ជា​ពិសេស​រឿង​ថែម​ម៉ោង​ ​និង​លុយ​បន្ថែម​ ​ម៉ោង​ ​ហើយ​កន្លង​មក​ប្រធាន​រោង​ចក្រ​ ​ដែល​ជា​ជន​ជាតិ​ចិន​តែង​តែ​មើលងាយ​ ​កម្ម​ករ​ ​ហើយ​កម្ម​ករ​ទាំង​អស់​ក៏​នាំ​គ្នា​ធ្វើ​ ​ការ​តវ៉ា​រក​ដំណោះ​ស្រាយ​ ​និង​លក្ខខណ្ឌ​ ​ការងារ​ចំនួន​១០ចំណុច​ ​ដែល​មាន​ដូច​ ​ខាង​ក្រោម​នេះ​ ​៖

១-សូម​ឱ្យ​ក្រុម​ហ៊ុន​បើក​ប្រាក់​ឈ្នួល​ ​ឱ្យ​កម្ម​ករ​មុន​ថ្ងៃ​ទី​១០ ជា​រៀង​រាល់​ខែ​ ​និង​ ​ឱ្យ​បាន​មុន​ម៉ោង​៤ ។

២-សុំ​ឱ្យ​ក្រុម​ហ៊ុន​ផ្ដល់​ប្រាក់​ថ្លៃ​បាយ​ ​បន្ថែម​ម៉ោង​ ​ក្នុង​១ម៉ោង​១.០០០រៀល​ ​។

៣-សុំ​ឱ្យ​ក្រុម​ហ៊ុន​ផ្ដល់​លុយ​ព្រី​ម​ឬ​ ​ប្រាក់​រង្វាន់​ទៀង​ទាត់​ជូន​កម្ម​ករ​ចំនួន​១៥ ដុល្លារ​ក្នុង​១ខែ​ ​។

៤-សុំ​ឱ្យ​ក្រុម​ហ៊ុន​ផ្ដល់​ប្រាក់​ស្នា​ក់​នៅ​ ​ឬ​ថ្លៃ​ឡាន​ជូន​កម្ម​ករ​ចំនួន​១៥ដុល្លារ​ក្នុង​ ​១ខែ​ ​។

៥-សុំ​ឱ្យ​ក្រុម​ហ៊ុន​ផ្ដ​ល​ប្រាក់​បាយ​ថ្ងៃ​ ​ត្រង់​៥.០០០រៀល​ក្នុង​១ថ្ងៃ​ ​។

៦-សុំ​ឱ្យ​ក្រុម​ហ៊ុន​កាត់​លុយ​ព្រី​ម​ ​កម្ម​ករ​ជាង​ស​មា​មាត្រ​ពេល​មាន​ច្បាប់​ ​អនុញ្ញាត​ឈប់​សម្រាក​ត្រឹម​ត្រូវ​ ​។

៧-សុំ​ឱ្យ​ក្រុម​ ហ៊ុន​បើក​ប្រាក់​ខែ​មុន​ ​ជូន​ស្ដ្រី​មាន​ផ្ទៃ​ពោះ​ ​ដើម្បី​សម្រាក​លំហែ​ ​ ​មា​តុ​ភាព​ ​ដោយ​យក​ប្រាក់​ខែ​ទាំង​១២ខែ​ ​មក​គិត​ទូទាត់​ ​។

៨-សុំ​ឱ្យ​ក្រុម​ ហ៊ុន​អនុញ្ញាត​ឱ្យ​ស្ដ្រី​ មាន​ផ្ទៃ​ពោះ​សម្រាក​១ថ្ងៃ​ក្នុង​១ខែ​សម្រាប់​ ​ទៅ​ពិ​និត្យ​ផ្ទៃ​ពោះ​ ​ដោយ​រក្សា​ប្រាក់​ឈ្នួល​ ​និង​អត្ថ​ប្រយោជន៍​ផ្សេ​ងៗ​នៅ​ដដែល​ ​ហើយ​មិន​ត្រូវ​កាត់​បំណាច់​ឆ្នាំ​ទេ​ ​។

៩-សុំ​ឱ្យ​ក្រុម​ហ៊ុន​ផ្ដល់​ប្រាក់​ថ្លៃ​បាយ​ ​ថ្ងៃ​បុណ្យ​ ​ឬ​ថ្ងៃ​អាទិត្យ​២.០០០រៀល​ជូន​ ​កម្ម​ករ​ ​។

១០-សុំ​ឱ្យ​ក្រុម​ ហ៊ុន​បញ្ឈប់​ការ​បង្ខំ​ ​កម្ម​ករ​ធ្វើ​ការ​បន្ថែម​ម៉ោង​ ​ព្រោះ​ការ​ ​ងារ​បន្ថែម​ម៉ោង​គឺ​ឋិត​នៅ​លើ​គោល​ ​ការណ៍​ស្ម័គ្រ​ចិ​ត្ដ​ ​មិន​ថា​ថ្ងៃ​បុណ្យ​ ​ឬ​ថ្ងៃ​ ​បើក​ប្រាក់​ឈ្នួល​ ​។

សូម​ឲ្យ​ក្រុមហ៊ុន​ដក​ឈ្មោះ ចែ ឆេង (Supervisor) ចេញពី​ក្រុមហ៊ុន​ព្រោះ​កន្លងមក​និយាយ​ស្ដី​មិន​សមរម្យ​មកលើ​កម្មករ។

ខណៈដែល​កម្ម​ករ​ ​ធ្វើ​ការ​ទាមទារ​តវ៉ា​នៅ​មុខរោ​ង​ចក្រ​ ​គេ​​បាន​ឃើញ​អភិបាល​រង​ខណ្ឌ​សែន​សុខ​ ​លោក​ ​ម៉ូ​វ​ ​ម៉ា​និ​ត​ ​និង​លោក​ ​ជា​ ​ខេ​មា​ ​ដែល​ជំនួស​ឱ្យ​លោក​ ​លី​ ​សា​វេ​ត​ ​អភិបាល​ ​ ​នៃ​គ​ណៈ​អភិបាល​ខណ្ឌ​សែន​សុខ​ ​ដើម្បី​​ធ្វើ​ការ​សម្រប​សម្រួល​​ប៉ុន្ដែ​រហូត​ដល់​ ​រសៀល​ថ្ងៃ​ទី​១១ ខែ​តុលា​ ​ឆ្នាំ​២០១៣នេះ​ ​ ​មិន​ទាន់​មាន​ដំណោះ​ស្រាយ​យ៉ាង​ណា​​នោះ​ទេ​ ៕

Copyright © 2010-2021 · អរិយធម៌ · All Rights Reserved.
Develop by Sek Sathya